[X] Close
JUST IN
  • BREAKING-NEWS தண்ணீர் பிரச்னைக்காக மாவட்டந்தோறும் ஜூன் 22 முதல் திமுக கவன ஈர்ப்பு ஆர்ப்பாட்டம் - திமுக மாவட்டச் செயலாளர்களுக்கு மு.க.ஸ்டாலின் அறிவுறுத்தல்
  • BREAKING-NEWS வாகன ஓட்டு‌நர் உ‌ரிமம் பெறுவதற்கான குறைந்த‌பட்ச கல்வி தகுதியை அடியோடு நீக்கம் செய்ய மத்திய அரசு முடிவு ‌செய்துள்ளதாக தகவல்
  • BREAKING-NEWS ஆந்திர போலீஸாருக்கு இன்று முதல் வார விடுமுறை அறிவித்தார் முதல்வர் ஜெகன்மோகன் ரெட்டி
  • BREAKING-NEWS மக்களவை சபாநாயகராக பாஜவை சேர்ந்த ஓம் பிர்லா எம்.பி. போட்டியின்றி ஒருமனதாக தேர்ந்தெடுக்கப்பட்டார்
  • BREAKING-NEWS நடிகர் சங்கத் தேர்தலை நிறுத்துமாறு தென்சென்னை மாவட்ட சங்கங்களின் பதிவாளர் உத்தரவு
  • BREAKING-NEWS தேர்தல் தோல்வியை அடுத்து கர்நாடக மாநில காங்கிரஸ் கமிட்டியை கலைத்தது காங்கிரஸ் கட்சி

நெல் சாகுபடி பாதிக்கும் ஆபத்து: திறக்கப்படுமா மேட்டூர் அணை?

cauvery-delta-farmers-demand-water-release-from-mettur-dam

காவிரி டெல்டா மாவட்டங்களில் குறுவை சாகுபடிக்கு தண்ணீர் பெற்று தர வேண்டும் என அப்பகுதி விவசாயிகள் கோரிக்கை விடுத்துள்ளனர். ஆறுகளை தூர்வார விவசாயிகள் நடவடிக்கை எடுக்க வேண்டும் எனவும் அவர்கள் வேண்டுகோள் விடுத்துள்ளனர்.

வறண்டு போன நீர் நிலைகள். ஆகாய தாமரைப் படந்த ஆறுகள். தண்ணீருக்காக தவமிருக்கும் விவசாயிகள். சாகுபடிக்கு தயாராகும் டெல்டா மாவட்ட விவசாயிகளின் நிலை இது. காவிரி டெல்டா மாவட்டங்களில் ஆண்டு தோறும் குறுவை, சம்பா, தாளடி என்ற பருவங்களில் நெல் சாகுபடி மேற்கொள்ளப்படுகிறது. இதற்காக, மேட்டூர் அணையிலிருந்து ஆண்டு தோறும் ஜூன் மாதம் தண்ணீர்திறப்பது வழக்கம். கடந்த 5 ஆண்டுகளாக மேட்டூர் அணையில் போதிய தண்ணீர் இல்லாததால் இந்த ஆண்டு தண்ணீர் திறப்பதில் சிக்கல் ஏற்பட்டுள்ளது.

இது ஒருபுறமென்றால், ஆறுகள், வாய்க்கால்கள், வடிகால்கள் என நீர் நிலைகள் தூர்வாரப்படாத நிலையும் விவசாயிகளுக்கு வேதனையை ஏற்படுத்தியுள்ளது. இதனால், மேட்டூரில் தண்ணீர் திறக்கப்பட்டாலும் கடைமடை பகுதிக்கு தண்ணீர் செல்ல முடியாத சூழல் உள்ளதாக விவசாயிகள் வேதனை தெரிவிக்கின்றனர்.

இதனிடையே, நீர்நிலைகளை தூர்வார ஒதுக்கப்படும் நிதி முறையாக செலவிடப்படவில்லை என்பது டெல்டா மாவட்ட விவசாயிகளின் குற்றச்சாட்டு. எனவே, அவற்றை கண்காணிக்க, விவசாய பிரதிநிதிகள், உள்ளூர் விவசாயிகள், சமூகஆர்வலர்கள் அடங்கிய குழு அமைத்து நீர் நிலைகள் முறையாக தூர்வார நடவடிக்கை எடுக்க வேண்டும் என கோரிக்கை விடுத்துள்ளனர்.

நாட்டின் முதுகெலும்பாக இருக்கும் விவசாயத்தையும், விவசாயிகள் சந்திக்கும் பிரச்னைகளையும் கலைய அரசு நடவடிக்கை எடுக்க வேண்டும்என்பதே டெல்டா மாவட்ட விவசாயிகளின் எதிர்பார்ப்பு.

Advertisement:
இது தொடர்பான செய்திகள் :
Advertisement:
Advertisement:
[X] Close