ஜெனிட்டா ரோஸ்லின்
நீரிழிவு நோய்க்கு என்ன வகையான உணவுகளை எடுத்துக் கொள்ளலாம் , எந்த உணவுகளை தவிர்க்க வேண்டும் என்று விளக்குகிறார் ஊட்டச்சத்து நிபுணர் தாரணி கிருஷ்ணன்
இதற்கு சியா விதைகள் என்று பெயர். இவற்றை சிறிது நேரம் தண்ணீரில் ஊறவைத்து அத்துடன் சிறிது பால் அல்லது கொய்யாவை சேர்த்து சாப்பிடலாம்.
ஆளி விதைகள் எனப்படும் இவ்விதைகளை வறுத்து, பொடியாக அரைத்து தோசை இட்லி மாவு ,சூப் , சாம்பார் போன்றவற்றில் சேர்த்தும் சாப்பிடலாம்.
கொய்யாவில் வைட்டமின் சி மற்றும் நார்ச்சத்து அதிகம் நிறைந்துள்ளதால் அதை அப்படியே விதைகளுடன் சாப்பிடும்போது அதிக அளவு நார்ச்சத்து கொண்டுள்ள சிறந்த உணவாக பார்க்கப்படுகின்றது.
பப்பாளி பழம் இதய நோய் மற்றும் உடலில் வீக்கங்கள் ஏற்படுவதையும் தடுக்கின்றது. இப்பழத்தை முழு பழமாக சாப்பிடுவது நல்லது.
குதிரைவாலி அல்லது திணையை வறுத்தோ, முளைக்க வைத்தோ, புளிக்க வைத்தோ... இட்லி, அப்பம், பொங்கல், உப்மா போன்றவற்றில் சேர்த்து சாப்பிடலாம். இவை குளுக்கோஸை கட்டுப்பாட்டில் வைக்க உதவும்.
பாக்கெட்டுகளில் சேமித்துவைக்கப்பட்டு பதப்படுத்தப்பட்ட உணவுகளை சாப்பிடுவதை தவிர்க்க வேண்டும்.அவை அதிக அளவு கார்போஹைட்ரேட் உடையதாகவும் குறைந்த அளவு நார்ச்சத்து உள்ளதாகவும் இருக்கிறது.
சர்க்கரை, வெல்லம் அல்லது பனை சர்க்கரையை அதிக அளவு உண்ணும்போது இரத்த சர்க்கரை அளவை அதிகரிக்கிறது.
மைதா மற்றும் சோள மாவு இவை இரண்டிலும் நார்ச்சத்து இல்லை. இவை தயாரிக்கப்படும்போதே அதில் உள்ள சத்துகள் எல்லாம் அகற்றப்பட்டுவிடுகின்றது.
மாட்டிறைச்சி, ஆட்டிறைச்சி மற்றும் பன்றி இறைச்சி ஆகியவை சிவப்பு இறைச்சிகள். இவை இதய தமனிகளில் அடைப்புகளை உருவாக்கி இதய நோய் உருவாக காரணமாக அமைகிறது.
ஹாம் என்பது ஒருவகையான பதப்படுத்தப்பட்ட இறைச்சி வகை . இவை அதிக கொழுப்பைபினையும் அதிக சோடித்தையும் கொண்ட இறைச்சி.
மாம்பழம் மற்றும் பலா போன்ற பழங்கள் இரத்த சர்க்கரை அளவை அதிகரிக்கின்றன.