பனிரெண்டாம் வகுப்பு பொதுத்தேர்வு முடிவுகள் இன்று காலை 9.30 மணிக்கு வெளியாகிறது. இணையதளம், தொலைபேசி, பள்ளிகள், நூலகங்கள் வழியாக முடிவுகளை அறிய பள்ளிக்கல்வித்துறை ஏற்பாடு செய்யப்பட்டுள்ளது.
www.tnresults.nic.in, www.dge.tn.gov.in தளத்தில் +2 தேர்வு முடிவுகள் வெளியாகின்றன. இதில் தேர்வு எண், பிறந்த தேதியை குறிப்பிட்டு மாணவர்கள் மதிப்பெண்களை அறியலாம்.
அரசு கலை மற்றும் அறிவியல் கல்லூரிகளில் இளநிலை படிப்புகளில் சேர இன்று முதல் விண்ணப்பிக்கலாம் என்று கல்லூரி கல்வி இயக்ககம் அறிவிப்பினை வெளியிட்டுள்ளது.
உதகை, கொடைக்கானலுக்கு சுற்றுலா செல்வோர் இன்று முதல் இ-பாஸ் பெற வேண்டும் என்றும் பொதுமக்கள் வந்து செல்ல தடையில்லை என்றும் தமிழக அரசு விளக்கமளித்துள்ளது.
தமிழகத்தில் சேலம், பெரியகுளம், சிவகாசி, கரூர் உள்ளிட்ட நகரங்களில் மழை பெய்ததால் வெப்பம் தணிந்தது.
மக்களவை தேர்தலில் மூன்றாம் கட்டமாக நாளை 12 மாநிலங்களில் உள்ள 94 தொகுதிகளில் வாக்குப்பதிவு நடைபெறுகிறது. இந்நிலையில், இறுதிக்கட்ட ஏற்பாடுகளில் தேர்தல் ஆணையம் தீவிரமடைந்துள்ளது.
காங்கிரஸ் கட்சி ஆட்சிக்கும் வராது, ஜம்மு-காஷ்மீரில் 370ஆவது சட்டப்பிரிவும் மீண்டும் வராது. ஆகவே, பகல் கனவு காண்பதை ராகுல் காந்தி நிறுத்திக் கொள்ள வேண்டும் என அமித் ஷா பேச்சு.
காங்கிரஸ் ஆட்சிக்கு வந்தால் மக்களின் வளம் மக்களிடமே வழங்கப்படும் என காங்கிரஸ் பொதுச்செயலாளர் பிரியங்கா காந்தி பேச்சு.
காங்கிரஸ் கட்சி நிர்வாகி ஒருவர் கர்நாடக துணை முதலமைச்சர் டி.கே. சிவக்குமாரின் தோளில் கை வைத்து புகைப்படம் எடுக்க முயன்றார். அதில் கோபம் அடைந்து அந்நிர்வாகியை கன்னத்தில் அறைந்தார் டி.கே. சிவக்குமார்.
ஆம் ஆத்மி, காங்கிரஸ் ஊழல் கட்சிகளாக உள்ளதால் பாஜக வேட்பாளர்களுக்கு ஆதரவு கிடைக்கும் என தமிழக பாஜக தலைவர் அண்ணாமலை டெல்லியில் புதிய தலைமுறைக்கு பேட்டி.
நெல்லை கிழக்கு மாவட்ட காங்கிரஸ் தலைவர் ஜெயக்குமார் தனசிங் மரண விவகாரத்தில், முதலமைச்சர் ஸ்டாலின் நீதியை பெற்றுத் தருவார் என அமைச்சர் மனோ தங்கராஜ் பேட்டி.
உடலும் உயிரும் கூடி இயங்கியதால்தான் இலக்கியம் என்ற குழந்தை பிறந்திருக்கிறது என்று இளையராஜா குறித்த செய்தியாளர்களின் கேள்விக்கு பதில் அளிக்காமல் சென்ற வைரமுத்து.
சில கற்றார் பேச்சும் இனிமையே என்று நடிகர் குமரிமுத்துவின் பேச்சை பகிர்ந்து இசையமைப்பாளர் ஏ.ஆர்.ரகுமான் பதிவு.
கோபிசெட்டிபாளையம் அருகே விவசாய தோட்டத்தில் சிறுத்தை நடமாட்டத்தால், இரவு நேரங்களில் பொதுமக்கள் வெளியே வர வேண்டாம் என எச்சரிக்கை.
தமிழ்நாட்டில் காற்றாலை மின் உற்பத்தி அதிகரிக்கப்பட்டதால், மின் தட்டுப்பாடு அபாயம் நீங்கும் என எதிர்பார்க்கப்படுகிறது.
நாடு முழுவதும் 557 மையங்களில் நடைபெற்ற நீட் நுழைவுத் தேர்வில், உயிரியல் பாடப்பிரிவு வினாக்கள் எளிதாக இருந்ததாக மாணவர்கள் கருத்து.
புதுச்சேரியில் ஏரிக்கரையை சுத்தம் செய்யும் பணியின்போது உறை கிணறு கண்டுபிடிக்கப்பட்டுள்ளது.
திருவாரூர் அருகே டாஸ்மாக்கில் கடனுக்கு மது பாட்டில் தர மறுத்த ஊழியர் மீது சரமாரி தாக்குதலில் ஈடுபட்டனர். இந்நிலையில், தகராறில் ஈடுபட்டவர்கள் மீது காவல்துறையினர் வழக்குப்பதிவு செய்துள்ளனர்.
திருப்பத்தூரில் தார் சாலையை பெயர்த்து எடுத்த ஊராட்சி மன்ற உறுப்பினர் கைது செய்யப்பட்டார். இந்நிலையில், கமிஷன் தராததால் சேதப்படுத்தியதாக தகவல்.
அரியலூரில் பழமை வாய்ந்த சிவன் கோயிலில் முருகன் கற்சிலை கண்டெடுப்பு. இந்நிலையில், வள்ளி, தெய்வானையுடன் காட்சித் தரும் முருகனை வழிபட்ட மக்கள்.
நாட்டின் 140 கோடி மக்களுக்காக அயோத்தி ராமரிடம் வேண்டி கொண்டதாக பிரதமர் மோடி பதிவு.
ஆள்கடத்தல் வழக்கில் கர்நாடகா எம்எல்ஏ ஹெச்.டி.ரேவண்ணாவுக்கு 4 நாள் போலீஸ் காவல் வைக்க, பெங்களூரு நீதிமன்ற உத்தரவு.
ஹங்கேரி பிரதமருக்கு எதிராக பிரமாண்ட கண்டன பேரணி. மேலும், வெறுப்பு, பிளவால் மக்கள் பாதிப்பு என எதிர்க்கட்சிகள் குற்றச்சாட்டு.
இலங்கையில் செங்குத்தாக இருந்த சிமெண்ட் பூச்சு கிணற்றுக்குள் விழுந்த யானையை நீண்ட நேர போராட்டத்துக்கு பின் மீட்டுள்ளனர்.
கொல்கத்தாவின் அதிரடி ஆட்டத்தை சமாளிக்க முடியாமல் லக்னோ தோல்வி அணி தோல்வி. 98 ரன்கள் வித்தியாசத்தில் லக்னோவை வீழ்த்தியது கொல்கத்தா.
