[X] Close
JUST IN
  • BREAKING-NEWS கருணாசுக்கு ஸ்டாலின் கண்டனம் தெரிவிக்காதது ஏன்? - அமைச்சர் ஜெயக்குமார்
  • BREAKING-NEWS திமுக பஞ்சாயத்து கட்சியாக மாறிவிட்டது; ஸ்டாலின் வழக்கு தொடர்ந்தால் சந்திக்க தயார் - அமைச்சர் ஜெயக்குமார்
  • BREAKING-NEWS என்னை கைது செய்ய தனிப்படை அமைக்கப்பட்டது பற்றி தெரியாது; நான் தலைமறைவாக இல்லை - ஹெச்.ராஜா
  • BREAKING-NEWS ஜம்மு-காஷ்மீர்: ஷோபியான் மாவட்டத்தில் பயங்கரவாதிகளால் கடத்தப்பட்ட 2 காவல் அதிகாரிகள், ஒரு காவலரை பயங்கரவாதிகள் கொலை செய்துள்ளனர்
  • BREAKING-NEWS ராமநாதபுரம்: மண்டபம் முகாமில் இலங்கை அகதிகளுக்கு 20 நாட்களுக்கும் மேலாக உதவித்தொகை வழங்கப்படவில்லை என இலங்கை அகதிகள் குற்றச்சாட்டு
  • BREAKING-NEWS கள்ளக்குறிச்சி வட்டார போக்குவரத்து ஆய்வாளர் பாபுவின் உதவியாளர் செந்தில்குமாரின் கூட்டுறவு வங்கி லாக்கர் முடக்கம்
  • BREAKING-NEWS கரூர்: பரமத்தி, பவுத்திரம் ஆகிய பகுதிகளில் உள்ள கல்குவாரிகளில் 2ம் நாளாக வருமானவரி சோதனை

தலைமறைவாகும் ஆயிரக்கணக்கான ஆண்கள்.. வெறிச்சோடிய கிராமங்கள்..!

thousand-of-man-escaped-from-village

போலீசாரின் கைது நடவடிக்கைக்கு பயந்து பீதியில் கிராமத்திலுள்ள ஆண்கள் தலைமறைவாவது தொடர்கதையாகி வருகிறது.

சென்னையைச்‌ சேர்ந்த ருக்மணி என்ற மூதாட்டி குடும்பத்துடன் திருவண்ணாமலை மாவட்டம் போளூர் அருகே அத்திமூரிலுள்ள குலதெய்வ கோயிலுக்குச் கடந்த 9-ம் தேதி சென்றுள்ளார். அங்கே குடும்பத்துடன் அவர்கள் நின்றுகொண்டிருந்த போது, கிராமத்தின் தெருவில் சில குழந்தைகள் விளையாடிக் கொண்டிருந்துள்ளன. அந்தக் குழந்தைகளை கண்ட மூதாட்டி, குழந்தைகளை அழைத்து சாக்லெட் கொடுத்துள்ளார். இதனைக் கண்ட அப்பகுதி மக்கள், ருக்மணி குடும்பத்தினரை குழந்தை கடத்தும் கும்பலோ என்று சந்தேகித்துள்ளது.

அதற்குள் கூட்டம் கூட, சந்தேகமடைந்த ஊர்மக்கள், ருக்மணி குடும்பத்தினர் 5 பேரையும் சரமாரியாக தாக்கியுள்ளனர். வலியால் அவர்கள் துடிக்க, ருக்மணி தாங்கள் குழந்தை கடத்தும் கும்பல் இல்லை என்பதை கூறியுள்ளார். இருப்பினும் கடுமையாக நிகழ்த்தப்பட்ட கொலை வெறித் தாக்குதலில் மூதாட்டி ருக்மணி சம்பவ இடத்திலேயே உயிரிழந்தார். மேலும் 4 பேர் படுகாயம் அடைந்தனர். அவர்களுக்கு மருத்துவமனையில் சிகிச்சையளிக்கப்பட்டு வருகிறது. குழந்தை கடத்தல்காரர்கள் என அவர்களை நினைத்து ஊர்மக்கள் தாக்கினர். ஆனால் உண்மையில் அவர்கள் குழந்தை கடத்தல்காரர்களே இல்லை என்பது பின்னர் தெரியவந்தது.

இதனிடையே ருக்மணி கொலை வழக்கு குறித்து, அத்திமூர், திண்டிவனம், களியம், தம்பு கொட்டான் பாறை உள்ளிட்ட கிராமங்களை சேர்ந்த, 44 பேரை போலீசார் இதுவரையில் கைது செய்து சிறையில் அடைத்துள்ளனர். இதன்காரணமாக  7 கிராமங்களை சேர்ந்த, 2000-க்கும் மேற்பட்ட ஆண்கள் தலைமறைவாகி உள்ளனர்.

இதுகுறித்து போலீஸ் தரப்பில் கூறப்படுவதாவது:- “சம்பவம் நடந்த இடத்தில் சேகரித்த வீடியோ காட்சிகளை வைத்துதான் விசாரணை மேற்கொண்டு வழக்குப்பதிவு செய்துள்ளோம். அதன்படிதான் கைது நடவடிக்கையும் மேற்கொள்ளப்பட்டது. தற்போது நீதிமன்றங்களுக்கு கோடை விடுமுறை என்பதால், சம்பந்தப்பட்டவர்கள் மீது  நீதிமன்ற வழக்கு தொடர முடியாத காரணத்தால், யாரையும் கைது செய்ய மாட்டோம் என அறிவித்தும், கிராமங்களிலுள்ள பெரும்பாலான ஆண்கள் தலைமறைவாகவே உள்ளனர். இதனால் கிராமங்கள் தொடர்ந்து சகஜ நிலைக்கு திரும்பாமல் வெறிச்சோடி காணப்படுகிறது” என தெரிவிக்கப்பட்டுள்ளது.

Advertisement:
Advertisement:
Advertisement:
[X] Close