[X] Close
JUST IN
  • BREAKING-NEWS ஐஎன்எக்ஸ் மீடியா வழக்கு: ப.சிதம்பரம் தாக்கல் செய்த ஜாமீன் மனு மீது நாளை தீர்ப்பு வழங்குகிறது டெல்லி உயர்நீதிமன்றம்
  • BREAKING-NEWS டெல்லியில் குடியரசுத் தலைவர் மாளிகை, இந்தியா கேட் பகுதிகளில் காற்று மாசு அதிகரிப்பு; வாகன ஓட்டிகள் அவதி
  • BREAKING-NEWS லாக்-அப் என்கவுன்டர் விவகாரம்: எஸ்.ஐ. காளிதாஸுக்கு ஆயுள் தண்டனை விதிப்பு!
  • BREAKING-NEWS சென்னை மேயர் பதவிக்கு போட்டியிட உதயநிதி ஸ்டாலின் சார்பில் விருப்பமனு
  • BREAKING-NEWS ரஃபேல் தீர்ப்பு எதிர்க்கட்சியினருக்கு சரியான பதிலடி - உள்துறை அமைச்சர் அமித்ஷா
  • BREAKING-NEWS மனைவி நளினி மற்றும் உறவினர்களைப் பார்க்க முருகனுக்கு அனுமதி வழங்குக - உயர்நீதிமன்றம்
  • BREAKING-NEWS தென்பெண்ணையாற்றின் குறுக்கே கர்நாடகா அணை கட்டத் தடையில்லை என உச்சநீதிமன்றம் தீர்ப்பு

திரைப்பட பாணியில் மதுபான விடுதியை சூறையாடிய மர்மநபர்கள் 

karaikal-district-news

புதுச்சேரி காரைக்காலில் தனியார் மதுபான விடுதிக்குள் புகுந்த மர்மநபர்கள் திரைப்படக்காட்சியில் வருவதைப்போல கடையை சூறையாடிச் சென்றனர். 

புதுச்சேரி காரைக்‌கால் அருகே மேலவாஞ்சூர்‌ பகுதியில் இயங்கி வரும் தனியார் பார் மிகவும் பிரபலமானது எனக் கூறப்படுகிறது. எப்போதும் மதுப்பிரியர்களின் கூட்டத்தில் நிரம்பிக் கிடக்கும் இந்தக்கடையின் விடுதிக்குள் புகுந்த மர்மநபர்கள் கண்ணிமைக்கும் நேரத்தில் விடுதியைச் சூறையாடினர். முகமூடி அணிந்து வந்த 6 பேர் கொண்ட கும்பல் உருட்டுக்கட்டை உள்ளிட்டை ஆயுதங்களால் திரைப்படங்களின் சண்டைக்காட்சி போல இந்தச் சூறையாடும் சம்பவத்தை அரங்கேற்றியுள்ளனர்.

மதுபான விடுதியின் மேலாளர் கணபதி அளித்த புகாரின் பேரில் நிகழ்விடத்திற்கு விரைந்த பட்டினம் பகுதி கா‌வல்துறையினர், சிசிடிவி காட்சிகளை வைத்து விசாரணை மேற்கொண்டு வருகின்றனர். விசாரணையில் இந்த மதுபானக்கடையில் ராம், மாதேஷ் மற்றும் சிவகாளிமுத்து ஆகியோருக்கு கூட்டு உரிமை உள்ளதாக தெரியவந்துள்ளது. 

இந்நிலையில் பங்குதாரர்களில் இருவர் மறைந்த பிரபல சாராய வியாபாரி ராதாகிருஷ்ணனின் மகன்கள் என்பதால், அவர்களது உறவினர்கள் யாரேனும் சொத்தில் பங்கு கேட்டு இந்தத் தாக்குதல் சம்பவத்தை அரங்கேற்றி இருக்கலாம் என்ற கோணத்திலும் காவல்துறையினர் விசாரித்து வருகின்றனர்.

மர்மநபர்கள் சூறையாடியதில் சுமார் 30 ஆயிரம் ரூபாய் மதிப்பிலான பொருட்கள் சேதமடைந்துள்ளதாக கூறப்படுகிறது. எப்போதும் மதுப்பிரியர்களின் கூட்டத்தில் நிரம்பிக் கிடக்கும் கடையில் நிகழ்ந்துள்ள இச்சம்பவம் காரைக்காலில் பெரும் பரபரப்பை ஏற்படுத்தியுள்ளது

Advertisement:
Advertisement:
Advertisement:
[X] Close