[X] Close

கடலூர்: தண்ணீரில் மிதக்கும் 150 வீடுகள்

தமிழ்நாடு

150-houses-floating-in-the-water-in-Cuddalore

கடலூர் அருகே உள்ள குண்டுஉப்பலவாடி கிராமத்தில் 150க்கும் மேற்பட்ட வீடுகள் தண்ணீரில் மிதக்கின்றன.


Advertisement

வங்கக்கடலில் உருவான நிவர் புயல் இன்று காலை கரையை கடந்தது. இதனையடுத்து கடந்த மூன்று நாட்களாக கடலூர் மற்றும் சுற்று வட்டார பகுதியில் பலத்த மழை பெய்து வருகிறது. இதன் காரணமாக கடலூர் அருகே உள்ள குண்டுஉப்பலவாடி கிராமத்தில் 150க்கும் மேற்பட்ட வீடுகள் தண்ணீரில் மிதக்கின்றன.

image


Advertisement

குறிப்பாக அழகப்ப நகர் முதல் தெரு, இரண்டாம் தெரு, சின்ராஜ் நகர்,சப்தகிரி தெரு, பெருமாள் நகர் உள்ளிட்ட பகுதிகளில் உள்ள வீடுகளில் வைக்கப்பட்டிருந்த பொருட்கள் அனைத்தும் நீரில் சேதமடைந்தன. வீட்டிற்குள் தேங்கியிருக்கும் மழைநீரை மக்கள் வெளியேற்றி வருகின்றனர்.

ஒவ்வொரு முறையும் கனமழை பெய்யும் போதெல்லாம் இதுபோல் வெள்ளநீர் தங்கள் வீடுகளை சூழ்ந்து விடுவதாகவும், வீட்டிலுள்ள பொருட்கள் சேதமடைவதாகவும் அப்பகுதி மக்கள் வேதனை தெரிவித்துள்ளனர். இதற்கு தீர்வாக வடிகாலை முறையாக தூர்வாரி தங்கள் பகுதியில் நீர் தேங்காதவாறு நடவடிக்கை எடுக்க வேண்டும் என அரசுக்கு மக்கள் கோரிக்கை வைத்துள்ளனர்.


Advertisement

Advertisement
[X] Close