ஓபிஎஸ்- ஈபிஎஸ் முன்னிலையில் அதிமுக மாநிலங்களவை வேட்பாளர்கள் மனுத் தாக்கல்

அதிமுக சார்பில் மாநிலங்‌கள‌வை தேர்தலில் போட்டியிடும் 3 வேட்பாளர்களும் வேட்பு மனுத் தாக்கல் செய்துள்‌ளனர்.

தமிழகத்தில் இருந்து மாநிலங்களவைக்கு உறுப்பினர்களை தேர்ந்தெடுப்பதற்கான தேர்தல் வரும் 23 ஆம் தேதி நடைபெறுகிறது. கடந்த 6 ஆம் தேதி வேட்புமனுத் தாக்கல் தொடங்கிய நிலையில், திமுக சார்பில் வேட்பாளர்களாக அறிவிக்கப்பட்ட திருச்சி சிவா, இளங்கோவன், முன்னாள் அமைச்சர் அந்தியூர் செல்வராஜ் ஆகியோர் தங்களது வேட்பு மனுவை அண்மையில் தாக்கல் செய்திருந்தனர்.

கட்சிப் பதவிகளை தொழிலாக வைத்துள்ளனர்: ரஜினி

இந்நிலையில் அதிமுக சார்பில் வேட்பாளர்களாக அறிவிக்கப்பட்ட முன்னாள் அமைச்சர் கே.பி.முனுசாமி, முன்னாள் மக்களவை துணை சபாநாயகர் தம்பிதுரை, தமாகா தலைவர் ஜி.கே.வாசன் ஆகியோர் தலைமை செயலகத்தில் சட்டப்பேரவை செயலாளரிடம் வேட்புமனுவை தாக்கல் செய்தனர்.

அரசியல் மாற்றத்திற்கு ரஜினிகாந்தின் 3 திட்டங்கள்...!

அப்போது முதலமைச்சர் எடப்பாடி பழனிசாமி, துணை முதல்வர் ஓ.பன்னீர்‌செல்வம் உள்ளிட்டோர் உடனிருந்தனர். திமுக மற்றும் அதிமு‌க சார்பில் போட்டியிடும் வேட்பாளர்கள்‌ போட்டியின்றி தேர்வாகவுள்ளது குறிப்பிடத்தக்கது.