[X] Close

தோனியுடன் எந்த பிரச்னையும் இல்லை: ஸ்மித் விளக்கம்

No-issues-between-MS-Dhoni-and-myself--says-Steve-Smith

தோனியுடன் எந்த பிரச்னையும் இல்லை என்று ஆஸ்திரேலிய அணியின் கேப்டன் ஸ்டீவன் ஸ்மித் விளக்கமளித்துள்ளார்.

ஐபிஎல் தொடரில் பங்கேற்கும் புனே அணிக்கு தோனிக்கு பதிலாக எதிர்வரும் தொடரில் ஸ்டீவன் ஸ்மித் கேப்டனாக செயல்படுவார் என்று அறிவிக்கப்பட்டுள்ளது. இந்திய அணியுடனான சமீபத்திய டெஸ்ட் தொடரில் ஸ்மித்தின் செயல்பாடுகளை இந்திய அணியின் கேப்டன் கோலி விமர்சித்திருந்தார். இந்தநிலையில், தோனி குறித்து ஸ்மித்திடன் கேள்வி எழுப்பப்பட்டது. அதற்கு பதிலளித்த ஸ்மித், தோனி சிறந்த மனிதர். அவருக்கும், எனக்கும் இடையில் எந்தவிதமான பிரச்னைகளும் இல்லை. அவருடன் பல்வேறு விஷயங்கள் குறித்து விவாதித்திருக்கிறேன் என்று தெரிவித்துள்ளார். ஐபிஎல் 10ஆவது சீசன் தொடங்குவதை முன்னிட்டு புனே அணியின் சீருடை அறிமுகப்படுத்தும் நிகழ்ச்சி டெல்லியில் நடந்தது. அதில், ஸ்மித்துடன், அஜிங்கியா ரஹானே மற்றும் இந்த ஐபிஎல் தொடரில் அதிகவிலைக்கு ஏலம் எடுக்கப்பட்ட பென் ஸ்டோக்ஸ் உள்ளிட்டோர் கலந்துகொண்டனர்.


Advertisement
Advertisement:

Advertisement

Advertisement
[X] Close