பணத்தைப் பிரிப்பதில் மோதல்: மீனவர்கள் வெட்டிக்கொலை

காஞ்சிபுரம் மாவட்டம் செய்யூர் அருகே ஏற்பட்ட மோதலில் மீனவர்கள் இருவர் வெட்டிக்கொலை செய்யப்பட்டனர். 

கடப்பாக்கம் அருகேயுள்ள ஆலம்பராக்கோட்டையில் நேற்று சினிமா படப்பிடிப்பு நடந்துள்ளது. அதற்காக மீனவர்களின் ஒரு பிரிவினரிடம் பணம் கொடுக்கப்பட்டுள்ளது. பணத்தைப் ‌பிரித்துக் கொடுப்பதில் ஏற்பட்ட மோதலில் கடப்பாக்கத்தைச் சேர்ந்த மீனவர்கள் 8 பேரை ஆலமரக்குப்பத்தைச் சேர்ந்தவர்கள் சரமாரியாக அரிவாளால் வெட்டியுள்ளனர். அதில்,‌ ராமகிருஷ்ணன், சேகர் ஆகியோர் மருத்துவமனையில் சிகிச்சை பலனின்றி உயிரிழந்தனர். காயமடைந்த மேலும் 6 மீனவர்கள் புதுச்சேரியிலுள்ள தனியார் மருத்துவமனை ஒன்றில் சிகிச்சைக்காக அனுமதிக்கப்பட்டுள்ளனர். 

இந்த சம்பவத்தில் 20 படகுகள், 50 இருசக்கர வாகனங்கள் தீ வைத்து எரிக்கப்பட்டன. வீடுகளுக்கு தீ வைக்கப்பட்டதால், மின்னணு சாதனங்கள் தீக்கிரையாகின. மோதல் நடைபெற்ற பகுதியில் அதிரடிப்படை குவிக்கப்பட்டுள்ளது. மாவட்ட காவல் கண்காணிப்பாளர் தலைமையில் பாதுகாப்பு பலப்படுத்தப்பட்டுள்ளது