டிடிவி தினகரனுக்கு எதிராக நிறைவேற்றப்பட்ட தீர்மானத்தில் ஜெயலலிதாவா‌ல் நியமிக்கப்பட்ட நிர்வாகிகள் மட்டுமே கையெழுத்திட்டுள்ளனர்.

டிடிவி தினகரன் வெளியிட்ட நியமன அறிவிப்புகள் செல்லாது, அவர் துணைப் பொதுச் செயலாளராக நியமனம் செய்யப்பட்டதே கட்சியின் சட்டத்துக்கு விரோத‌மானது என்பன உள்ளிட்ட தீர்மானங்கள் அதிமுக அம்மா அணி சார்பில் இன்று நிறைவேற்றப்பட்டுள்ளன. இந்த தீர்மானத்தில் ஜெயலலிதா உயிருடன் இருந்தபோது நியம‌க்கப்பட்ட நிர்வாகிகள் 27 பேர் மட்டுமே கையெழுத்திட்டுள்ளனர். குறிப்பாக முதலமைச்சர் எடப்பாடி பழனிசாமி தலைமை நிலைய செயலாளர் மற்றும் சேலம் புறநகர் மாவட்ட செயலாளர் என்ற முறையில்தான் கையெழுத்திட்டுள்ளார்.

சசிகலாவால் அவைத்தலைவராக நியமிக்கப்பட்ட செங்கோட்டையனும், பொருளாளராக நியமிக்கப்பட்ட திண்டுக்கல் சீனிவாசனும் தீர்மானத்தில் கையெழுத்திடவில்லை. இது, ஜெயலலிதாவால் அவைத் தலைவராக நியமிக்கப்பட்ட மதுசூதனனும் பொருளாளராக நியமிக்கப்பட்ட ஓ.பன்னீர்செல்வமும் அதே பொறுப்புகளில் நீடிக்கிறார்கள் என்பதை மறைமுகமாக உணர்த்தும் வகையில் உள்ளது.