[X] Close
JUST IN
  • BREAKING-NEWS டெல்லி அர்பித் பேலஸ் ஓட்டல் தீ விபத்தில் 17பேர் உயிரிழந்த சம்பவத்தில், தலைமறைவாக இருந்த ஓட்டல் உரிமையாளர் ராகேஷ் கோயலை கைது செய்தது டெல்லி குற்றப்பிரிவு போலீஸ்
  • BREAKING-NEWS கோவை: செட்டிபாளையத்தில் ஜல்லிக்கட்டு போட்டியை அமைச்சர் எஸ்.பி.வேலுமணி தொடங்கி வைத்தார்; ஜல்லிக்கட்டில் 700க்கும் மேற்பட்ட காளைகள், 600க்கும் மேற்பட்ட மாடுபிடி வீரர்கள் பங்கேற்பு
  • BREAKING-NEWS சென்னையில் பெட்ரோல் லிட்டருக்கு ரூ. 73.28 காசுகளாகவும், டீசல் லிட்டருக்கு ரூ. 69.57 காசுகளாகவும் விலை நிர்ணயம்
  • BREAKING-NEWS புல்வாமா தாக்குதலை தொடர்ந்து டெல்லியில் உள்துறை அமைச்சர் ராஜ்நாத் சிங் தலைமையில் நாளை அனைத்துக் கட்சி கூட்டம் நடைபெறுகிறது
  • BREAKING-NEWS தமிழகத்தில் மார்ச் 10ம் தேதி தீவிர போலியோ சொட்டு மருந்து முகாம் நடைபெறும்
  • BREAKING-NEWS புல்வாமா பயங்கரவாத தாக்குதலை தொடர்ந்து பாகிஸ்தானில் உள்ள இந்திய தூதர் டெல்லி திரும்ப மத்திய அரசு உத்தரவு
  • BREAKING-NEWS புல்வாமா பயங்கரவாத தாக்குதலுக்கு பாகிஸ்தான் பதில் சொல்லியே ஆக வேண்டும்; சரியான, உறுதியான பதிலடி கொடுக்கப்படும் - மத்திய அமைச்சர் நிதின் கட்கரி

’’நான் கடத்தப்படலாம்’’: ‘இன்டர்போல்’ முன்னாள் தலைவர் மனைவி புகார்

detained-ex-interpol-chief-s-wife-seeks-asylum-in-france

இன்டர்போல் அமைப்பின் முன்னாள் தலைவரின் மனைவி, பிரான்ஸ் அரசிடம் தஞ்சம் கோரியுள்ள சம்பவம் பரபரப்பை ஏற்படுத்தியுள்ளது.

இன்டர்போல் அமைப்பின் தலைவராக இருந்தவர், சீனாவைச் சேர்ந்த மெங்க் ஹாங்வே  (Meng Hongwei). இவ்வமைப்பின் தலைமையகம் பிரான் ஸ் நாட்டில் உள்ள லியான்ஸில் அமைந்துள்ளது. இங்கு தனது மனைவி மற்றும் மகன்களுடன் வசித்து வந்தார், மெங்க். இந்நிலையில் இவர் சீனாவுக்கு சென்றபோது திடீரென மாயமானார். அவர் எங்கு சென்றார் என்பது தெரியவில்லை. இதனால் பரபரப்பானது. 

இதற்கிடையே சில நாட்கள் கழித்து, லஞ்ச ஊழல் புகார் தொடர்பாக போலீசாரால் கைது செய்யப்பட்டுள்ளதாக சீன அரசு தெரிவித்தது. பின்னர் தனது மனைவிக்கு அவர் அனுப்பிய வாட்ஸ் அப் மெசேஜ் அனுப்பினார். அதில், ’’எனது அழைப்புக்காக காத்திருக்கவும்’’ என்று கூறியிருந்தார். அதற்கு பின் அவர் பற்றிய தகவல் தெரியவில்லை என்று கூறப்படுகிறது.

இதற்கிடையே இன்டர்போல் தலைவர் பதவியை அவர் ராஜினாமா செய்தார். புதிய தலைவராக தென் கொரியாவைச் சேர்ந்த கிம் ஜாங் யாங், தேர்ந்தெடுக்கப்பட்டுள்ளார். 

இந்நிலையில், மெங்க்-கின் மனைவி கிரேஸ், பிரான்ஸ் அரசிடம் தஞ்சம் கோரி மனு கொடுத்துள்ளார். தனக்கு போலீஸ் பாதுகாப்பு இருந்தாலும் தனது கார் மர்மநபர்களால் பின் தொடரப்படுவதாகவும் புகைப்படம் எடுக்கப்படுவதாகவும் தான் கடத்தப்படலாம் என சந்தேகிப்பதாகவும் அதில் கூறியுள்ளார்.

சீனாவை சேர்ந்த சிலர் தன்னைப் பற்றிய தகவல்களை சேகரிப்பதாகவும் மர்ம போன்கால்கள் வருவதாகவும் இதனால் தனக்கும் தன் மகன்க ளின் உயிருக்கும் பாதுகாப்பு வழங்க வேண்டும் என்றும் அவர் கோரிக்கை விடுத்துள்ளார். 

Advertisement:
இது தொடர்பான செய்திகள் :
Advertisement:
Advertisement:
[X] Close