[X] Close
JUST IN
  • BREAKING-NEWS டெல்லியில் கூடிய எதிர்க்கட்சித்தலைவர்கள், குடியரசுத் தலைவரை சந்திக்க முடிவு
  • BREAKING-NEWS 2019 மக்களவை தேர்தல் தொடர்பாக டெல்லியில் எதிர்க்கட்சிகளின் ஆலோசனை கூட்டம் தொடங்கியது
  • BREAKING-NEWS தேர்வு அறிவிப்பாணை முறையாக இல்லாததால் உடற்கல்வி சிறப்பாசிரியர் பணிக்குத் தேர்வானோர் பட்டியலை ரத்து செய்து உயர்நீதிமன்ற கிளை உத்தரவு
  • BREAKING-NEWS தமிழகத்தின் இசைவின்றி காவிரியில் அணை கட்டக்கூடாது என கர்நாடகாவுக்கு மத்திய அரசு உத்தரவிடக் கோரும் தீர்மானம் தமிழக சட்டப்பேரவையில் ஒருமனதாக நிறைவேற்றம்
  • BREAKING-NEWS காவிரி பிரச்னையில் மத்திய அரசு ஒருதலைபட்சமாக செயல்படுவது வருத்தம் அளிக்கிறது - மேகதாது அணை தொடர்பான தமிழக சட்டப்பேரவையின் சிறப்புக்கூட்டத்தில் முதல்வர் எடப்பாடி பழனிசாமி பேச்சு
  • BREAKING-NEWS தமிழக சட்டப்பேரவையின் சிறப்புக்கூட்டத்தில், காவிரியில் கர்நாடகா மேகதாது அணை கட்ட எதிர்ப்பு தெரிவித்து தீர்மானம் முன்மொழியிடப்பட்டது
  • BREAKING-NEWS சென்னையில் இன்று இரவும் நாளையும் விட்டு விட்டு மழை தொடரும்; ஓரிரு இடங்களில் கனமழை பெய்ய வாய்ப்பு - சென்னை வானிலை ஆய்வு மையம்

கூகுள் டூடுல் போட்டுக் கொண்டாடும் இந்த சார்லஸ் மைக்கேல் யார்? 

google-doodle-celebrates-306th-birth-anniversary-of-charles-michel-de-l-p-e-father-of-the-deaf

காதுகேளாதவர்கள் மற்றும் வாய்ப்பேசும் திறன் இல்லாதவர்களின் தந்தை எனப் பேற்றப்படும் சார்லசின் பிறந்தநாளை கூகுள் இன்று கொண்டாடி வருகிறது.

உலகம் முழுவதும் காது கேளாதவர்கள் மற்றும் வாய்ப் பேச முடியாதவர்கள் பயன்படுத்தும் மொழியாக ‘சைகை மொழி’  பயன்படுத்தப்பட்டு வருகிறது. அவர்கள் தங்களின் தேவைகளை இந்த சைகை வார்த்தைகளை கொண்டே பரிமாறிக் கொள்வர். இந்த மாற்றுத் திறனாளிகளுக்காகவே ஒரு மொழியைக் கண்டறிந்தவர் சார்லஸ்-மைக்கேல் டி லாபீ. இவரைதான் ‘சைகை மொழியின் தந்தை’என உலகம் போற்றுகிறது. இவருக்குதான் இன்று பிறந்தநாள். இவரது 306 வது பிறந்தநாளை கூகுள் இன்று டூடுல் போட்டு சிறப்பித்துள்ளது. 

இவர்தான் கேட்கும் திறன் இல்லாதவர்களுக்கும் வாய்ப் பேசும் திறன் இல்லாதவர்களுக்கும் என்று தனியாக ஒரு பள்ளிக் கூடத்தை நிறுவினார். அதாவது இன்று நேற்றல்ல; இவர் தனது பள்ளியை முதன்முதலாக நிறுவிய ஆண்டு 1760. ஆகவே இவரை ‘மனிதநேயமிக்க கல்வித்தந்தை’ என உலகம் சிறப்பித்து வருகிறது. 

பிரான்ஸ் நகரிலிருந்த உயர் குடும்பம் ஒன்றில் சார்லஸ்-மைக்கேல் 1712 ஆம் ஆண்டு பிறந்தார். அதாவது 18 ஆம் நூற்றாண்டில் பிறந்தார். அவர் பிறந்த நவம்பர் 24 ஆம் தேதியை மாற்றுத்தினறாளிகள் அனைவரும் தங்களின் பிறந்தநாளாகக் கொண்டாடி மகிழ்ந்து வருகிறார்கள். 

பாரிஸ் நகரம் ஒன்றிலுள்ள விளிம்புநிலை மக்கள் வசிக்கும் பகுதிக்கு ஒருமுறை இவர் சென்றிருந்தபோது அங்கிருந்த  கேட்கும் திறன் அற்ற மாற்றுத்திறனாளியான ஒரு பெண் பிள்ளையைக் கண்டார். அப்போது அவருக்குத் தோன்றியதுதான் இந்த ‘சைகை’ மொழி யோசனை. உடனே தனது எண்ணங்களை அந்தக் குழந்தையுடன் வார்த்தைகளற்ற மொழியில் பரிமாறிக்கொள்ளவும் செய்தார். 

உண்மையில் சார்லஸ்-மைக்கேல், கத்தோலிக்க மதபோதகருக்கானக் கல்வியையே கற்றுத்தேறியிருந்தார். ஏற்கெனவே அவருக்குள் ஒரு சேவை மனம் இருந்து வந்தது. அந்தச் சேவை உள்ளம்தான் அவரைக் கேட்கும் திறனற்ற மற்றும் பேசும் திறன் குறைபாடுள்ள குழந்தைகளுக்கான மொழியை உருக்க உந்தியது. உலகிலேயே முதன்முதலாக கேட்கும், வாய்ப் பேசும் திறன் குறைபாடுள்ள குழைந்தைகளுக்கு என்று இலவசமாக ஒரு பள்ளிக்கூடத்தை இவர் நிறுவினார். இவர் 1760 ஆண்டு நிறுவிய பள்ளிதான் மாற்றுத்திறனாளிகளுக்கு ஒரு மகத்தானக் கல்வியை கற்றுத்தந்தது. 

இவருக்கு மதக் கல்வியை போதிப்பதில்தான் ஆர்வம் அதிகம் இருந்தது. ஆனால் அதனைக் கடந்து மாற்றுத்திறனாளிகளின் மொழியை உருவாக்குவதில் ஈடுப்பட்டார் சார்லஸ். இவரது மொழியறிவின் மூலம்தான் மாற்றுத்திறனாளிகள் தங்களின் நியாயத்தை நீதிமன்றங்களில் முன் வைக்க முடிந்தது. அதற்கு முன் உலகம் இந்தச் சாதனையை எட்டிப்பிடிக்கவில்லை.

இந்த மகத்தான மனிதர் 1789 டிசம்பர் 23 அன்று இந்த உலகை விட்டுப் பிரிந்தார். இவர் மறைந்து இரண்டு ஆண்டுகள் கழித்த பிறகே இவரது சாதனையை அந்நாட்டு அரசு அங்கிகரித்தது. மேலும் ‘மனிதகுலத்தின் பயனாளி’ என மதித்து போற்றியது.

Advertisement:
Advertisement:
Advertisement:
[X] Close