[X] Close
JUST IN
  • BREAKING-NEWS இலங்கை அரசால் தேடப்பட்டு வந்த மதகுரு ஹஸிம் ஓட்டலில் நடந்த குண்டுவெடிப்பில் உயிரிழந்தார் - இலங்கை அதிபர் மைத்திரிபால சிறிசேன
  • BREAKING-NEWS ஜெயலலிதா மரணம் குறித்து ஓய்வு பெற்ற நீதிபதி ஆறுமுகசாமி விசாரணை ஆணையத்திற்கு உச்சநீதிமன்றம் இடைக்காலத் தடை - அப்போலோ மருத்துவமனை நிர்வாகம் தொடர்ந்த மேல்முறையீட்டு வழக்கில் உத்தரவு
  • BREAKING-NEWS வங்கக்கடலில் காற்றழுத்த தாழ்வு பகுதி காற்றழுத்த தாழ்வுமண்டலமாக வலுப்பெற்றது - கிழக்கு இந்திய பெருங்கடல்- தென்கிழக்கு வங்கக்கடல் பகுதியில் காற்றழுத்த தாழ்வு மண்டலம் நிலவுகிறது
  • BREAKING-NEWS சிலை கடத்தல் தடுப்புப்பிரிவு சிறப்பு அதிகாரியாக பொன்.மாணிக்கவேல் நியமிக்கப்பட்டதற்கு எதிராக காவல்துறை அதிகாரிகள் 66 பேர் தொடர்ந்த வழக்கை தள்ளுபடி செய்தது உச்சநீதிமன்றம்
  • BREAKING-NEWS சென்னையில் பெட்ரோல் லிட்டருக்கு ரூ. 75.79 காசுகளாகவும், டீசல் லிட்டருக்கு ரூ. 70.34 காசுகளாகவும் விலை நிர்ணயம் செய்யப்பட்டுள்ளன நேற்றைய விலையில் இருந்து பெட்ரோல் விலையில் மாற்றமின்றி, டீசல் விலை 8 காசுகள் அதிகரித்து விற்பனை
  • BREAKING-NEWS சென்னை எம்ஜிஆர் சென்ட்ரல் ரயில் நிலையம், எழும்பூர் ரயில் நிலையத்தில் வெடிகுண்டு நிபுணர்கள் சோதனை- பயணிகள் மற்றும் அவர்களது உடைமைகளும் தீவிர சோதனை

திருவாரூர் ஆழித் தேரோட்டம் : ஏராளமான பக்தர்கள் பங்கேற்பு

thiruvarur-chariot-festival-2019

திருவாரூர் தியாகராஜர் கோவிலின் ஆழித் தேரோட்டம் வெகு விமர்சையாக நடைபெற்றது. ஏராளமான பக்தர்கள் தேரை வடம் பிடித்து இழுத்து சாமி தரிசனம் செய்தனர்.

திருவாரூர் ஆழித்தேர் அசைந்து வரும் அழகினை காண கண் ‌கோடி வேண்டும் என்பார்கள். தோன்றிய காலத்தை அறுதியிட்டுக் கூற முடியாத அளவு பழமையானது என திருநாவுக்கரசரால் பாடப்பட்ட பெருமைக்குரியவை, தியாகராஜ சுவாமி திருக்கோவிலும் அதனோடு இணைந்த ஆழித்தேரும். திருமுறையில் பாடப்பெற்ற பெருமையும் ஆழித்தேருக்கு மட்டுமே சொந்தமானது. 16.22 ஏக்கர் பரப்பளவில் அமைந்துள்ள தியாகராஜ சுவாமி திருக்கோவிலில், 3 பிரகாரங்களும், 78 சன்னதிகளும், 9 கோபுரங்களும், 11 மண்டபங்களும் உள்ளன. 114 சிவலிங்க திருமேனிகளையும், 54 விநாயகர் விக்ரகங்களையும் கொண்டுள்ளது.

திருவாரூர் தியாகராஜர் சுவாமி கோயில் ஆழித்தேர் 96 அடி உயரமும் 31 அடி அகலமும் 300 டன் எடையும் கொண்டது. ஆழித்தேருக்காக 31 அடி உயரத்திலான மரத்தேர் முடிக்கப்பட்டுள்ள நிலையில், அதற்கு மேல் பனஞ்சப்பை, மூங்கில்கள், தேர்ச்சீலைகள் அமைக்கப்படும். 2 இரும்பு அச்சுகளில் 9 அடி விட்டமும், ஒன்றரை அடி அகலமும் உடைய 4 இரும்பு சக்கரங்களின் மேல் கலை நயம் மிக்க சிற்பங்களும் அமைந்துள்ளது. ஆழித்தேருக் கான 4 பெரிய குதிரைகள் கும்பகோணத்தில் தயார் செய்யப்பட்டுள்ளன. மேலும் கண்ணப்ப நாயனார், அமர்நீதிநாயனார், ஏனாதிநாயனார் போன்ற 63 நாயன்மார்களின் சிற்பங்களும், பெரிய புராணம் மற்றும் சிவனின் திருவிளையாடல்களை விளக்கும் சிவபுராண காட்சிகளும் இத்தேரில் சிற்பங்களாக வடிவமைக்கப்பட்டிருக்கின்றன. ஆசியாவிலேயே இரண்டாவது மிகப்பெரிய தேர் திருவாரூர் ஆழித்தேர்.


திருவாரூர் ஆழித் தேரோட்டம் இன்று காலை 7.15 மணி அளவில் தொடங்கியது. பல்லாயிரக்கணக்கான பக்தர்கள் தேரை வடம் பிடித்து இழுத்தனர். திருவாரூர் மாவட்ட ஆட்சியர் ஆனந்த் வடம் பிடித்து இழுத்து தொடங்கி வைத்தார். கடந்த திங்கள்கிழமை தியாகராஜர் வீதி உலா மூலம் வந்து தேரில் வைக்கப்பட்டார். பின் ஒரு வார காலமாக அபிஷேக ஆராதனைகள் தியாகராஜருக்கு நடைபெற்று இன்று தேரோட்டம் நடைபெற்றது. 

தமிழகம் மட்டுமின்றி பல்வேறு மாநிலங்களில் இருந்தும் வெளிநாடுகளில் இருந்தும் பல்லாயிரக்கணக்கான பக்தர்கள் திருவாரூர் ஆழித் தேரோட்டத்தை கண்டுகளித்தனர். எண்கோண வடிவமாக அமைந்துள்ள ஆழித்தேரினை நான்கு மாட வீதிகளில் உலா வரும் பொழுது குதிரைகள் அசையும் அழகு காண்பதற்கு கன்கொள்ளா காட்சியாக இருந்தது என பொதுமக்கள் தெரிவிக்கின்றனர்.

படங்கள் : ராஜசேகர், செய்தியாளர் - திருவாரூர்.

போட்டோ கேலரி

1 of 23

Advertisement:
இது தொடர்பான செய்திகள் :
Advertisement:
Advertisement:
[X] Close