[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 73.99 காசுகளாகவும், டீசல் லிட்டருக்கு ரூ. 69.62 காசுகளாகவும் விலை நிர்ணயம்
  • BREAKING-NEWS மேகதாது அணை விவகாரத்தில் மத்திய அரசுக்கு தமிழக அரசு அழுத்தம் தர வேண்டும்; மேகதாது அணை கட்டுவதற்கு உச்சநீதிமன்றத்தில் உடனடியாக தடை பெற வேண்டும் - மு.க.ஸ்டாலின்
  • BREAKING-NEWS நாடாளுமன்ற தேர்தலில் மம்தா பானர்ஜியால் பெரிய அளவில் வெற்றி பெற முடியாது; கொல்கத்தாவில் நடந்த மாநாட்டில் மிகக் குறைவாகவே கூட்டம் கூடியது - கே.பாலகிருஷ்ணன்
  • BREAKING-NEWS வாக்குப்பதிவு இயந்திரத்தில் முறைகேடு செய்யலாம் என தவறான தகவலை பரப்பியதாக லண்டனில் நடந்த நிகழ்ச்சி தொடர்பாகவும், நிகழ்ச்சி ஏற்பாட்டாளர் மீதும் டெல்லி போலீசில் தேர்தல் ஆணையம் புகார்
  • BREAKING-NEWS நாடாளுமன்ற தேர்தலில் பாஜக-அதிமுக கூட்டணி உறுதி - மத்திய அமைச்சர் ராம்தாஸ் அத்வாலே
  • BREAKING-NEWS தமிழகத்தில் போலியோ சொட்டு மருந்து வழங்குவது தாமதமாகும்; மத்திய தடுப்பு மருந்து தொழில்நுட்பக்குழு பரிந்துரையால் பிப்.3ல் போலியோ சொட்டு மருந்து முகாம் இல்லை - அமைச்சர் விஜயபாஸ்கர்
  • BREAKING-NEWS பட்டாசு ஆலை தொடர்பான வழக்கில் விசாரணையை 29ம் தேதிக்கு ஒத்திவைத்தது உச்சநீதிமன்றம்

புதிய தலைமுறை செய்தி எதிரொலி : ஏழை மாணவிக்கு உதவிய கமல்

puthiya-thalaimurai-news-reflected-kamalhassan-helped-poor-medical-student

வறுமையின் பிடியில் வாழ்ந்துவரும் மருத்துவ மாணவி கனிமொழியின் கல்விச்செலவு முழுவதையும் ஏற்றுக்கொள்வதாக மக்கள் நீதி மய்யம் தலைவர் கமல்ஹாசன் உறுதியளித்துள்ளார்.

பெரம்பலூர் மாவட்டம் வேப்பந்தட்டை கிராமத்தில், மிகவும் பின் தங்கிய குடும்பத்தைச் சேர்ந்தவர் கனிமொழி. இவர் வறுமையிலும் மருத்துவம் படித்து வருகிறார். கடன் பெற்றும் இயன்ற கூலி வேலைகளை செய்தும் வருமானம் ஈட்டி கனிமொழியின் படிப்பிற்கு அவரது குடும்பத்தினர் செலவிட்டு வந்தனர். இந்நிலையில், ஏழ்மையின் காரணமாக கனிமொழி தற்போது கூலி வேலைக்குச் சென்று வருகிறார். 

இறுதியாண்டு படிக்கும் இந்த நேரத்தில், வறுமை வாட்டி வதைத்து வருவதால் அவரது மருத்துவக் கனவு கேள்விக்குறியானது. இதுகுறித்து புதியதலைமுறையில் செய்தி வெளியானதை அறிந்து பல்வேறு தரப்பினர் கனிமொழிக்கு உதவி வருகின்றனர். அதேபோல், மக்கள் நீதி மய்யம் தலைவர் கமல்ஹாசன், கனிமொழியை நேரில் அழைத்து கல்வி உதவித் தொகையை அளிப்பதாக உறுதியளித்துள்ளார். செவித்திறன் குறைபாடு கொண்ட கனிமொழியின் சகோதரியின் மருத்துவ சிகிச்சைக்கும் உதவுவதாக கமல்ஹாசன் உறுதியளித்துள்ளார். மேலும், செய்தி வெளியிட்ட புதியதலைமுறைக்கு அவர் நன்றி தெரிவித்துள்ளார்.

இதுதொடர்பாக சந்திரஹாசன் அறக்கட்டளை மூலம் அறிக்கை வெளியிட்டு அவர், “மாணவி கனிமொழி கல்விக் கட்டணத்திற்காக கூலி வேலை பார்ப்பது புதிய தலைமுறை செய்தியாளர் மூலமாக நேற்றிரவு தெரியவந்தது. மாணவியின் கல்விச்செலவு முழுவதை அண்ணன் சந்திரஹாசன் அறக்கட்டளை மூலம் ஏற்றுக்கொள்ள முடிவு செய்துள்ளோம். புதிய தலைமுறைக்கும், அதன் செய்தியாளருக்கும் நன்றியை தெரிவித்துக்கொள்கிறேன்” என தெரிவித்துள்ளார். 

வீடியோ

Advertisement:
Advertisement:
Advertisement:
[X] Close