[X] Close
JUST IN
  • BREAKING-NEWS நாடாளுமன்றம், சட்டப்பேரவை தேர்தலில் மகாராஷ்ட்ரா மாநிலத்தில் பாஜக-சிவசேனா இணைந்து போட்டி
  • BREAKING-NEWS இடைக்கால உபரித்தொகை வழங்க வேண்டும் என மத்திய அரசு கோரிய நிலையில், மத்திய அரசுக்கு இடைக்கால உபரித்தொகையாக ரூ.28,000 கோடியை வழங்க ரிசர்வ் வங்கி முடிவு
  • BREAKING-NEWS ஆளுநர்-முதலமைச்சர் இடையேயான பிரச்னையை தீர்த்து புதுச்சேரியில் அமைதி நிலவ நடவடிக்கை எடுக்க வேண்டும் - உள்துறை அமைச்சர் ராஜ்நாத் சிங்கிற்கு காங்கிரஸ் மூத்த தலைவர் அகமது படேல் கடிதம்
  • BREAKING-NEWS புல்வாமா தாக்குதலின் காரணமாக, பாகிஸ்தானுடன் எந்த விளையாட்டு தொடர்களிலும் அரசு உத்தரவு அளிக்கும் வரை ஈடுபடப்போவதில்லை என்பதில் தெளிவாக இருக்கிறோம் - ராஜீவ் சுக்லா (ஐபிஎல் தலைவர்)
  • BREAKING-NEWS கிரண்பேடியின் அழைப்பை ஏற்று இன்று மாலை 5 மணிக்கு பேச்சுவார்த்தைக்கு செல்கிறேன்- புதுச்சேரி முதல்வர் நாராயணசாமி
  • BREAKING-NEWS புதிய உச்சத்தில் தங்கம் விலை -ஒரு கிராம் ஆபரணத் தங்கத்தின் விலை ரூ.3,196க்கு விற்பனை
  • BREAKING-NEWS ஸ்டெர்லைட் ஆலையை திறக்க தடை! ஆலையை திறக்கலாம் என தேசிய பசுமை தீர்ப்பாயத்தின் தீர்ப்பும் ரத்து!

பேரறிவாளன் உள்ளிட்ட 7 பேரை விடுதலை செய்ய திமுக தீர்மானம்

tn-government-should-take-action-to-release-seven-include-perarivalan-dmk-resolution

ஊழல் குற்றச்சாட்டுக்கு ஆளாகியுள்ளவர்கள் பதவி விலக வலியுறுத்தி மாவட்டத் தலைநகரங்களில் வரும் 18-ஆம் தேதி ஆர்ப்பாட்டம் நடத்தப்படும் என்று திமுக அறிவித்துள்ளது.

திமுக தலைவர் மு.க.ஸ்டாலின் தலைமையில் சென்னை அண்ணா அறிவாலயத்தில் அக்கட்சியின் மாவட்டச் செயலாளர்கள், எம்எல்ஏக்கள், எம்பிக்கள் மற்றும் நிர்வாகிகள் பங்கேற்ற கூட்டம் நடைபெற்றது. கூட்டத்தில் 8 தீர்மானங்கள் நிறைவேற்றப்பட்டுள்ளன. மக்களை மயக்கிடும் வாக்குறுதிகளை அளித்து ஆட்சிக்கு வந்த பாரதிய ஜனதா கட்சி, மாநில உரிமைகளைப் பறிப்பதாகவும், காவிமயமாக்கும் பாரதிய ஜனதாவின் கனவுகளை நிராகரித்து வீழ்த்துவோம் என்று முதல் தீர்மானத்தில் கூறப்பட்டுள்ளது.

அதிமுக அரசின் தோல்விகளை விளக்கி ஆட்சியை முடிவுக்கு கொண்டு வர களம் இறங்கி திமுகவினர் பணியாற்ற உறுதியேற்பதாக அடுத்த தீர்மானத்தில் கூறப்பட்டுள்ளது. வாக்காளர் பட்டியல் சரிபார்ப்புப் பணிகளில் விழிப்புடன் இருந்து ஆளும் கட்சியினர் தவறு செய்யாமல் தடுக்க அதிகாரிகளின் கவனத்துக்கு கொண்டு செல்லும் வகையில் 3-ஆவது தீர்மானத்தில் குறிப்பிடப்பட்டுள்ளது.

காவிரி நீர் கடைமடைப் பகுதிகளுக்கு மேலும் தாமதமின்றி செல்ல அரசு விரைந்து நடவடிக்கை எடுக்க தமிழக அரசை வலியுறுத்துவதாக நான்காவது தீர்மானம் கூறுகிறது. ராஜீவ் கொலை வழக்கில் சிறையில் உள்ள பேரறிவாளன் உள்ளிட்ட 7 பேரை உச்ச நீதிமன்ற வழிகாட்டுதலின்படி ஆளுநருக்கு பரிந்துரைத்து விடுதலை செய்ய தமிழக அரசு நடவடிக்கை எடுக்குமாறு அடுத்த தீர்மானம் தெரிவிக்கிறது.

பெட்ரோல், டீசல் விலை உயர்வைக் கண்டித்து காங்கிரஸ் சார்பில் நாடு முழுவதும் வரும் 10-ஆம் தேதி நடைபெறவுள்ள பாரத் பந்த் வெற்றி பெற திமுக ஒத்துழைப்பது என ஆறாவது தீர்மானத்தில் தெரிவிக்கப்பட்டுள்ளது.

குட்கா ஊழல் குற்றச்சாட்டில் சிக்கியுள்ள அமைச்சர் மற்றும் டிஜிபியை பதவி நீக்கம் செய்ய வேண்டும் என்றும், ஊழல் குற்றச்சாட்டுக்கு ஆளானவர்கள் பதவி விலக வலியுறுத்தி, தமிழகம் முழுவதும் மாவட்டத் தலைநகரங்களில் வரும் 18-ஆம் தேதி திமுக சார்பில் கண்டன ஆர்ப்பாட்டம் நடத்தப்படும் என்றும் ஏழாவது மற்றும் எட்டாவது தீர்மானங்களில் கூறப்பட்டுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close