[X] Close
JUST IN
  • BREAKING-NEWS நாளை முதல் காலவரையற்ற வேலைநிறுத்தம்: ஆவின் பால் டேங்கர் லாரி ஒப்பந்த உரிமையாளர்கள் அறிவிப்பு
  • BREAKING-NEWS கோயம்புத்தூர் - பொள்ளாச்சி உள்ளிட்ட 3 புதிய ரயில் சேவைகள் இன்று அறிமுகம்
  • BREAKING-NEWS இன்று முதல் 4 நாட்களுக்கு தமிழகத்தில் கனமழைக்கு வாய்ப்புள்ளதாக வானிலை மையம் அறிவிப்பு

‘நாக் அவுட்’ தொடர் தோல்விக்கு முற்றுப் புள்ளி வைக்குமா டெல்லி அணி?

will-dc-register-their-maiden-win-in-an-ipl-knockout-game-or-will-srh-make-it-to-the-qualifier-2-for-the-second-year-in-a-row

விசாகப்பட்டினத்தில் நடைபெறும் பிளே ஆஃப் தகுதிச் சுற்றுப் போட்டியில் சன்ரைசர்ஸ் ஹைதராபாத் அணியை டெல்லி கேபிடல்ஸ் எதிர்கொள்கிறது.

ஐபிஎல் தொடரில் இதுவரை 3 முறை பிளே ஆஃப் சுற்றுக்கு டெல்லி அணி தகுதி பெற்றுள்ளது. ஆனால், 3 தொடரிலும் அந்த அணி தோல்வியை தழுவியது. முதன்முறையாக 2008ம் ஆண்டில் பிளே ஆஃப் சுற்றுக்கு தகுதி பெற்ற டெல்லி அணி, ராஜஸ்தான் ராயல்ஸ் அணியிடம் 105 ரன்கள் வித்தியாசத்தில் படுதோல்வி அடைந்தது. 2009ம் ஆண்டு டெக்கன் சார்ஜஸ் (ஹைதராபாத்) அணியிடம் 6 விக்கெட் வித்தியாசத்தில் தோல்வியை தழுவியது.

     

அதேபோல், 2012ல் பிளே ஆஃப் சுற்றுக்கு தகுதி பெற்று இரண்டு போட்டிகளில் விளையாடியது. அதாவது முதல் தகுதிச் சுற்றுப் போட்டியில் கொல்கத்தா அணியுடன் மோதி 18 ரன்கள் வித்தியாசத்தில் தோல்வியை தழுவியது. பின்னர், 2வது தகுதிச் சுற்றுப் போட்டியில் சென்னை அணியை எதிர் கொண்டது. ஆனால், அந்தப் போட்டியிலும் 86 ரன்கள் வித்தியாசத்தில் படுதோல்வி அடைந்தது.

இந்நிலையில், நடப்பு ஐபிஎல் தொடரிலும் டெல்லி அணி சிறப்பாக விளையாடி பிளே ஆஃப் சுற்றுக்கு தகுதி பெற்றது. தொடக்கத்தில் முதல் இரண்டு இடங்களை பிடிக்கும் என்று எதிர்பார்க்கப்பட்டது. ஆனால், இறுதியாக ரன்ரேட் அடிப்படையில் 3வது இடத்திற்கு தள்ளப்பட்டது. இன்று நடைபெறும் தகுதிச் சுற்றுப் போட்டியில் சன்ரைசர்ஸ் ஹைதராபாத் அணியை டெல்லி கேபிடல்ஸ் எதிர்கொள்கிறது. இதில் டாஸ் வென்ற டெல்லி அணி முதலில் பந்துவீச தீர்மானித்துள்ளது.

       

டெல்லி அணியைப் பொருத்தவரை கடைசியாக விளையாடிய 9 போட்டிகளில் 7இல் வென்றுள்ளது. அதேபோல், ஹைதராபாத் அணி கடைசியாக விளையாடிய 10 போட்டிகளில் 7இல் தோல்வியை தழுவியுள்ளது. கடைசியாக நடைபெற்ற இரண்டு போட்டிகளிலும் ஹைதராபாத் தோல்வி அடைந்தது.

Advertisement:
இது தொடர்பான செய்திகள் :
Advertisement:
Advertisement:
[X] Close