[X] Close
JUST IN
  • BREAKING-NEWS டாக்டர் எம்.ஜி.ஆர் நிகர்நிலை பல்கலைக்கழகம் சார்பில் முதல்வர் பழனிசாமிக்கு அக்டோபர் 20ம் தேதி கௌரவ டாக்டர் பட்டம் வழங்கப்படுகிறது
  • BREAKING-NEWS பொதுத்துறை ஊழியர்களுக்கு தீபாவளி போனஸ் 8.33%, கருணைத் தொகை 11.37% வழங்கப்படும் - தமிழக அரசு
  • BREAKING-NEWS ராஜீவ்காந்தி கொலை குறித்து சீமான் பேசியது தொடர்பாக மாவட்ட தேர்தல் அதிகாரியிடம் விரிவான அறிக்கை கேட்டுள்ளார் தமிழக தலைமை தேர்தல் அதிகாரி சத்யபிரதா சாஹூ
  • BREAKING-NEWS நீட் ஆள்மாறாட்ட வழக்கில் மாணவர் இர்பானின் காவலை அக்டோபர் 25 வரை நீட்டித்தது தேனி நீதிமன்றம்

பொருளாதார மந்த நிலைக்கு ப.சிதம்பரமே காரணம் - ஓய்வு பெற்ற ஐ.ஏ.எஃப் அதிகாரி தற்கொலை கடிதத்தில் தகவல்

retired-iaf-officer-writes-suicide-note-to-pm-modi-blames-chidambaram-for-slowdown

பொருளாதார மந்த நிலைக்கு சிதம்பரமே காரணம் என ஓய்வு பெற்ற ஐ.ஏ.எஃப் அதிகாரி பிஜன் தாஸ் மோடிக்கு எழுதிய தற்கொலை கடிதத்தில் தகவல் தெரிவித்துள்ளார். 

உத்தரப்பிரதேசம் அலகாபாத்தை சேர்ந்த பைஜன் தாஸ் என்பவர் விமானப்படை அதிகாரியாக பணிபுரிந்து ஓய்வுபெற்றவர். இவர் கடந்த செப்டம்பர் 6 ஆம் தேதி ஓட்டல் ஒன்றில் தற்கொலை செய்து கொண்டார். அப்போது பிரதமர் மோடிக்கு 5 பக்க தற்கொலை கடிதம் ஒன்றை எழுதி வைத்துள்ளார். மேலும் தனது இறுதி சடங்குக்காக ஆயிரத்து ஐநூறு ரூபாயும், அறை வாடகைக்கு ரூ. 500 வைத்துள்ளார். தனது நிதி நிலை மோசமாக உள்ளதால் தன்னால் அதற்கு மேல் பணம் தர இயலவில்லை எனவும் பைஜன் தனது தற்கொலை கடிதத்தில் தெரிவித்துள்ளார். 

இதையடுத்து மோடிக்கு அவர் எழுதியிருந்த கடிதத்தில் "நாட்டின் தற்போதைய பொருளாதார மந்த நிலைக்கு முன்னாள் மத்திய அமைச்சர் ப.சிதம்பரம் தான் காரணம். மோடி அரசு தான் பொருளாதார சரிவுக்கு காரணம் என யாராலும் கூற முடியாது. காங்கிரஸ் ஆட்சியின் போது நடந்த ஊழல்கள், தவறான நிதி மேலாண்மை ஆகியவற்றால் ஓய்விற்கு பிறகு என்னால் எந்த தொழிலும் செய்ய முடியவில்லை. தவறான நிதி மேலாண்மை என்பது உடனடியாக வந்தது கிடையாது. இது கடந்த சில ஆண்டுகளால் நடந்த தவறான நடவடிக்கை.

மோடி அரசை மட்டும் பொருளாதார சரிவிற்கு காரணமாக குற்றம்சாட்டுவது சரியல்ல. பண மதிப்பிழப்பு மற்றும் ஜிஎஸ்டி அமல்படுத்தியதால் ஏற்பட்டது தற்காலிகமான பாதிப்பு” எனக் குறிப்பிட்டிருந்தார். 

அத்துடன் தனது மகன் விவேக் தாஸின் பாடகராகும் கனவை நிறைவேற்ற வேண்டும் எனவும் பிரதமர் மோடிக்கு கோரிக்கை வைத்துள்ளார். தனது இறுதி சடங்குகளுக்கு தனது குடும்பத்தினரை அழைக்க வேண்டாம் எனவும் தனது உடலை தன் மகன் பார்ப்பதை தான் விரும்பவில்லை எனவும், தெரிவித்துள்ளார். அலகாபாத்திலேயே தனது உடலை எரித்து விடும்படியும் கேட்டுக் கொண்டுள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close