தங்கத்தின் இறக்குமதி வரி குறையாது... மத்திய அரசு

தங்கத்திற்கான இறக்குமதி வரியைக் குறைப்பது பற்றிய பரிந்துரை எதுவும் செய்யப்படவில்லை என்று மத்திய அரசு தெரிவித்துள்ளது.

ஏற்றுமதியை ஊக்கப்படுத்த தங்கத்தின் மீதான இறக்குமதியை குறைக்க வேண்டும் என்று நவரத்தினக் கல் மற்றும் நகை ஏற்றுமதியாளர்கள் கோரிக்கை வைத்திருந்தனர். மக்களவையில் இன்று கேள்வி நேரத்தின் போது, இது தொடர்பான கேள்விக்கு பதில் அளித்த மத்திய இணை அமைச்சர் சந்தோஷ் குமார் கங்வார் , தற்போதைக்கு அதுபோன்ற பரிந்துரை எதுவும் இல்லை என்று கூறினார். இதேபோல் இந்திய ஜவுளி தொழில் கூட்டமைப்பு, இந்திய பட்டு நெசவு தொழில் கூட்டமைப்பு பிரிதிநிதிகள், பட்டு துணிகள் இறக்குமதி மீதான வரி 10 சதவிகிதத்தில் இருந்து 20 சதவிகிதமாக உயர்த்த கோரிக்கை வைத்திருந்தனர். இதற்கு பதில் அளித்த சந்தோஷ் குமார், சுங்கவரியில் எந்த மாற்றமும் இல்லை எனக் கூறினார்.