[X] Close
JUST IN
  • BREAKING-NEWS மாநிலங்களவை திமுக குழு தலைவராக திருச்சி சிவாவும், மாநிலங்களவை திமுக கொறடாவாக டி.கே.எஸ்.இளங்கோவனும் தேர்வு - திமுக நாடாளுமன்ற உறுப்பினர்களின் ஆலோசனை கூட்டத்தில் முடிவு
  • BREAKING-NEWS திமுக மக்களவை குழு துணை தலைவராக கனிமொழி, பொருளாளராக எஸ்.எஸ்.பழனிமாணிக்கம் தேர்வு - திமுக நாடாளுமன்ற உறுப்பினர்களின் ஆலோசனை கூட்டத்தில் முடிவு
  • BREAKING-NEWS திமுக மக்களவை கொறடாவாக முன்னாள் மத்திய அமைச்சர் ஆ.ராசா தேர்வு - திமுக நாடாளுமன்ற உறுப்பினர்களின் ஆலோசனை கூட்டத்தில் முடிவு
  • BREAKING-NEWS சென்னையில் நடைபெற்ற திமுக நாடாளுமன்ற உறுப்பினர்களின் ஆலோசனை கூட்டத்தில், திமுக மக்களவை குழு தலைவராக டி.ஆர்.பாலு எம்.பி. தேர்வு
  • BREAKING-NEWS சென்னை அசோக் நகரில் உள்ள தலைமையகத்தில் டிடிவி தினகரன் தலைமையில், ஜூன் 1ம் தேதி காலை 10 மணிக்கு அமமுக நிர்வாகிகள் ஆலோசனை கூட்டம் நடைபெறுகிறது
  • BREAKING-NEWS மக்களவை தேர்தலில் மக்கள் அளித்த தீர்ப்பை ஏற்கிறோம்; மத்தியில் ஆக்கப்பூர்வமான எதிர்க்கட்சியாக தொடர்ந்து செயல்படுவோம் - காங்கிரஸ் செய்தித்தொடர்பாளர் ரந்தீப் சுர்ஜிவாலா
  • BREAKING-NEWS காங்கிரஸ் கட்சியின் தலைவராக ராகுல் காந்தியே நீடிப்பார் என செயற்குழு கூட்டத்தில் தீர்மானம் நிறைவேற்றம்

பாரதிய ஜனதாவிற்கு சவாலாக மாறியுள்ள 4ஆம் கட்ட மக்களவைத் தேர்தல் 

fourth-phase-polling-is-very-very-important-for-bharatiya-janata-party

இன்று நடைபெற்று வரும் 4ஆம் கட்ட மக்களவைத் தேர்தல் பாரதிய ஜனதா கட்சியை பொருத்தவரை மிகவும் முக்கியமானதாக பார்க்கப்படுகிறது.

காஷ்மீரின் அனந்த்நாக் தொகுதியையும் சேர்த்து மொத்தம் 72 தொகுதிகளில் 4ஆம் கட்ட மக்களவைத் தேர்தல் நடக்கும் நிலையில், இவற்றில் கடந்த முறை பாரதிய ஜனதா 56 இடங்களில் வெற்றிபெற்றிருந்தது. குறிப்பாக பாஜக கூட்டணி வலுவாக உள்ள மகாராஷ்டிர மாநிலத்தில் 17 தொகுதிகளில் 4ஆம் கட்ட தேர்தல் இன்று நடைபெற்று வருகி‌றது. 

மத்தியப் பிரதேசம், ராஜஸ்தான் ஆகிய மாநிலங்களில் கடந்த முறை பாஜக அதிக தொகுதிகளை வென்றது. ஆகவே இங்கு எல்லாம் இம்முறையும் கடும் போட்டி நிலவுகிறது. கடந்த ஆண்டு நடந்த சட்டப்பேரவை தேர்தல்களில் இங்கு காங்கிரஸ் வெற்றிக்கொடி நாட்டியது. அதனால் பாஜகவுக்கு இந்த மக்களவைத் தேர்தல் நெருக்கடியாக மாறியுள்ளது. 4வது கட்ட மக்களவைத் தேர்தலில் ராஜஸ்தானில் 13 தொகுதிகளிலும் மத்தியப் பிரதேசத்தில் 6 தொகுதிகளி‌லும் வாக்குப்பதிவு இன்று நடைபெற்று வருகிறது. மறுபுறம் உத்தரப்பிரதேசத்தில் 13 தொகுதிகளில் வாக்குப்பதிவு நடைபெறுகிறது. 

Related image

இந்நிலையில்  சமாஜ்வாதி - பகுஜன் சமாஜ்  ஆகிய கட்சிகள் ஒன்று சேர்ந்து தேர்தலை சந்திப்பது பாரதிய ஜனதாவிற்கு  உத்தரப்பிரதேசத்தில் பெரும் சவாலாக உருவெடு‌த்துள்ளது. இது தவிர உத்தரப்பிரதேசம் உள்ளிட்ட சில மாநிலங்களில் கடந்த முறை கிடைத்த அமோக வெற்றி இந்த முறை பாஜகவுக்கு கிடைக்குமா என்ற சந்தே‌கம் உள்ள நிலையில் அதை ஈடுகட்ட மேற்கு வங்காளம், ஒடிஷா ஆகிய மாநிலங்களை இம்முறை பாரதிய ஜனதா அதிகம் நம்பியுள்ளது. இவ்விரு மாநிலங்களில் 4வது கட்டத்தில் 14 தொகுதிகளில் தேர்தல் நடந்து வருகிறது. எனவே இன்று நடைபெற்று வரும் 4ம் கட்ட மக்களவை தேர்தல் பாரதிய ஜனதா கட்சியை பொருத்தவரை மிகவும் முக்கியமானதாக பார்க்கப்படுகிறது.

Advertisement:
Advertisement:
Advertisement:
[X] Close