[X] Close
JUST IN
  • BREAKING-NEWS இரண்டாயிரம் ரூபாய் நோட்டுகள் அச்சிடுவதை நிறுத்தியது ரிசர்வ் வங்கி
  • BREAKING-NEWS ராஜீவ் காந்தி கொலை குறித்து சர்ச்சை பேச்சு.. சீமான் மீது வழக்குப்பதிவு
  • BREAKING-NEWS முதல்வர் பதவியை ராஜினாமா செய்துவிட்டு தேர்தல் களத்தில் நேருக்கு நேர் மோதத் தயாரா..? முதல்வருக்கு மு.க.ஸ்டாலின் சவால்
  • BREAKING-NEWS பிசிசிஐ தலைவராகிறார் கங்குலி... அனைத்து மாநில சங்கங்கள் ஏகமனதாக தேர்வு செய்கின்றனர்.
  • BREAKING-NEWS திருச்சி லலிதா ஜூவல்லரி நகைக் கொள்ளை வழக்கில் மேலும் 6 கிலோ நகை சிக்கியது
  • BREAKING-NEWS அயோத்தியில் டிசம்பர் 10-ஆம் தேதி வரை 144 தடை உத்தரவு

வேலையில்லாதோர் எண்ணிக்கை உயர்வு ! புள்ளிவிவரத்தில் அதிர்ச்சி தகவல்

unemployment-rate-highest-in-45-years

2017-18-ஆம் நிதியாண்டில் வேலையில்லாதோர் எண்ணிக்‌கை 45 ஆண்டுகளில் இல்லாத அளவிற்கு அதிகரித்துள்ளதாக தேசிய மாதிரி ஆய்வு புள்ளியியல் அலுவலகம் வெளியிட்டுள்ள புள்ளிவிவரத்தில் தெரிய வந்துள்ளது.

கடந்த 1972-73ஆம் ஆண்டு முதலே வேலைவாய்ப்பின்மை தொடர்பான புள்ளி விவரங்கள் திரட்டப்பட்டு வெளியாகி வந்திருக்கின்றன. இந்நிலையில், 1977-78ல், வேலையில்லாதோர் விகிதம் 2.5 சதவிகிதமாக இருந்திருக்கிறது. அதுவே 2011-12-ஆம் ஆண்டில் மொத்த மக்கள் தொகையில் வேலையில்லாதோர் எண்ணிக்கை 2.2 சதவிகிதமாக இருந்ததாக புள்ளி விவரங்கள் தெரிவிக்கின்றன. 2017-18-ஆம் ஆண்டில் வேலையில்லாதோர் விகிதம் 6.1 சதவிகிதமாக அதிகரித்துள்ளதாக தேசிய புள்ளியியல் துறை தெரிவித்துள்ளது.

2011-12-ஆம் ஆண்டில் கிராமப்புறத்தில் உள்ள வேலையில்லாத இளைஞர்களின் விகிதம் 5 சதவிகிதமாக இருந்திருக்கிறது. அதுவே, கடந்த 2017-18ஆம் ஆண்டு கிராமப்புறங்களில் வேலையில்லாத இளைஞர்களின் விகிதம் 17.4 சதவிகிதமாக உயர்ந்திருக்கிறது. அதேபோல, கிராமப்புறங்களில் உள்ள பெண்களில் வேலையில்லாதோர் விகிதம் 2011-12ல் 4.8 சதவிகிதமாக இருந்திருக்கிறது. அதுவே 2017-18-ல், 13.6 சதவிகிதமாக அதிகரித்திருப்பதாக புள்ளிவிவரங்கள் தெரிவிக்கின்றன.

2011-12-ஆம் ஆண்டில் நகர்ப்புறங்களில் உள்ள வேலையில்லாத இளைஞர்களின் விகிதம் 8.1 சதவிகிதமாக இருந்திருக்கிறது. அதுவே 2017-18-ஆம் ஆண்டில் 18.7 சதவிகிதமாக உயர்ந்திருப்பதாக தெரிவிக்கப்பட்டுள்ளது. மேலும், நகர்ப்புறங்களில் உள்ள பெண்களில் 2011-12-ல் 13.1 சதவிகிதம் பேர் வேலையில்லாமல் இருந்ததாகவும், அது 2017-18-ல் அது 27.2 சதவிகிதமாக அதிகரித்திருப்பதாகவும் தெரிவிக்கப்பட்டுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close