[X] Close
JUST IN
  • BREAKING-NEWS தேர்தல் ஆணைய கூட்டங்களில் பங்கு பெறும் ஆணையர்களின் அனைத்து கருத்துகளும் பதிவு செய்யப்படும் - அசோக் லவாசாவின் எதிர் கருத்துகள் பதிவு செய்யப்படவில்லை என்ற சர்ச்சையை அடுத்து இன்று நடந்த தேர்தல் ஆணைய கூட்டத்தில் முடிவு
  • BREAKING-NEWS பொள்ளாச்சி விவகாரம்: சிபிஐ விசாரணை மூலம் விரைவில் உண்மை வெளியே வரும் என்ற நம்பிக்கை உள்ளது- சிபிஐ முன் ஆஜரான பின் நக்கீரன் ஆசிரியர் கோபால் பேட்டி
  • BREAKING-NEWS தூத்துக்குடி துப்பாக்கிச்சூட்டில் உயிரிழந்த 13 பேருக்கு நினைவுச்சின்னம் அமைக்க வேண்டும்- டிடிவி தினகரன் அறிக்கை
  • BREAKING-NEWS தமிழகத்தில் மே 23ம் தேதி வாக்கு எண்ணும் மையங்களில் கூடுதல் பாதுகாப்பு அளிக்க வேண்டும் - தலைமை தேர்தல் அதிகாரி சத்யபிரதா சாஹூவிடம் திமுக சார்பில் மனு
  • BREAKING-NEWS ராசிபுரம் குழந்தைகள் விற்பனை வழக்கில் கைதான அமுதா உள்பட 7 பேர் மீண்டும் ஜாமீன் கேட்டு மனு
  • BREAKING-NEWS அரவக்குறிச்சி இடைத்தேர்தலில் பதிவான வாக்குகளை 17 சுற்றுகளுக்குப் பதிலாக 32 சுற்றுகளாக எண்ண முடிவு
  • BREAKING-NEWS சென்னையில் பெட்ரோல் லிட்டருக்கு ரூ. 73.87 காசுகளாகவும், டீசல் லிட்டருக்கு ரூ. 69.97 காசுகளாகவும் விலை நிர்ணயம்

காதலுக்கு தொந்தரவு கொடுத்த கணவன் கொலை: மனைவி கைது

love-affair-the-wife-has-arrested-for-killing-her-husband

சென்னை அண்ணாநகரில் கணவனை கழுத்தை நெரித்து கொன்றுவிட்டு நெஞ்சுவலியால் இறந்துவிட்டதாக நாடகமாடிய மனைவி கைது செய்யப்பட்டார்.

சென்னை அண்ணாநகரைச் சேர்ந்தவர்கள் கோபி- சுமித்ரா தம்பதியினர். இவர்களுக்கு இரண்டு குழந்தைகள் உள்ளனர். கோபி தனியார் டிராவல்ஸ் நிறுவனத்தில் கார் ஓட்டுநராக பணியாற்றி வருகிறார். இவரது நண்பர் கலைச்செல்வன் இவரும் டிரைவராக உள்ளார். கோபி மது அருந்தும் பழக்கம் உள்ளது. நேற்றிரவு கலைச்செல்வன் - கோபி இருவரும் ஒன்றாக மதுஅருந்தியுள்ளனர்.இதனையடுத்து அளவுக்கு அதிகமான போதையில் கோபி இருந்ததால் அவரை கலைச்செல்வன் வீட்டிற்கு கொண்டு வந்து விட்டுள்ளார். கோபிக்கு நெஞ்சுவலி ஏற்பட்டுள்ளதாக  அக்கம்பக்கத்தினரிடம் கூறிய சுமித்ரா அவர்களது உதவியுடன் கணவரை கீழ்ப்பாக்கம் மருத்துவமனைக்கு கொண்டு சென்றனர். அங்கு கோபியை பரிசோதித்த மருத்துவர்கள் அவர் ஏற்கெனவே இறந்து விட்டதாக கூறியுள்ளனர். கோபியின் கழுத்தில் காயம் இருந்ததால் அவரை மரணத்தில் மருத்துவர்களுக்கு சந்தேகம் ஏற்பட்டது. இதனையடுத்து  டி.பி.சத்திரம் காவல்நிலையத்தில் புகார் தெரிவிக்கப்பட்டது. பிரேத பரிசோதனை அறிக்கையில் அவர் கழுத்தை நெரித்து கொல்லப்பட்டு இருப்பது தெரியவந்தது.

இதனையடுத்து காவல்துறையினர் விசாரணையை தீவிரப்படுத்தினர். கோபி கடந்த சில மாதங்களுக்கு முன் தனது மனைவி மீது டி.பி.சத்திரம் காவல்நிலையத்தில் புகார் தெரிவித்திருந்தார்.தனது மனைவிக்கும் கலைச்செல்வனுக்கும் தகாத உறவு இருப்பதாக அதில் தெரிவிக்கப்பட்டிருந்தது. காவல்துறையினர் சுமித்ராவை அழைத்து எச்சரித்து கோபியுடன் அனுப்பி வைக்கப்பட்டதாக தெரிகிறது.

இதனால் சந்தேகமடைந்த காவல்துறையினர் சுமித்ராவிடம் தொடர்ந்து விசாரித்தனர். விசாரணையில் சுமித்ரா தனது காதலன் கலைச்செல்வனுடன் சேர்ந்து  கணவனை கழுத்தை நெரித்து கொன்றதாக ஒப்புக்கொண்டார். இந்தக்கொலையை திட்டமிட்டு இவர்கள் செய்தது விசாரணையில் தெரியவந்துள்ளது. கணவனை கொலை செய்வதற்கு ஏற்றவாறு தனது இரு குழந்தைகளையும் தனது தாய் வீட்டுற்கு அனுப்பியுள்ளார் சுமித்ரா. தங்களது திட்டப்படி கோபிக்கு அளவுக்கு அதிகமாக மது வாங்கி கொடுத்து அவர் போதையில் இருக்கும் போது கயிற்றால் கழுத்தை இறுக்கி கொலை செய்துள்ளனர்.தற்போது கலைச்செல்வனும் சுமித்ராவும் கைது செய்யப்பட்டுள்ளனர். தகாத உறவுக்கு இடைஞ்சலாக இருந்ததால் கணவர் கோபியை கொலை செய்ததாக சுமித்ரா வாக்குமூலம் அளித்துள்ளதாக காவல்துறையினர் தெரிவித்தனர்.

Advertisement:
இது தொடர்பான செய்திகள் :
Advertisement:
Advertisement:
[X] Close