பொன்வண்ணனின் ராஜினாமா கடித்தை ஏற்கமாட்டோம் என நடிகர் சங்கத்தலைவர் நாசர் தெரிவித்துள்ளார்.

நடிகர் சங்க துணைத்தலைவர் பதவியில் இருந்து விலகுவதாக நடிகர் பொன்வண்ணன் கடிதம் அளித்திருக்கிறார். புதிய நிர்வாகம் பொறுப்பேற்ற போது எந்தக் கட்சியையும் சாராத நிர்வாகம் அமைய விரும்பியதாகவும், ஆர்.கே. நகர் இடைத்தேர்தலில் விஷால் வேட்புமனு தாக்கல் செய்த விவகாரத்தில் கருத்து வேறுபாடு ஏற்பட்டுள்ளதாகவும் பொன்வண்ணன் அதில் கூறியுள்ளார். 

இதற்கிடையே, பொன்வண்ணனின் ராஜிநாமாவை ஏற்க நடிகர் சங்கம் மறுத்துள்ளது. ஆயினும், பதவி விலகும் முடிவில் உறுதியாக இருப்பதாகவும், முடிவை திரும்பப் பெறப் போவதில்லை என்றும் பொன்வண்ணன் கூறியுள்ளார். இந்த விவகாரம் தொடர்பாக செய்தியாளர்களிடம் பேசிய விஷால், நடிகர் சங்கத்தில் நாங்கள் அனைவரும் ஒற்றுமையாக உள்ளோம் என்று கூறியுள்ளார். அத்துடன் தனது நிலைப்பாடு குறித்து பொன்வண்ணன் விளக்கம் தருவார் என்றும், நடிகர் சங்க விதிப்படி தேர்தலில் நிற்பது தவறில்லை என்றும் கூறியுள்ளார். அவரைத்தொடர்ந்து பேசிய நாசர், பொன்வண்ணன் அளித்த ராஜிநாமா கடிதத்தை ஏற்கமாட்டோம் எனவும், ராஜிநாமா முடிவை பரிசீலனை செய்யுமாறு கூறியுள்ளதாகவும் தெரிவித்தார்.