[X] Close

சசிகலாவுக்கு தேர்தல் ஆணையம் நோட்டீஸ்

Election-Commission-Notice-to-Sasikala

அதிமுக பொதுச் செயலாளர் சசிகலாவுக்கு, தேர்தல் ஆணையம் நோட்டீஸ் அனுப்பியுள்ளது.

ஜெயலலிதா மறைவைத் தொடர்ந்து அதிமுக பொதுச் செயலாளராக சசிகலா தேர்வானார். சசிகலாவுக்கு எதிராக ஓ.பன்னீர்செல்வம் போர்க்கொடி உயர்த்தியதால் அதிமுக-வினர் சசிகலா தலைமையில் ஒரு அணியாகவும், பன்னீர்செல்வம் தலைமையில் ஒரு அணியாகவும் பிரிந்தனர். இதனையடுத்து, சசிகலா அதிமுக பொதுச் செயலாளராக நியமிக்கப்பட்டதற்கு எதிராக, முன்னாள் முதலமைச்சர் ஓ.பன்னீர்செல்வம் தரப்பு சார்பில் தேர்தல் ஆணையத்தில் புகார் அளிக்கப்பட்டிருந்தது. விதிகளுக்கு புறம்பாக, சசிகலா பொதுச்செயலாளராக நியமிக்கப்பட்டிருப்பதாக அந்த புகாரில் கூறப்பட்டு இருந்தது. பன்னீர்செல்வம் ஆதரவு எம்பிக்கள் மைத்ரேயன் தலைமையில் அதிமுகவின் 10 எம்பிக்கள், டெல்லியில் தலைமை தேர்தல் ஆணையர் நசீம் ஜைதியை சந்தித்து இந்த புகார் மனுவை அளித்திருந்தனர்.

இந்நிலையில், இந்தப் புகார் தொடர்பாக சசிகலாவுக்கு, இந்திய தேர்தல் ஆணையம் நோட்டீஸ் அனுப்பியுள்ளது. அதன்படி, வருகின்ற 28-ம் தேதிக்குள், சசிகலா பதிலளிக்க தேர்தல் ஆணையம் உத்தரவிட்டுள்ளது. மேலும், பதில் தரவில்லை என்றால் உரிய நடவடிக்கை எடுக்கப்படும் என்றும் தேர்தல் ஆணையம் கூறியுள்ளது.


Advertisement

Advertisement

Advertisement
[X] Close