[X] Close

மும்பை மழை: விமானத்தில் அவஸ்தைப்பட்ட டாப்ஸி

Taapsee-Pannu-left-stranded-due-to-Mumbai-rains

கடும் மழை காரணமாக, மும்பை விமான நிலையத்தில் தரையிறங்கிய விமானம் ஒன்று ஓடுபாதையில் இருந்து விலகி ஓடி, சகதியில் சிக்கியது. இதையடுத்து விமான நிலையத்தின் ரன் வே மூடப்பட்டது. மும்பையில் இருந்து புறப்பட இருந்த 108 விமானங்கள் ரத்து செய்யப்பட்டன. மும்பையில் இறங்க வேண்டிய 56 விமானங்கள் கோவா, பெங்களூரு, டெல்லி மற்றும் ஐதராபாத்துக்குத் திருப்பி விடப்பட்டன.


Advertisement

இதில் கொல்கத்தாவில் இருந்து மும்பை வந்த விமானம் ஒன்று ஐதராபாத்துக்கு திருப்பி விடப்பட்டது. அந்த விமானத்தில் நடிகை டாப்ஸி, இந்தி நடிகை ஜாக்குலின் பெர்னாண்டஸ், நடிகர் வருண் தாவன் சிக்கிக்கொண்டனர். ’ஜுத்வா 2’ படத்தின் புரமோஷனுக்காக கொல்கத்தா சென்ற அவர்களால் குறிப்பிட்ட நேரத்துக்குள் மும்பைக்கு திரும்ப முடியவில்லை. இதனால், அவர்கள் அடுத்து கலந்துகொள்ள இருந்த பட புரமோஷன் நிகழ்ச்சிகள் ரத்து செய்யப்பட்டன.

இதுபற்றி டாப்ஸி கூறும்போது, ‘நாங்கள் வந்த விமானம் ஐதராபாத்துக்கு திருப்பி விடப்பட்டது. அங்கு ஏற்கனவே பல விமானங்கள் வெயிட்டிங்கில் இருந்ததால், நாங்கள் விமானத்துக்குள் இருக்க வேண்டிய கட்டாயம் ஏற்பட்டுவிட்டது. 2 மணி நேரத்துக்கும்
மேலாக விமானத்துக்குள்ளேயே காத்திருந்தோம். இது பெரும் அவஸ்தையாக இருந்தது. பிறகு வெளியே வந்தோம். இதற்குள் படக்குழு, ஐதராபாத்தில் பட புரமோஷனை ஆரம்பிக்க முடிவு செய்தது. அதன்படி, ஐதராபாத் மீடியாவிடம் படம் பற்றி பேசிவிட்டு அந்த நேரத்தை பயனுள்ளதாக கழித்தோம்’ என்றார். 
 


Advertisement

Advertisement

Advertisement
[X] Close