பும்ராவுக்கு விக்கெட் பசியை கொடுத்தது எது?

போதுமான ஓய்வுக்கு பிறகு இந்திய கிரிக்கெட் அணிக்கு திரும்பியதால் விக்கெட் பசி அதிகமாக இருந்தது என்று வேகப்பந்துவீச்சாளர் பும்ரா கூறினார்.

இலங்கைக்கு சென்ற இந்திய கிரிக்கெட் அணி, டெஸ்ட் மற்றும் ஒரு நாள் தொடரை கைப்பற்றியது. ஒரு நாள் போட்டிகளில் சிறப்பாக பந்து வீசிய பும்ரா 15 விக்கெட்டுகளை கைப்பற்றினார். இதையடுத்து பந்துவீச்சாளர்கள் தரவரிசையில் முதன் முறையாக நான்காவது இடத்திற்கு முன்னேறியுள்ளார். 

இதுபற்றி பும்ரா கூறும்போது, ‘இதற்கு முன் இலங்கையில் நான் விளையாடியதில்லை. இப்போது ஆடியதுதான் முதன்முறை. இந்த தொடரில் சிறப்பாக செயல்பட்டிருக்கிறேன். இத்தொடரில் பங்கேற்கும் முன் அதிக நேரம் பயிற்சியில் ஈடுபட்டேன். அதே நேரம் போதுமான ஓய்வுக்குப் பிறகு இந்திய அணிக்கு திரும்பியதால் விக்கெட் பசியில் இருந்தேன். டெஸ்ட் போட்டியில் விளையாட வேண்டும் என்பது என் கனவு. எனக்கான வாய்ப்புக்காக காத்திருக்கிறேன்’ என்றார்.
பும்ரா பற்றி இந்திய அணியின் கேப்டன் விராத் கோலி கூறும்போது, ‘பும்ரா, அணியின் முக்கியமான பந்துவீச்சாளர். கடந்த 18 மாதங்களாக அவர் சிறப்பாக பந்துவீசி வருகிறார்’ என்றார்.