டெல்லியில் நாடாளுமன்றத்தின் பழைய வளாகத்தில் தேசிய பாதுகாப்பு படை வீரர்கள் நேற்று பாதுகாப்பு ஒத்திகை நிகழ்த்தினர்.
அண்மையில் நாடாளுமன்றத்திற்குள் இளைஞர்கள் இரண்டு பேர் நுழைந்தது பெரும் அதிர்ச்சியை ஏற்படுத்தியதுடன், நாடாளுமன்ற பாதுகாப்பு குறித்தும் கேள்வி எழுந்தது. எதிர்க்கட்சிகளும் பாதுகாப்பு குறைபாடுகள் இருப்பதாக நாடாளுமன்ற கூட்டத்தொடரில் பிரச்னை எழுப்பின.
இந்நிலையில் நாடாளுமன்றத்தின் பழைய வளாகத்தில், தேசிய பாதுகாப்புப் படை வீரர்கள் நேற்று பாதுகாப்பு ஒத்திகையில் ஈடுபட்டனர்.
அப்போது ஹெலிகாப்டரிலிருந்து நாடாளுமன்ற வளாகத்திற்குள் தேசிய பாதுகாப்புப் படை வீரர்கள் தரையிறங்குவது போன்ற காட்சிகள் வெளியாகியுள்ளன. இந்த ஒத்திகை நாடாளுமன்றத்தின் பாதுகாப்பை உறுதிப்படுத்தும் நடவடிக்கையாக அமைந்துள்ளது.
