Published : 04,Mar 2022 11:23 AM

'போர் பூமியில் ஆழ்ந்த தூக்கம்' - வைரலாகும் குழந்தை புகைப்படம்

Heartbreaking-photo-of-baby-sleeping-on-military-uniform-amid-Ukraine-Russia-war-goes-viral

ராணுவ சீருடை மேல் ஒரு குழந்தை படுத்துறங்கும் புகைப்படம் ஒன்று சமூக வலைதளங்களில் அதிகமாக பகிரப்பட்டு வருகிறது.

உக்ரைன் மீதான ரஷ்ய தாக்குதல் நாளுக்கு நாள் உக்கிரமடைந்து வருகிறது. இந்த போரால், லட்சக்கணக்கான அப்பாவி மக்களின் வாழ்க்கை துண்டாடப்பட்டுக் கொண்டிருக்கிறது. உலகெங்கும் நடக்கும் போர்களின் கொடூர முகத்தை அவ்வப்போது சில புகைப்படங்கள் வெளிப்படுத்திக் கொண்டு தான் இருக்கின்றன. அந்த வகையில் உக்ரைனில் தந்தையைப் பிரிந்து செல்லும் மகளின் கண்ணீர் வீடியோ, ராணுவ உடையணிந்து கண் கலங்கப் பாடல் பாடும் சிறுமியின் வீடியோ என போர்க்களத்தில் மனதை நொறுக்கும் வீடியோக்களும், புகைப்படங்களும் தொடர்ந்து வெளியாகிய வண்ணம் இருக்கின்றன.

image

இந்த நிலையில் ராணுவ சீருடை மேல் ஒரு குழந்தை படுத்துறங்கும் புகைப்படம் ஒன்று சமூக வலைதளங்களில் அதிகமாக பகிரப்பட்டு வருகிறது. போருக்கு கிளம்பும் ஒருவர் தனது ராணுவ சீருடை, காலணி, தொலைதொடர்பு கருவிகள் உள்ளிட்ட பொருட்களை அடுக்கி தயாராக வைத்திருக்கிறார். அதன் மேல் அந்த குழந்தை எந்தவித சலனமில்லாமல் நிம்மதியாக உறங்கிக் கொண்டிருக்கிறது.

இப்புகைப்படத்தை இன்ஸ்டாகிராமில் பகிர்ந்துள்ள ஒருவர், 'இந்த குழந்தையின் புகைப்படம் போர் வேண்டாம் என்று ஓங்கி ஒலிக்கவில்லையா?' என்ற தனது கவலை தேய்ந்த ஆதங்கத்தை வெளிப்படுத்தியுள்ளார்.

இதையும் படிக்க: உக்ரைன் - ரஷ்யா பேச்சுவார்த்தையில் ஒளிர்ந்த நம்பிக்கை

சற்று முன்



எடிட்டர் சாய்ஸ்