200 போட்டிகளில் இந்திய அணியை வழிநடத்திய பெருமை - தோனி, அசாருதீன் வரிசையில் விராட் கோலி!

இந்திய கிரிக்கெட் அணியை 200 சர்வதேச கிரிக்கெட் போட்டிகளில் வழி நடத்தி சென்ற மூன்றாவது கேப்டன் என்ற மைல்கல்லை எட்டினார் விராட் கோலி. இங்கிலாந்து அணிக்கு எதிராக நேற்று நடைபெற்ற மூன்றாவது ஒருநாள் போட்டியில் இந்தியாவை வழி நடத்தியதன் மூலம் இந்த மைல் கல்லை அவர் எட்டியுள்ளார். அவரது தலைமையில் இந்திய அணி 127 போட்டிகளில் வெற்றி பெற்றுள்ளது. ஒருநாள், டி20 மற்றும் டெஸ்ட் என மூன்று விதமான கிரிக்கெட் போட்டிகளும் இதில் அடங்கும். 

முன்னாள் கேப்டன் மகேந்திர சிங் தோனி 332 போட்டிகளில் இந்திய கிரிக்கெட் அணியை வழி நடத்தியுள்ளார். அதில் 178 போட்டிகளில் இந்தியா வெற்றி வாகை சூடியுள்ளது. அதே போல அசாருதீன் 221 போட்டிகளில் இந்தியாவை வழி நடத்தி உள்ளார். அதில் 121 வெற்றிகளை இந்தியா பெற்றுள்ளது. 

View this post on Instagram

A post shared by CricTracker (@crictracker)

Advertisement

பிசிசிஐ தலைவர் சவுரவ் கங்குலி 195 போட்டிகளில் இந்தியாவை வழி நடத்தி உள்ளார் என்பது குறிப்பிடத்தக்கது.