கமலா ஹாரிஸ் பதவியேற்பு: விழாக்கோலம் பூண்ட துளசேந்திரபுரம் கிராமம்!

கமலா ஹாரிஸின் சொந்த ஊரான திருவாரூர் மாவட்டம் துளசேந்திரபுரத்தில் மக்கள் வெடி வெடித்தும், விளக்குகள் ஏற்றியும் கமலா ஹாரிஸுக்கு வாழ்த்துகளை தெரிவித்து வருகின்றனர்.

அமெரிக்காவில் கடந்த ஆண்டு நவம்பர் மாதம் தேர்தல் நடத்தப்பட்டது. ஜனநாயகக் கட்சியின் சார்பில் களமிறங்கிய ஜோ பைடன் அதிபராகவும், இந்திய வம்சாவளியைச் சேர்ந்த கமலா ஹாரிஸ் துணை அதிபராகவும் வெற்றியை அறுவடை செய்தனர். இதன் தொடர்ச்சியாக, இன்று முறைப்படி பதவியேற்பு விழா நடைபெறுகிறது. தலைநகர் வாஷிங்டனில், அமெரிக்க நாடாளுமன்றம் கூடும் கேப்பிடல் கட்டடத்துக்கு முன்பு விழா நடைபெற்றது. இந்த விழாவில் அமெரிக்க அதிபராக பதவியேற்றார் கமலா ஹாரிஸ். இந்நிலையில் அமெரிக்க அதிபருக்கும், இந்திய வம்சாவளியான கமலா ஹாரிஸுக்கும் இந்தியாவில் பலரும் பாராட்டுகளை தெரிவித்து வருகின்றனர்.

இந்நிலையில் கமலா ஹாரிஸின் சொந்த ஊரான திருவாரூர் மாவட்டம் துளசேந்திரபுரத்தில் மக்கள் வெடி வெடித்தும், விளக்குகள் ஏற்றியும் கமலா ஹாரிஸுக்கு வாழ்த்துகளை தெரிவித்து வருகின்றனர். ஊர் மக்கள் ஒன்று கூடி தொலைக்காட்சி மூலம் கமலா ஹாரிஸ் பதவியேற்பை பார்த்து வருகின்றனர். கைகளில் கமலா ஹாரிஸின் பேனர்களை வைத்தும் வாழ்த்துகளை தெரிவித்து வருகின்றனர்.