"மேக்ஸ்வெல் ஒரு சியர்லீடர்..!" - கலாய்த்த சேவாக்

கிங்ஸ் லெவன் பஞ்சாப் அணியின் நட்சத்திர வீரராகவும் மேட்ச் வின்னராகவும் ஜொலித்தவர் ஆஸ்திரலியாவைச் சேர்ந்த மேக்ஸ்வெல். நடப்பு சீசனில் அவரை ரூ.10.75 கோடிக்கு எடுத்தது கிங்ஸ் லெவன் பஞ்சாப் அணி.

ஐ.பி.எல் போட்டிகளில் மேக்ஸ்வெல் விக்கெட்டை வீழ்த்துவதற்காக எதிரணியினர் தனி வியூகங்கள் வகுத்த சீசன் எல்லாம் உண்டு. அந்த அளவிற்கு சிக்ஸர்கள் விளாசி, அதிரடியான ஆட்டத்தை வெளிப்படுத்தக் கூடிய மேக்ஸ்வெல், நடப்பு ஐ.பி.எல் தொடரில் ஒரு சிக்ஸர்கள் கூட அடிக்கவில்லை என்பது குறிப்பிடத்தக்கது. 13 போட்டிகளில் விளையாடியுள்ள மேக்ஸ்வெல், 9 பவுண்டரிகள் அடித்து, வெறும் 108 ரன்கள் மட்டுமே எடுத்துள்ளார்.

இந்நிலையில் இந்திய கிரிக்கெட் அணியின் முன்னாள் வீரர் வீரேந்தர் சேவாக், சமீபத்தில் தனது சமூக ஊடக நிகழ்ச்சியான 'விரு கி பைதக்' கில் மேக்ஸ்வெல்லை தனது பாணியில் கடுமையாக கலாய்த்தார்.

ஐபிஎல் 2020 தொடரில் மோசமாக விளையாடிய ஐந்து வீரர்களை பட்டியலிட்டு பேசினார். மேக்ஸ்வெல்லில் ஒரு ஸ்வைப் எடுத்து, சேவாக் அவரை ரூ.10 கோடி சியர் லீடர் என்று அழைத்தார். தான் ஒரு விலை உயர்ந்த சியர்லீடர் என்பதை நிரூபித்து விட்டார். ஐபிஎல் 2020 ஆம் ஆண்டில் மேக்ஸ்வெல் ஐக்கிய அரபு எமிரேட்ஸில் 'அதிக ஊதியம் பெறும் விடுமுறையை' அனுபவித்ததாக சேவாக் கலாய்த்து தள்ளினார்.