நட்சத்திர ஓட்டலில் 100 நாட்கள் தங்கிவிட்டு எஸ்கேப் ஆன தொழிலதிபர்!

நட்சத்திர ஒட்டலில் நூறு நாட்கள் தங்கிவிட்டு, வாடகை கொடுக்காமல் தப்பிய தொழிலதிபரை போலீசார் தேடி வருகின்றனர்.

ஐதராபாத்தில் உள்ள பஞ்சாரா ஹில்ஸ் பகுதியில் இருக்கிறது தாஜ் பஞ்சாரா நட்சத்திர ஓட்டல். இந்த ஓட்டலின் சொகுசு அறையில் விசாகப்பட்டினத்தைச் சேர்ந்த சங்கர் நாராயணன் என்ற தொழிலதிபர் தங்கியிருந்தார். 102 நாட்கள் தங்கி இருந்த இவருக்கு அறை வாடகையாக ரூ.26 லட்சம் பில் வந்தது. கடந்த ஏப்ரல் மாதம், 13.62 லட்சத்தை கொடுத்துவிட்டு பாக்கியை பின்னர் தருவதாகச் சொன்னார். அவரை நம்பியது ஓட்டல் நிர்வாகம். 

இந்நிலையில் ஒரு நாள், யாரிடமும் சொல்லாமல் சத்தமின்றி அங்கிருந்து சென்றுவிட்டார். பின்னர் அவரது தொலைபேசிக் கு ஓட்டல் நிர்வாகம் தொடர்பு கொண்டது. ஆனால், அது அணைத்து வைக்கப்பட்டிருந்தது. பலமுறை தொடர்பு கொண்டும் பலனில்லாததால், பஞ்சாரா ஹில்ஸ் போலீசில் ஓட்டல் நிர்வாகம் புகார் செய்தது. போலீசார் அந்த தொழிலதிபரை தேடி வருகின்றனர்.