[X] Close

திமுக வேட்பாளர் கதிர் ஆனந்த் மீது வழக்குப்பதிவு

Subscribe
IT-Raid-at-vellore--case-filed-in-katpadi

வேலூரில் வருமான வரித்துறை சோதனையில் பணம் பறிமுதல் செய்யப்பட்டுள்ளது தொடர்பாக திமுக வேட்பாளர் கதிர் ஆனந்த் மீது காவல்நிலையத்தில் வழக்குப்பதிவு செய்யப்பட்டுள்ளது.


Advertisement

கடந்த சில தினங்களுக்கு முன் வேலூரில் திமுக பொருளாளர் துரைமுருகன் வீட்டில் வருமான வரித்துறையினர் சோதனை மேற்கொண்டனர். அத்துடன் துரைமுருகனின் மகனும், வேலூர் மக்களவை தொகுதியின் திமுக வேட்பாளருமான கதிர் ஆனந்துக்கு சொந்தமான பள்ளி, கல்லூரியிலும் சோதனை நடத்தப்பட்டது. அத்துடன் பூஞ்சோலை சீனிவாசன் என்பவருக்கு சொந்தமான சிமென்ட் குடோனிலும் வருமான வரித்துறையினர் சோதனை மேற்கொண்டனர். இந்த சோதனையில் கட்டுக் கட்டாக பணம் பறிமுதல் செய்யப்பட்டது.

இந்நிலையில் வேலூரில் நடைபெற்ற வருமான வரித்துறையினரின் சோதனையில் பணம் பறிமுதல் செய்யப்பட்டது தொடர்பாக காட்பாடி காவல்நிலையத்தில் வழக்குப்பதிவு செய்யப்பட்டுள்ளது. இந்த தகவலை தமிழக தலைமை தேர்தல் அதிகாரி சத்ய பிரதா சாஹூ தெரிவித்துள்ளார். அதன்படி திமுக வேட்பாளர் கதிர் ஆனந்த், சீனிவாசன், தாமோதரன் ஆகியோர் மீது வழக்குப்பதிவு செய்யப்பட்டுள்ளது.  இதனிடையே தமிழகத்தில் பறக்கும் படையினரால் இதுவரை ரூ.124.53 கோடி பணம் பறிமுதல் செய்யப்பட்டுள்ளதாக தமிழக தலைமை தேர்தல் அதிகாரி தெரிவித்தார்.


Advertisement
Follow @ Google News: கூகுள் செய்திகள் பக்கத்தில் புதிய தலைமுறை இணையதளத்தை இங்கே கிளிக் செய்து ஃபாலோ செய்க
முக்கியச் செய்திகளை உடனுக்குடன் அறிய, நேர்த்தியான வாசிப்பு அனுபவம் பெற புதிய தலைமுறை ஆப் டவுன்லோடு செய்க >
Advertisement:

Advertisement

Advertisement

Advertisement
[X] Close