[X] Close
JUST IN
  • BREAKING-NEWS அதிமுகவை அழித்து அமமுக வளர்ச்சி பெறுவது என்பது முடியாதது- தங்க தமிழ்ச்செல்வன்
  • BREAKING-NEWS தமிழகத்தில் காலியாக உள்ள 6 இடங்களுக்கு ஜூலை 18ம் தேதி மாநிலங்களவை தேர்தல் நடைபெறும் - தேர்தல் ஆணையம்
  • BREAKING-NEWS சுகாதாரத்துறையில் சிறந்த மாநிலங்களுக்கான பட்டியலில், கடந்தாண்டு 3வது இடத்திலிருந்த தமிழகம் இந்த ஆண்டு 9வது இடத்திற்கு பின்தங்கியது
  • BREAKING-NEWS குடிநீருக்காக கடல் நீரை குடிநீராக்கும் திட்டத்தை திமுக அரசு கொண்டு வந்தது; அத்திட்டங்களை அதிமுக அரசு செயல்படுத்தியிருந்தால் தமிழகம் தண்ணீர் பற்றாக்குறையை சந்தித்திருக்காது - மக்களவையில் தயாநிதி மாறன் எம்.பி. பேச்சு
  • BREAKING-NEWS ஜூலை மாதத்துக்கான 31.24 டிஎம்சி நீரை கர்நாடகா திறந்து விட உத்தரவிட வேண்டும் .கர்நாடக அரசு தண்ணீர் வழங்காததாலும் நீர் இருப்பு குறைவாக உள்ளதாலும் ஜூன் 12ல் மேட்டூர் அணையை திறக்க இயலவில்லை - டெல்லியில் நடைபெறும் காவிரி மேலாண்மை ஆணைய கூட்டத்தில் தமிழக அரசு வலியுறுத்தல்
  • BREAKING-NEWS இந்திய கடலோர காவல்படை இயக்குநராக தமிழகத்தை சேர்ந்த கே.நடராஜன் நியமனம்

“கோபம் வந்தால் பொருட்களை உடைங்க” - இளைஞர் திறந்த விநோதக் கடை

anger-room-gives-china-a-smashing-way-to-reduce-rage

கோபத்தில் இருப்பவர்களை சாந்தப்படுத்த சீனாவில் இளைஞர் ஒருவர் பொருட்களை உடைக்கும் விநோதக் கடை ஒன்றை திறந்துள்ளார்.

கோபம் ஏற்பட்டதால் நம்மில் சிலருக்கு கையில் கிடைக்கும் பொருட்களையெல்லாம் உடைக்க வேண்டும் என்ற எண்ணம் தோன்றும். அப்படி கோபத்தில் இருப்பவர்களை சாந்தப்படுத்த சீனாவில் பொருட்களை உடைக்கும் கடை ஒன்றை இளைஞர் ஒருவர் திறந்துள்ளார். சீனாவின் தலைநகரான பெய்ஜிங்கில் புதிதாக திறக்கப்பட்டுள்ள இந்தக் கடைக்கு, கோப அறை (ANGER ROOM) என பெயரிடப்பட்டுள்ளது.‌ இந்த அறையினுள் வீட்டில் உள்ள டிவி, கடிகாரம், தொலைபேசி என அனைத்து பொருட்களும் வைக்கப்பட்டுள்ளன. 

Image result for China Anger Room

கடுங்கோபத்தில் கடைக்குள் வரும் வாடிக்கையாளர்கள் பணத்தை கொடுத்துவிட்டு தங்கள் ஆவேசங்களை அந்தப் பொருட்களின் மீது வெளிப்படுத்தலாம். அவர்கள் அந்தப் பொருட்களை உடைக்கும்போது பின்னணியில் மெல்லிய இசை ஒலிக்கப்படும். 30 நிமிடங்களுக்கு பொருட்களை உடைக்க இந்திய மதிப்பில் ஐந்து ஆயிரம் ரூபாய் கட்டணமாக வசூலிக்கப்படுகிறது. பாதுகாப்புக் கவசங்கள் அணிந்தவாறு மட்டை, சுத்தியல் ஆகியற்றைப் பயன்படுத்தி பொருள்களை உடைக்கலாம். இதற்காக இந்தக் கடைக்குள் செல்லும்போது வாடிக்கையாளர்களுக்கு பிரத்யேக உடைகள் கொடுக்கப்படுகின்றன. 

Image result for China Anger Room

உடையை அணிந்துகொண்டு பணத்தை கொடுத்து கோபம் தீரும்வரை பொருட்களை துவம்சம் செய்ய சீன மக்கள் பெரிதும் ஆர்வம் காட்டி வருகின்றனர். திருமணமான பெண்களும், ஆண்களும் வீட்டில் சண்டையிட்டுக்கொண்டு தங்களது திருமண புகைப்படங்களை கொண்டுவந்து அந்தப் பொருட்களை அடித்துநொறுக்கி தங்களது ஆவேசத்துக்கு வடிகால் தேடிக் கொள்கின்றனர். 20 முதல் 35 வயது மதிக்கத்தக்க இளைஞர்களே இந்தக் கடைக்கு அதிகமாக படையெடுப்பதாக கூறப்படுகிறது. வன்முறையை ஊக்குவிப்பது நோக்கமல்ல என்றும், வாடிக்கையாளர்களின் மன அழுத்தத்தை போக்கவே இந்தக் கடையை திறந்து வைத்திருப்‌தாக கடை உரிமையாளர் ஹான்ஜிங் தெரிவிக்கிறார். 

Advertisement:
இது தொடர்பான செய்திகள் :
Advertisement:
Advertisement:

[X] Close