[X] Close
JUST IN
  • BREAKING-NEWS இரண்டாவது டி20 போட்டியில், 8 விக்கெட் வித்தியாசத்தில் இந்திய அணியை வீழ்த்தி வெஸ்ட் இண்டீஸ் அணி வெற்றி பெற்றது
  • BREAKING-NEWS தமிழகத்தில் வெங்காய விளைச்சல் நன்றாக உள்ளதால் 20 நாட்களில் விலை குறையும் - முதல்வர் பழனிசாமி
  • BREAKING-NEWS உள்ளாட்சித் தேர்தல் தொடர்பாக நீதிமன்றத்தை நாட திமுக மாவட்ட செயலாளர்கள் கூட்டத்தில் தீர்மானம்
  • BREAKING-NEWS உள்ளாட்சித் தேர்தலில் மக்கள் நீதி மய்யம் போட்டியிடவில்லை - கமல்ஹாசன்
  • BREAKING-NEWS தமிழகத்தில் மேலும் 4 மருத்துவக் கல்லூரிகள் அமைக்க அனுமதி கோரி மத்திய அரசுக்கு தமிழக அரசு கடிதம் - அமைச்சர் விஜயபாஸ்கர்
  • BREAKING-NEWS உள்ளாட்சித் தேர்தலில் யாருக்கும் ரஜினி ஆதரவில்லை- ரஜினி மக்கள் மன்றம் அறிக்கை
  • BREAKING-NEWS கடலோர மாவட்டங்களில் இன்று மிதமான மழைக்கு வாய்ப்பு: வானிலை ஆய்வு மையம் தகவல்

மருத்துவர்களின் அலட்சியத்தால் குழந்தை இறந்துவிட்டது - பெற்றோர் கண்ணீருடன் குற்றச்சாட்டு

our-die-for-government-doctors-carelessness-parents-allegation-in-kanchipuram

வேலூர் அரசு ஆரம்ப சுகாதார நிலையத்தில் பிறந்த குழந்தை இரண்டு நாட்களில் உயிரிழந்த சம்பவம் சோகத்தை ஏற்படுத்தியுள்ளது.

வேலூர் மாவட்டம் ராணிப்பேட்டை தாலுகா, கரிமேடு கிராமத்தை சேர்ந்த தனியார் கல்லூரி பேருந்து ஓட்டுநர் மோகன் குமார். இவர் தனது மனைவி கிரிஜாவுடன் வசித்து வந்த நிலையில், பிரசவத்திற்காக மனைவியை காஞ்சிபுரம் அடுத்த திருப்புட்குழி ஆரம்ப சுகாதார நிலையத்தில் இரு தினங்களுக்கு முன்பு அனுமதித்தார். சுகப்பிரசவத்தில் கிரிஜாவுக்கு ஆண் குழந்தை பிறந்துள்ளது. தொடர் சிகிச்சையில் இருந்து வந்த பச்சிளம் குழந்தை நேற்று இரவு முதல் தாய்ப்பால் அருந்தவில்லை என மருத்துவர்களிடம் பெற்றோர்கள் கூறியுள்ளனர். மருத்துவர்கள் இரவு முழுவதும் அலட்சியமாக செயல்பட்டதாக பெற்றோர் குற்றம்சாட்டியுள்ளனர். 

எனவே குழந்தையை காஞ்சிபுரம் அரசு பொது மருத்துவமனைக்கு கொண்டு சென்றதாகவும், மருத்துவமனையில் சோதித்து பார்த்தபோது குழந்தை இறந்திருந்ததாகவும் தெரிவித்தனர். மருத்துவர்களின் அலட்சியப்போக்கு தங்கள் குழந்தையின் உயிரை பலி வாங்கி விட்டதாகவும், அரசு ஆரம்ப சுகாதார நிலையத்தில் மகப்பேறு சிறப்பாக இருக்கும் என நம்பியது ஏமாற்றம் அளித்துவிட்டதாகவும் குற்றம்சாட்டினர். 

பிறந்து இரு நாட்களே ஆன நிலையில் பச்சிளங்குழந்தை இறந்த சம்பவம் சோகத்தினை ஏற்படுத்தியுள்ளது. தங்கள் குழந்தையின் இறப்பிற்கு காரணமான மருத்துவர்கள் மற்றும் ஆரம்ப சுகாதார நிலையத்தின் ஊழியர்கள் மீது நடவடிக்கை எடுக்க வேண்டும் என பெற்றோர்கள் கண்ணீர் மல்க கோரிக்கை வைத்துள்ளனர்.

Advertisement:
இது தொடர்பான செய்திகள் :
Advertisement:
Advertisement:
[X] Close