[X] Close
JUST IN
  • BREAKING-NEWS உளவு பார்த்த புகாரில் கைது செய்யப்பட்டு பாகிஸ்தான் சிறையில் உள்ள குல்பூஷண்ஜாதவ் விவகாரத்தில் இந்தியாவிற்கு சாதகமான தீர்ப்பு: சாதகமான தீர்ப்பு வந்துள்ளதால்,அவரை பாகிஸ்தான் தூக்கிலிட முடியாது;பாகிஸ்தான் தனதுதீர்ப்பை மறுபரிசீலனை செய்யவேண்டும் -சர்வதேச நீதிமன்றம்
  • BREAKING-NEWS இந்த ஆண்டு ரூ.600 கோடி செலவில் 2 ஆயிரம் புதிய பேருந்துகள் வாங்கப்படும் - முதல்வர் பழனிசாமி அறிவிப்பு
  • BREAKING-NEWS தமிழகம், புதுச்சேரியில் 2 நாட்களுக்கு மிதமான மழைபெய்ய வாய்ப்பு - சென்னை வானிலை ஆய்வு மையம்
  • BREAKING-NEWS ஹைட்ரோ கார்பன், நியூட்ரினோ போன்ற அனைத்து திட்டங்களுமே வளர்ச்சிக்கான திட்டம் - தமிழிசை சவுந்தரராஜன்
  • BREAKING-NEWS அண்ணா பல்கலைக்கழக கல்விக் கட்டணம் உயர்வு : அட்டவணை வெளியீடு
  • BREAKING-NEWS ”உள்ளாட்சித் தேர்தலுக்கான அறிவிப்பு அக்டோபரில் வெளியாகும்” - மாநில தேர்தல் ஆணையம்
  • BREAKING-NEWS கர்நாடக அணைகளில் இருந்து தமிழகத்திற்கு காவிரி நீர் திறப்பு

“வைகோ பதவியேற்பதை அனுமதிக்க வேண்டாம்” - சசிகலா புஷ்பா கடிதம்

mp-sasikala-pushpa-letter-against-vaiko

வைகோ, மாநிலங்களவை உறுப்பினராக பதவியேற்பதை அனுமதிக்க வேண்டாம் என்று மாநிலங்களவைத் தலைவர் வெங்கையா நாயுடுவுக்கு சசிகலா புஷ்பா எம்பி கடிதம் எழுதியுள்ளார்.

தேசத் துரோக வழக்கில், வைகோவுக்கு ஓராண்டு சிறைத் தண்டனை விதிக்கப்பட்டிருப்பதை சசிகலா புஷ்பா தனது கடிதத்தில் சுட்டிக்காட்டியுள்ளார். வழக்கில் ஈராண்டு சிறை தண்டனை பெற்றிருந்தால்தான், ஒருவர் தகுதியிழப்பு செய்யப்படுவார் என்ற போதிலும், அறநெறி அடிப்படையில், வைகோவை பதவியேற்க அனுமதிக்க வேண்டாம் என்று சசிகலா புஷ்பா வலியுறுத்தியுள்ளார்.

வைகோ, தேசத்திற்கு எதிராகப் பேசுவதை வழக்கமாகக் கொண்டவர் என்றும், பிரதமருக்கு எதிராகவே பலமுறை கடுமையான வார்த்தைகளைப் பேசியுள்ளார் எனவும் சசிகலா புஷ்பா சுட்டிக்காட்டியுள்ளார். தேசத்திற்கு எதிராகவும், பிரதமரை விமர்சித்தும் வைகோ பேசிய பேச்சுகள் தமிழ்நாட்டு சமூகத்தை தவறான பாதைக்கு கொண்டு சென்றுள்ளதாகவும் வெங்கையா நாயுடுவுக்கு எழுதியுள்ள கடிதத்தில் சசிகலா புஷ்பா தெரிவித்துள்ளார்.

கடந்த வாரம் தேசத்துரோக வழக்கில் வைகோவுக்கு ஓராண்டு சிறை மற்றும் ரூ.10 ஆயிரம் அபராதம் விதிக்கப்பட்டது. ஆனால் இந்தத் தண்டனை ஒரு மாதம் நிறுத்தி வைக்கப்பட்டது. இதற்கிடையே திமுக சார்பில் வழங்கப்பட்ட வாய்ப்பின் அடிப்படையில் வைகோ மாநிலங்களவைக்கான வேட்புமனுத் தாக்கல் செய்திருந்தார். அவரது மனு ஏற்கப்படுமா ? என்ற சந்தேகம் இருந்த நிலையில், மனுவும் ஏற்கப்பட்டது. இதனால் அவர் மாநிலங்களவைக்கு தேர்வாக உள்ளது குறிப்பிடத்தக்கது.

Advertisement:
இது தொடர்பான செய்திகள் :
Advertisement:
Advertisement:
[X] Close