[X] Close
JUST IN
  • BREAKING-NEWS தமிழகத்தில் காலியாக உள்ள 6 இடங்களுக்கு ஜூலை 18ம் தேதி மாநிலங்களவை தேர்தல் நடைபெறும் - தேர்தல் ஆணையம்
  • BREAKING-NEWS சுகாதாரத்துறையில் சிறந்த மாநிலங்களுக்கான பட்டியலில், கடந்தாண்டு 3வது இடத்திலிருந்த தமிழகம் இந்த ஆண்டு 9வது இடத்திற்கு பின்தங்கியது
  • BREAKING-NEWS குடிநீருக்காக கடல் நீரை குடிநீராக்கும் திட்டத்தை திமுக அரசு கொண்டு வந்தது; அத்திட்டங்களை அதிமுக அரசு செயல்படுத்தியிருந்தால் தமிழகம் தண்ணீர் பற்றாக்குறையை சந்தித்திருக்காது - மக்களவையில் தயாநிதி மாறன் எம்.பி. பேச்சு
  • BREAKING-NEWS ஜூலை மாதத்துக்கான 31.24 டிஎம்சி நீரை கர்நாடகா திறந்து விட உத்தரவிட வேண்டும் .கர்நாடக அரசு தண்ணீர் வழங்காததாலும் நீர் இருப்பு குறைவாக உள்ளதாலும் ஜூன் 12ல் மேட்டூர் அணையை திறக்க இயலவில்லை - டெல்லியில் நடைபெறும் காவிரி மேலாண்மை ஆணைய கூட்டத்தில் தமிழக அரசு வலியுறுத்தல்
  • BREAKING-NEWS இந்திய கடலோர காவல்படை இயக்குநராக தமிழகத்தை சேர்ந்த கே.நடராஜன் நியமனம்

போரூர் சிறுமி கொலையாளி தஷ்வந்த் தூக்கு தண்டனைக்கு இடைக்காலத் தடை

sc-stays-death-sentence-of-dashwanth

சென்னையில் சிறுமியை பாலியல் வன்கொடுமை செய்து எரித்துக் கொன்ற வழக்கில் தஷ்வந்திற்கு விதிக்கப்பட்டிருந்த‌ தூக்கு தண்டனைக்கு உச்சநீதிமன்றம் இடைக்காலத் தடை விதித்துள்ளது.

சென்னை போரூர் அருகே கடந்த 2017-ஆம் ஆண்டு பிப்ரவரி மாதம் உடல் கருகிய நிலையில் சிறுமி சடலமாகக் கண்டெடுக்கப்பட்டார். இதுதொடர்பான விசாரணையில் தஷ்வந்த் என்ற இளைஞர், சிறுமியை பாலியல் வன்கொடுமை செய்து எரித்துக் கொன்றது தெரியவந்தது. விசாரணையின் அடிப்படையில் குற்றச்சாட்டுகள் நிரூபிக்கப்பட்டதால், தஷ்வந்துக்கு தூக்குத் தண்டனை விதித்து செங்கல்பட்டு மகளிர் நீதிமன்றம் தீர்ப்பளித்தது.

இந்நிலையில், வழக்கின் விசாரணையில் பல்வேறு குளறுபடிகள் உள்ளதால் தூக்குத் தண்டனையை ரத்து செய்ய வேண்டுமென தஷ்வந்த் தரப்பில் சென்னை உயர் நீதிமன்றத்தில் மேல்முறையீடு செய்யப்பட்டது. மனு மீதான விசாரணையை அடுத்து, செங்கல்பட்டு மகளிர் நீதிமன்றத்தின் தீர்ப்பை உறுதி செய்த உயர்நீதிமன்றம் தஷ்வந்தின் மனுவை தள்ளுபடி செய்து உத்தரவிட்டது.

இந்நிலையில் கருணை அடிப்படையில் தூக்குத் தண்டனையை ரத்து செய்து தண்டனையை குறைக்க வேண்டும் என தஷ்வந்த் சார்பில் உச்சநீதிமன்றத்தில் மனுத் தாக்கல் செய்யப்பட்டது. இந்த வழக்கு தலைமை நீதிபதி ரஞ்சன் கோகாய் தலைமையிலான அமர்வு முன்பு விசாரணைக்கு வந்தபோது, குற்றவாளிக்கு தூக்குத் தண்டனை விதிக்கப்பட்டிருப்பதால் விசாரணைக்கு எடுத்துக் கொள்கிறோம், ஆயுள் தண்டனையாக இருந்தால் விசாரணையே செய்யாமல் மனுவைத் தள்ளுபடி செய்திருப்போம் என நீதிபதிகள் தெரிவித்தனர்.

மேலும், இந்த வழக்கின் விசாரணை முடியும் வரை தஷ்வந்திற்கு விதிக்கப்பட்டிருந்த தூக்குத் தண்டனைக்கு இடைக்காலத் தடை விதிக்கப்படுவதாக கூறிய நீதிபதிகள், இது தொடர்பாக 4 வாரத்திற்குள் தமிழக காவல்துறை விளக்கம் அளிக்க நோட்டீஸ் அனுப்ப உத்தரவிட்டனர்.

Advertisement:
இது தொடர்பான செய்திகள் :
Advertisement:
Advertisement:
[X] Close