[X] Close
JUST IN
  • BREAKING-NEWS நாடாளுமன்ற தேர்தலில் தேமுதிக சார்பில் போட்டியிட பிப்.24 முதல் விருப்பமனு விநியோகம்
  • BREAKING-NEWS சென்னையில் பெட்ரோல் லிட்டருக்கு ரூ. 74.02 காசுகளாகவும், டீசல் லிட்டருக்கு ரூ. 70.25 காசுகளாகவும் விலை நிர்ணயம்
  • BREAKING-NEWS பயங்கரவாதத்தை ஒடுக்க இந்தியாவுக்கு உதவுவோம்- சவுதி அரேபியா
  • BREAKING-NEWS பேரறிவாளன் உள்ளிட்ட 7 பேரை உடனே விடுதலை செய்ய ஆளுநரை சந்தித்து முதல்வர் வலியுறுத்த வேண்டும்- திமுக தலைவர் மு.க.ஸ்டாலின்
  • BREAKING-NEWS தேமுதிகவுடனான கூட்டணி பேச்சுவார்த்தையில் இழுபறி நீடிக்கும் நிலையில் முதல்வர் பழனிசாமியுடன் அமைச்சர்கள் தங்கமணி, வேலுமணி முக்கிய ஆலோசனை
  • BREAKING-NEWS மக்களவை தேர்தலையொட்டி சென்னையில் 113 காவல் ஆய்வாளர்களை இடமாற்றம் செய்து ஆணையர் ஏ.கே.விஸ்வநாதன் உத்தரவு
  • BREAKING-NEWS விவசாயிகளுக்கு பட்ஜெட்டில் அறிவித்தபடி ரூ.6ஆயிரம் 3 தவணையாக ரூ.2 ஆயிரம் வீதம் வழங்கப்பட உள்ளது

சின்னத்தம்பியை பிடிக்கும் முயற்சியில் களமிறங்கிய வனத்துறை !

forest-officer-involved-to-caught-chinnathambi-elephant

திருப்பூர் மாவட்டம் உடுமலைபேட்டை அருகே கரும்புத் தோட்டத்தில் பதுங்கியுள்ள காட்டுயானை சின்னத்தம்பியை பிடிக்கும் பணியில் வனத்துறையினர் ஈடுபட்டுள்ளனர்.

காட்டு யானை சின்னத்தம்பியை கும்கி யானையாக மாற்றாமல், மீண்டும் வனத்துறைக்கு அனுப்ப வேண்டும் என முரளிதரன், அருண் பிரசன்னா ஆகியோர் சென்னை உயர்நீதிமன்றத்தில் வழக்கு தொடர்ந்திருந்தனர். இதனிடையே சின்னத்தம்பியை பிடிக்க அனுமதி வழங்குமாறு வனத்துறை கோரிக்கை விடுத்திருந்தது. இவ்வழக்கை நேற்று விசாரித்த சென்னை உயர்நீதிமன்றம், சின்னத்தம்பியை பிடிக்க வனத்துறைக்கு அனுமதி வழங்கி இடைக்கால உத்தரவு பிறப்பித்தது.

அத்துடன், சின்னத்தம்பியை பிடிக்கும்போது காயப்படுத்தவோ அல்லது துன்புறுத்தவோ கூடாது எனவும் அறிவுறுத்தியது. அத்துடன் நீதிமன்ற உத்தரவு நகல் கிடைக்கும் வரை காத்திருக்க வேண்டிய அவசியமில்லை, உடனே அதனை பிடித்து முகாமிற்கு கொண்டு செல்லலாம் எனக் கூறியது. அத்துடன் சின்னத்தம்பியை முகாமில் வைப்பதா அல்லது நிரந்தரமாக காட்டுக்குள் கொண்டு சென்றுவிடலாமா? என்பதை வனத்துறை தலைமை பாதுகாவலர் முடிவுசெய்யலாம் எனவும் நீதிமன்றம் தெரிவித்தது.

நீதிமன்ற உத்தரவையடுத்து உடுமலைபேட்டை அருகே கரும்புத் தோட்டத்தில் பதுங்கியுள்ள சின்னத்தம்பியை பிடிக்கும் பணியில் வனத்துறையினர் ஈடுபட்டுள்ளனர். சின்னத்தம்பியை மயக்க மருந்து செலுத்தி பிடிக்க மருத்துவர் அசோகன் தலைமையிலான குழுவினர் திருப்பூர் சென்றுள்ளனர். நீதிமன்ற உத்தரவில் யானைக்கு காயம் ஏற்படமால் பிடிக்க வலியுறுத்தியதால், ஜே.சி.பி வாகனத்தை பயன்படுத்த வேண்டாம் என வனத்துறை முடிவு செய்துள்ளது. அத்துடன் சின்னத்தம்பியை பிடிக்க மேலும் இரண்டு கும்கி யானைகளை பயன்படுத்தலாமா என்ற ஆலோசனையிலும் வனத்துறையினர் ஈடுபட்டுள்ளனர். யானையை லாரியில் ஏற்றுவதற்கு சாய்வுதளம் ஏற்படுத்திய பின்பே மயக்க மருந்து செலுத்த திட்டமிடப்பட்டுள்ளது. சின்னத்தம்பியை பிடிப்பதற்கான ஆபரேசன் மாலை 3 மணிக்கு தொடங்க உள்ளதாக தெரிகிறது.

Advertisement:
இது தொடர்பான செய்திகள் :
Advertisement:
Advertisement:
[X] Close