[X] Close
JUST IN
  • BREAKING-NEWS டெல்லியில் நாளை மாலை 5 மணிக்கு நடைபெறும் தேசிய ஜனநாயக கட்சி நாடாளுமன்ற குழு கூட்டத்தில் அனைவரும் சேர்ந்து நரேந்திர மோடியை தலைவராக தேர்வு செய்ய உள்ளனர்
  • BREAKING-NEWS தமிழகத்தில் 8 இடங்களில் வெற்றி பெற்றுள்ள காங்கிரஸ் எம்.பி.க்கள் நாளை சென்னையில் திமுக தலைவர் மு.க.ஸ்டாலினை சந்திக்கின்றனர்
  • BREAKING-NEWS நீங்கள் வெற்றிபெற்ற மாநிலங்களை விட தமிழகத்துக்கு அதிக முக்கியத்துவம் கொடுக்கவேண்டும்- மோடிக்கு கமல்ஹாசன் கோரிக்கை
  • BREAKING-NEWS சென்னையில் பெட்ரோல் லிட்டருக்கு ரூ. 74.10 காசுகளாகவும், டீசல் லிட்டருக்கு ரூ. 70.24 காசுகளாகவும் விலை நிர்ணயம்

அரசு மருத்துவர்கள் போராட்டம் தற்காலிகமாக ஒத்திவைப்பு

government-doctors-strike-temporary-post-postponed

உயர்நீதிமன்ற மதுரை கிளையின் வேண்டுகோளை ஏற்று அரசு மருத்துவர்கள் போராட்டம் தற்காலிகமாக ஒத்திவைக்கப்பட்டுள்ளது.

பல்வேறு கோரிக்கைகளை வலியுறுத்தி அரசு மருத்துவர்கள் ஏற்கெனவே புறநோயாளிகள் பிரிவில் பணி புறக்கணிப்பில் ஈடுபட்டனர். நாளை முதல் வேலை நிறுத்தப் போராட்டத்தை தொடங்கப் போவதாகவும் அறிவித்திருந்தனர். மருத்துவர்கள் போராட்டத்தால் ஏழை நோயாளிகள் கடுமையாக பாதிக்கப்படுகின்றனர். எனவே, வேலை நிறுத்தப் போராட்டத்திற்கு தடை விதிக்க வேண்டும் எனக் கூறி முகமது யுனீஸ் ராஜா என்பவர் உயர்நீதிமன்ற மதுரை கிளையில் வழக்கு தொடர்ந்தார்.

இந்த வழக்கு நீதிபதிகள் சசிதரன், ஆதிகேசவலு அமர்வு முன் விசாரணைக்கு வந்தது. அப்போது அரசு மருத்துவர்கள் சங்கம் தரப்பில் ஆஜரான வழக்கறிஞர், பலமுறை தங்களின் கோரிக்கைகளை நிறைவேற்ற அரசிடம் முறையிட்டும் நடவடிக்கை இல்லை என்பதால், போராட்டத்தில் ஈடுபட திட்டமிட்டதாக தெரிவித்தார். இதற்கு, 7-ஆவது ஊதிய குழுவின் பரிந்துரைகள் தொடர்பாக தமிழக நிதித்துறை செயலரின் கீழ் ஒரு நபர் ஆணையம் அமைக்கப்பட்டுள்ளதாகவும், அதனடிப்படையில் விரைவில் நடவடிக்கை எடுக்கப்படும் எனவும் அரசு தரப்பில் தெரிவிக்கப்பட்டது.

இதையடுத்து நீதிபதிகள், ஒருநபர் ஆணையம் அறிக்கை தாக்கல் செய்ய எவ்வளவு காலம் ஆகும்? அதனடிப்படையில் அரசு நடவடிக்கை எடுக்க எவ்வளவு காலம் ஆகும்? எனக் கேள்வி எழுப்பினர். இது குறித்து தமிழக சுகாதாரத்துறை செயலர் பதில் அறிக்கை தாக்கல் செய்ய உத்தரவிட்டு வழக்கை டிசம்பர் 17-ஆம் தேதிக்கு ஒத்திவைத்தனர். நீதிபதிகள் வேண்டுகோளை ஏற்று அரசு மருத்துவர்கள் போராட்டம் தற்காலிகமாக ஒத்திவைக்கப்பட்டுள்ளது.

Advertisement:
Advertisement:
Advertisement:
[X] Close