[X] Close
JUST IN
  • BREAKING-NEWS அஜித் சிறந்த நடிகர், அரசியல் குறித்த அவரது கருத்துக்கு நன்றி; அரசியலில் ஈடுபட மாட்டேன் என அஜித் முடிவு எடுத்திருப்பது நல்ல முடிவு - கனிமொழி எம்.பி.
  • BREAKING-NEWS நேரடியாகவோ மறைமுகமாகவோ அரசியலில் ஈடுபடும் ஆர்வம் இல்லை - நடிகர் அஜித்குமார்
  • BREAKING-NEWS நாடாளுமன்ற தேர்தல் பரப்புரைக்காக தமிழகம் வருகிறார் ராகுல் காந்தி; யார் பிரதமராக வர வேண்டும் என மக்கள் முடிவு செய்துவிட்டனர் - காங்கிரஸ் பொதுச்செயலாளர் முகுல் வாஸ்னிக்
  • BREAKING-NEWS மதுரையில் பேட்ட, விஸ்வாசம் திரையிடப்பட்டதில் ஜனவரி 10-17 வரையிலான வசூல் விவரங்களை அளிக்க ஆட்சியருக்கு உயர்நீதிமன்றக்கிளை உத்தரவு
  • BREAKING-NEWS ஸ்டாலினுக்கு துணிவு இருந்தால் கொல்கத்தா மேடையில் பிரதமர் வேட்பாளரை அறிவித்திருக்க வேண்டும் - தமிழிசை சவுந்தரராஜன்
  • BREAKING-NEWS வளர்ச்சி நிதி, புயல் நிவாரண நிதியை கேட்டும் தராத மத்திய அரசுடன் இணக்கம் என எப்படி கூற முடியும்? - தம்பிதுரை எம்.பி.
  • BREAKING-NEWS சிலைக்கடத்தல் தடுப்பு வழக்குகளில் பிறப்பிக்கும் உத்தரவுகளை நிறைவேற்றாமல், தடுப்பது எது? - அரசு, காவல்துறைக்கு நீதிமன்றம் கேள்வி

மாணவர் சேர்க்கையை அதிகரிக்க யுக்தி: சைக்கிள் இலவசம் என அறிவித்த அரசுப்பள்ளி

announcing-the-bicycle-free-of-the-public-government-school

அரசுப்பள்ளியில் சேர்ந்தால் சைக்கிள் இலவசம் என திருவள்ளூர் மாவட்டம் பள்ளிப்பட்டு அடுத்த அத்திமாஞ்சேரிப்பேட்டை அரசு ஆண்கள் மேல் நிலைப் பள்ளி ஆசிரியர்கள் அறிவித்துள்ளனர். 

குரு தட்சணை வழங்கி கல்வி கற்றது கடந்த காலம். ஆனால் நிகழ் காலத்தில்  மாணவர்களுக்கு உதவிகள் வழங்கி  பாடம் கற்பிக்கும் நிலைக்கு தள்ளப்பட்டுள்ளனர் ஆசிரியர்கள். திருவள்ளூர் மாவட்டம் பள்ளிப்பட்டு அடுத்த அத்திமாஞ்சேரிப்பேட்டை அரசு ஆண்கள் மேல் நிலைப் பள்ளியில்  6 முதல் 12 ஆம் வகுப்பு வரை சுமார் 850 மாணவர்கள் படித்து வருகின்றனர். இதில் 185 தெலுங்கு மொழி படிக்கும் மாணவர்களும் அடங்கும். தனியார் பள்ளிகள் ஆதிக்கம் அதிகரித்துள்ள நிலையில்  அரசுப்பள்ளிகளில் மாணவர் எண்ணிக்கை குறைந்து வருகின்றது. அதிலும்  தெலுங்கு பாடப் பிரிவில் படிப்பவர்கள் வெகுவாக குறைந்து வருகின்றனர்.

இந்நிலையில்  6ஆம் வகுப்பில் தெலுங்கு பிரிவில் மாணவர் சேர்க்கை அதிகரிக்க ஏதுவாக  அப்பள்ளி  தெலுங்கு இடைநிலை ஆசிரியர்கள்  ஒருங்கிணைந்து அவர்களின் சொந்த செலவிலிருந்து  ரூ.4500 விதம் சைக்கிள்கள் வாங்கி 6ஆம் வகுப்பில் சேர்பவர்களுக்கு வழங்க முடிவு செய்தனர். அதன்படி நேற்று பள்ளியில்  6ஆம் வகுப்பு தெலுங்கு பிரிவில் சேர்ந்த இரு மாணவர்களுக்கு அப்பள்ளி தலைமை ஆசிரியர் தேவசகாயம்  முன்னிலையில் ஆசிரியர்கள் சைக்கிள்கள் வழங்கினர். இது குறித்து இடைநிலை தெலுங்கு ஆசிரியர்கள் கூறுகையில் அத்திமாஞ்சேரிப்பேட்டை சுற்றுவட்டார கிராம பகுதிகளிலிருந்து வந்து படிக்கும்  மாணவர்களுக்கு போதிய போக்குவரத்துவசதி இல்லாத நிலையில் படிப்பு தொடர முடியாத நிலை உள்ளது. 

மேலும் சிலர் தனியார் பள்ளிகளுக்கு அனுப்பும் நிலை இருப்பதால், கிராம பகுதிகளிலிருந்து வரும் மாணவர்களுக்கு இலவசமாக சைக்கிள் வழங்கினால் மாணவர் சேர்க்கை அதிகரிக்கும் என்ற நோக்கோடு சைக்கிள் இலவசமாக வழங்கி வருகிறோம் என்று தெரிவித்தார்.

Advertisement:
Advertisement:
Advertisement:
[X] Close