[X] Close
JUST IN
  • BREAKING-NEWS சந்திராயன் - 2 ஜனவரியில் ஜிஎஸ்எல்வி மார்க் 3 தொழில்நுட்ப ராக்கெட் மூலமே ஏவப்படும் - இஸ்ரோ தலைவர் சிவன்
  • BREAKING-NEWS ஜிசாட்-29 செயற்கைக்கோளுடன் விண்ணில் பாய்ந்தது ஜிஎஸ்எல்வி- மார்க் 3 ராக்கெட்
  • BREAKING-NEWS சென்னையில் பெட்ரோல் லிட்டருக்கு ரூ.80.42 காசுகளாகவும், டீசல் லிட்டருக்கு ரூ.76.30 காசுகளாகவும் விலை நிர்ணயம்
  • BREAKING-NEWS ஆறுமுகசாமி ஆணையத்தின் விசாரணைக்கு உதவும் வகையில் காவல் ஆய்வாளரை நியமிக்க அரசு ஒப்புதல்
  • BREAKING-NEWS இலங்கை நாடாளுமன்றம் ஏற்கனவே அறிவித்தபடி நாளை காலை 10 மணிக்கு கூடுகிறது
  • BREAKING-NEWS இலங்கை நாடாளுமன்றம் கலைக்கப்பட்டதற்கு இடைக்கால தடை விதித்தது இலங்கை உச்சநீதிமன்றம்
  • BREAKING-NEWS கூவம், அடையாறு ஆற்றை பராமரிப்பு செய்யாத வழக்கில் அரசுக்கு விதித்த ரூ.2 கோடி அபராதத்துக்கு தடை

ஐபிஎல் நட்பை எல்லாம் மறந்தாச்சு: பட்லர் பளிச் !

ipl-friendships-will-be-forgotten-says-jos-buttler

இந்திய கிரிக்கெட் அணி, இங்கிலாந்தில் சுற்றுப்பயணம் செய்து விளையாடி வருகிறது. இதில் டி20 தொடரை இந்தியாவும், ஒரு நாள் தொடரை இங்கிலாந்தும் கைப்பற்றியது. இந்நிலையில் இவ்விரு அணிகள் மோதும் 5 போட்டிகள் கொண்ட டெஸ்ட் தொடர் ஆகஸ்ட் 1 ஆம் தேதி தொடங்குகிறது. இந்தப் போட்டி இரு அணிகளுக்கும் சவாலாக இருக்கும் என்று கூறப்படுகிறது. 

இந்நிலையில் இங்கிலாந்து வீரர் ஜோஸ் பட்லர் இந்தப் போட்டி பற்றி கூறும்போது, ’ஐபிஎல் போட்டியின் போது இந்திய வீரர்கள் சிலருடன் நட்பு ஏற்பட்டது. அந்த நட்பை இப்போது மறந்துவிட்டேன்’ என்று கூறியுள்ளார். பட்லர் 2017 ஆம் ஆண்டு மும்பை இண்டியன்ஸ் அணிக்காகவும் இந்தாண்டு ராஜஸ்தான் அணிக்காகவும் ஆடியவர். மோசமான ஃபார்மில் இருந்த அவர், ஐபிஎல் போட்டியில் அதிரடியாக விளையாடியதன் மூலம் இங்கிலாந்து அணியில் மீண்டும் இடம் பிடித்தார்.

விக்கெட் கீப்பர் பேட்ஸ்மேனான அவர் மேலும் கூறும்போது, ’பொதுவாக அவர்களுடன் நட்பாகத்தான் இருக்கிறேன். ஆனால் மைதானத்துக்குள் அதை மறந்து ஒவ்வொருவரையும் போட்டியாளராகத்தான் பார்ப்போம். மொயின் அலி, விராத் கோலியின் பெங்களூர் ராயல் சேலஞ்சர்ஸ் அணிக்கு விளையாடினார். சேஹல் அந்த அணியில் இருந்தார். ஹர்திக் பாண்டியாவுடன் மும்பை அணியில் இருந்தபோது விளையாடி இருக்கிறேன். ரஹானே உள்ளிட்ட வீரர்களுடன் நன்றாக பழகி இருக்கிறேன். ஆனால், ஆடுகளத்தில் நட்புக்கு இடமில்லை. போட்டியை வெல்வதில்தான் குறியாக இருப்போம். 

ஐபிஎல் தொடரில் நான் கற்றுக்கொண்ட விஷயம், முன்னணி வீரர்கள் ஏன், சிறந்த வீரர்களாக இருக்கிறார்கள் என்பதைத் தான். அவர்களுக்கு ஒவ்வொரு போட்டியையும் வெற்றி பெறவேண்டும் என்ற வேட்கை இருக்கும். விராத் கோலி போன்ற வீரர்களின் பேட்டிங்கை பார்த்து கற்றுக்கொண்டு இருக்கிறேன். அவர் திறமையான வீரர். பதட்டமான சூழலிலும் வெற்றியை நோக்கி போட்டியை கொண்டு செல்பவர். அவரது பேட்டிங் திறமை எனக்கு பிடிக்கும். இந்திய அணியுடன் எனக்கு நல்ல நினைவுகள் இருக்கிறது’ என்றார். 

Advertisement:
இது தொடர்பான செய்திகள் :
Advertisement:
Advertisement:
[X] Close