[X] Close
JUST IN
  • BREAKING-NEWS சுங்கச்சாவடி தாக்குதல், என்.எல்.சி முற்றுகை போராட்ட வழக்கில் வேல்முருகனுக்கு நிபந்தனை ஜாமீன்
  • BREAKING-NEWS தமிழ் உள்ளிட்ட மொழிகளில் மத்திய ஆசிரியர் தகுதித் தேர்வு எழுத அனுமதிக்கப்படும்- மத்திய அமைச்சர் ஜவடேகர்
  • BREAKING-NEWS ஜூலை 12 இல் எஸ்.வி.சேகர் ஆஜராகவில்லை என்றால் பிடிவாரண்ட் பிறப்பிக்கப்படும்- நெல்லை நீதிமன்றம்
  • BREAKING-NEWS ஜம்மு- காஷ்மீரின் பந்திப்போரா பகுதியில் பாதுகாப்புப் படையினரால் 4 பயங்கரவாதிகள் சுட்டுக்கொலை
  • BREAKING-NEWS பி.எட் 2 ஆண்டு பட்டப்படிப்புக்கு 21 ஆம் தேதி முதல் 30 ஆம் தேதி வரை விண்ணப்ப விநியோகம்
  • BREAKING-NEWS தருமபுரி: ஒகேனக்கல்லுக்கு நீர்வரத்து 30,000 கன அடியில் இருந்து 26,000 கன அடியாக குறைந்தது
  • BREAKING-NEWS வேலூர்: ஆம்பூர் சுற்றுவட்டாரப் பகுதிகளில் வீசிய சூறைக்காற்றில் சுமார் 5,000 வாழைகள் சாய்ந்தன

சேவாக் அப்போ கூச்ச சுபாவம் கொண்டவர்: சச்சின் தகவல்!

sachin-tendulkar-reveals-how-he-broke-the-ice-with-shy-virender-sehwag

 

இந்திய கிரிக்கெட் அணியில் அதிரடி ஆட்டக்காராக வலம் வந்தவர் ஷேவாக். டி20 கிரிக்கெட் இல்லாத காலகட்டத்திலேயே அதிரடியாக வெளுத்து கட்டியவர். ஷேவாக் - சச்சின் டெண்டுல்கர் இணை இந்திய அணியின் மிகச்சிறந்த ஓபனிங் பார்ட்னர்ஷிப். இந்திய கிரிக்கெட் ரசிகர்களின் கடவுள் சச்சின் டெண்டுல்கர். உலகின் தலைசிறந்த பந்துவீச்சாளர்களை இந்த இணை ஒரு கை பார்த்துள்ளது. யுடியூப் வெப் சீரியஸான ‘ வாட்ச் தி டக்’ என்ற நிகழ்ச்சியில் சச்சின் டெண்டுல்கர், ஷேவாக் இருவரும் கலந்து கொண்டு தங்களது பசுமையான நினைவுகளை பகிர்ந்துக்கொண்டனர். 

இந்த தொடரில் இருவரும் பல்வேறு நினைவுகளை பகிர்ந்து கொண்டனர். இதில் சேவாக் குறித்து சச்சின் பேசியது ஆச்சரியமாக இருந்தது. நம் அனைவருக்கும் சேவாக்கை ஒரு அதிரடி ஆட்டக்காரராக தெரியும். ஆனால் சேவாக் முதன் முதலில் இந்திய அணியில் இடம்பிடித்த காலத்தில் கூச்ச சுபாவம் கொண்டவராக இருந்ததாக சச்சின் கூறினார். 

சச்சின் பேசுகையில்,  ’வீரு இந்திய அணியில் இணைந்த காலகட்டத்தில் என்னுடன் பேசமாட்டார். இது சரிபட்டு வராது என எனக்கு தோன்றியது. ஏனென்றால் நாங்கள் இருவரும் ஒன்றாக விளையாடவுள்ளோம். நாங்கள் இருவரும் நன்றாக பேசி பழகினால் தான் களத்தில் சிறப்பாக செயல்பட வசதியாக இருக்கும். எனவே நான் அவரிடம் சாப்பிட போலாமா என அழைத்தேன். கிளம்புவதற்கு முன் உங்களுக்கு என்ன பிடிக்கும் என கேட்டேன். அதற்கு அவர் நான் சைவம் என்று பதிலளித்தார். ஏன் சைவம் சாப்பிடுறீங்க கேட்டேன். அதுக்கு வீரு, சிக்கன் சாப்பிட்டால் வெயிட் போட்டும்னு வீட்ல சொன்னாங்க என்றார். என்னை பாரு நான் என்ன உன்ன விட குண்டாவா இருக்கேன்? நான் வருடம் முழுவதும் சிக்கன் சாப்டுறேன். வா ட்ரை பண்ணி பாரு என்றேன். இப்ப வீரு சிக்கனை வெளுத்து வாங்குறார்’ என சச்சின் கூறினார்.

சேவாக் பேசுகையில் ’நான் இந்திய அணியில் இடம்பிடித்த சமயத்தில் கூச்ச சுபாவம் கொண்டவனாக இருந்தேன்.  நான் முதன்முறையாக சச்சினை சந்தித்த போது அவர் கைக்குலுக்கி விட்டு சென்று விட்டார். நான் கிரிக்கெட்டுக்கு வந்ததற்கு காரணமே சச்சின் தான். அவரிடமே நாம் கைகுலுக்கி விட்டோம் என நினைத்துக்கொண்டேன். இந்திய அணியில் நான் சீனியர் வீரராக மாறியபோது சச்சின் என்னிடம் நடந்துக்கொண்டது போல் நடந்துக்கொண்டேன். ஒருவரை பற்றி தெரியாமல் அவர்களிடம் நெருக்கமாக இருக்க முடியாது என்பதை உணர்ந்தேன்’ என்றார்.

Advertisement:
Advertisement:
Advertisement:
[X] Close