[X] Close
JUST IN
  • BREAKING-NEWS பரபரப்பான அரசியல் சூழலில் கர்நாடக காங்கிரஸ் எம்எல்ஏக்கள் கூட்டம் நாளை மறுநாள் நடக்கிறது; காங்கிரஸ் எம்எல்ஏக்களுக்கு பாஜக பேரம் பேசுவதாக கூறப்படும் நிலையில் ஆலோசனை நடைபெறவுள்ளது
  • BREAKING-NEWS காணும் பொங்கலையொட்டி சென்னையில் நாளை சிறப்பு பேருந்துகள் இயக்கப்படும்; சென்னை மற்றும் புறநகர் பகுதிகளில் உள்ள சுற்றுலாத்தளங்களுக்கு 480 சிறப்பு பேருந்துகள் இயக்கம் - மாநகர போக்குவரத்துக்கழகம்
  • BREAKING-NEWS சேலம்-ஓமலூர் பிரதான சாலைக்கு எம்ஜிஆர் பெயர் சூட்டினார் முதல்வர் பழனிசாமி
  • BREAKING-NEWS அதிமுக அரசு நீடிக்க வேண்டும் என்று திமுக எம்எல்ஏக்களே விரும்புகின்றனர் - அமைச்சர் ஜெயக்குமார்
  • BREAKING-NEWS சேலம் அண்ணா பூங்கா வளாகத்தில் எம்ஜிஆர், ஜெயலலிதா மணிமண்டபத்தை திறந்துவைத்தார் முதல்வர் பழனிசாமி
  • BREAKING-NEWS திருவாரூர் நாகை மாவட்டங்களில் ஹைட்ரோ கார்பன் திட்டம் செயல்படுத்த அனுமதி அளித்த மத்திய அரசை கண்டித்து நேற்று மார்க்சிஸ்ட் கம்யூனிஸ்ட் கட்சி சார்பில் கோமல் கிராமத்தில் கறுப்புக் கொடி போராட்டத்தில் ஈடுபட்டதாக 30பேர் மீது திருவாரூர் தாலுகா காவல் துறையினர் வழக்குப்பதிவு
  • BREAKING-NEWS தமிழகத்தில் மேலும் 2 நாட்களுக்கு மூடுபனி அதிகமாக நிலவும்; தமிழகத்தில் மேகக்கூட்டங்கள் குறைவால் பனி அதிகரித்து காணப்படுகிறது - சென்னை வானிலை ஆய்வு மையம்

ரசிகர்களுக்கு விருந்து படைத்த விராட் கோலி

india-vs-south-africa-2018-3rd-odi-virat-kohli-160-propels-india-to-303-6

தென்னாப்பிரிக்கா அணிக்கு எதிரான மூன்றாவது ஒருநாள் போட்டியில் கேப்டன் விராட் கோலியின் அதிரடி சதத்தால் இந்திய அணி 303 ரன்கள் குவித்துள்ளது.

கேப்டவுனில் நடைபெறும் இந்தப் போட்டியில் தென்னாப்பிரிக்கா அணி டாஸ் வென்று முதலில் பந்து வீச தீர்மானித்தது. முதலில் பேட்டிங் செய்த இந்திய அணியில் ரோகித் சர்மா முதல் ஓவரிலே டக் அவுட் ஆகி வெளியேறினார். விராட் கோலியும், ஷிகார் தவானும் இணைந்து சிறப்பாக விளையாடினர். இந்த ஜோடி பதற்றமே இல்லாமல் ரன்களை சேர்த்தது. 

ஷிகார் தவான் 76 ரன்களில் ஆட்டமிழக்க, பின்னர் களமிறங்கிய ரகானே 11, பாண்ட்யா 14, தோனி 10, கேதர் ஜாதவ் 1 ரன்களில் அடுத்தடுத்து ஆட்டமிழந்தனர். பொறுப்பாக விளையாடிய கேப்டன் கோலி தனது 34வது சதத்தை பதிவு செய்தார். மிடில் ஆர்டர் பேட்ஸ்மேன்கள் அடுத்தடுத்து ஆட்டமிழக்க கோலி மட்டும் தனியாக போராடி ரன்களை சேர்த்தார். 236 ரன்களுக்கு இந்திய அணி 6 விக்கெட்டுகளை இழந்தது தடுமாறியது. பின்னர் களமிறங்கிய புவனேஷ்வர்குமார், கோலிக்கு நன்கு ஒத்துழைப்பு கொடுத்தார். விக்கெட் விளாமல் பார்த்துக் கொண்டார். இதனால், விராட் கோலி ரன்களை சேர்த்துக் கொண்டே சென்றார். தென்னாப்பிரிக்கா வீரர்களால் கோலியை இறுதி வரை ஆட்டமிழக்க செய்ய முடியவில்லை. 

விராட் கோலி ஆட்டமிழந்திருந்தால் இந்திய அணி 250 ரன்களுக்குள் சுருண்டு இருக்கும். கோலி இறுதி வரை சிறப்பாக விளையாடி 159 பந்துகளில் 160 ரன்கள் குவித்து ஆட்டமிழக்காமல் இருந்தார். இதில் 12 பவுண்டரிகள், 2 சிக்ஸர்கள் அடங்கும். புவனேஷ்குமார் 19 பந்துகளில் 16 ரன்கள் எடுத்து ஆட்டமிழக்காமல் இருந்தார். இந்திய அணி 50 ஓவர்கள் முடிவில் 6 விக்கெட் இழப்புக்கு 303 ரன்கள் எடுத்தது.

          

23.1 ஓவரில் ஷிகர் தவான் ஆட்டமிழந்த போது இந்திய அணி 140 ரன்கள் எடுத்து இருந்தது. அதன் பிறகு சீரான இடைவெளியில் விக்கெட்டுகள் விழுந்துகொண்டே இருந்ததால் ரசிகர்கள் ஏமாற்றம் அடைந்தனர். ஆனால் விராட் கோலி தனி ஆளாக ரசிகர்களை சந்தோஷப்படுத்தினார். 

Advertisement:
இது தொடர்பான செய்திகள் :
Advertisement:
Advertisement:
[X] Close