[X] Close
JUST IN
  • BREAKING-NEWS விக்ரம் லேண்டரை தொடர்பு கொள்ள முடியவில்லை -இஸ்ரோ தலைவர் சிவன்
  • BREAKING-NEWS தங்கத்தின் விலை சவரனுக்கு ரூ.136 அதிகரித்து ரூ.28,824க்கு விற்பனை
  • BREAKING-NEWS நாங்குநேரி, விக்கிரவாண்டி தொகுதிகளுக்கு அக்.21இல் இடைத்தேர்தல்
  • BREAKING-NEWS அடுத்த 3 நாட்களுக்கு தமிழகத்தில் மழை நீடிக்க வாய்ப்பு. 14 மாவட்டங்களில் கனமழை பெய்யக்கூடும் - ‌வானிலை மையம்

ஆதார் எண்ணை தவறாக அளித்தால் ரூ10 ஆயிரம் அபராதம் - மத்திய அரசு திட்டம்

government-to-impose-penalty-for-misquoting-aadhaar

ஆதார் எண்ணை தவறாக வழங்கினால் அபராதம் விதிக்கும் நடைமுறை செப்டம்பர் முதல் அமலாக்க மத்திய அரசு திட்டமிட்டுள்ளது.

அரசின் பல்வேறு திட்டங்களுக்கு ஆதார் எண் கட்டாயமாக்கப்பட்டுள்ளது. அரசு திட்டங்கள் மட்டுமில்லாமல் வாழ்வின் பல்வேறு விஷயங்களுக்கும் ஆதார் எண் முக்கியமானதாக மாறிவருகிறது. கார், வீடு உள்ளிட்டவற்றை வாங்கும் போது அதிகப்படியாக பணப் பரிமாற்றம் செய்வதற்கு பான் கார்டிற்கு பதிலாக ஆதார் கார்டும் பெறப்படுகிறது.

இந்நிலையில், ஆதார் எண்ணை தவறாக கொடுப்பவர்களுக்கு அபராதம் விதிக்கும் நடைமுறையை கொண்டு வர மத்திய அரசு திட்டமிட்டுள்ளது. செப்டம்பர் ஒன்றாம் தேதி முதல் இந்த அபராதம் வசூலிக்கப்படும் என எதிர்பார்க்கப்படுகிறது. ஒவ்வொரு முறை தவறாக எண்ணை வழங்கும் போதும் 10 ஆயிரம் ரூபாய் அபராதம் விதிக்கப்படும் என தெரிகிறது.

                     

இனி பான் கார்டுகளுக்கு பதிலாக ஆதார் எண்ணை பயன்படுத்தலாம் என மத்திய அரசு ஜூலை 5 ஆம் தேதி கூறியிருந்த நிலையில், அதற்கேற்ற சட்டவிதிகள் திருத்தப்படும் என அதிகாரி ஒருவர் கூறியுள்ளார். நாட்டில் மொத்தம் 120 கோடி பேருக்கு ஆதார் அட்டை உள்ளதாக நிதி அமைச்சர் நிர்மலா சீதாராமன் பட்ஜெட் தாக்கலின் போது தெரிவித்தார். ஆனால், பான் கார்டினை 22 கோடி பேர் மட்டுமே வைத்துள்ளனர். 

Advertisement:
Advertisement:
Advertisement:
[X] Close