[X] Close
JUST IN
  • BREAKING-NEWS ராஜஸ்தானை சேர்ந்த எம்.பி. ஓம் பிர்லா, மக்களவை சபாநாயகராக தேர்ந்தெடுக்கப்படுவார் என தகவல்
  • BREAKING-NEWS பாரதிய ஜனதா கட்சியின் தேசிய செயல் தலைவராக ஜெ.பி.நட்டா தேர்வு செய்யப்பட்டார்
  • BREAKING-NEWS சென்னை பரங்கிமலை மெட்ரோ ரயில் நிலையத்தில் தண்ணீர் பற்றாக்குறையால் மூடப்பட்ட கழிவறை தற்போது நடவடிக்கை எடுக்கப்பட்டு திறக்கப்பட்டது
  • BREAKING-NEWS வயநாடு தொகுதியில் இருந்து மக்களவைக்கு தேர்வான ராகுல் காந்தி, மக்களவையில் இடைக்கால சபாநாயகர் வீரேந்திர குமார் முன்னிலையில் எம்.பி.யாக பதவியேற்றார்
  • BREAKING-NEWS மேற்கு வங்கம்: கொல்கத்தாவில் மருத்துவர்கள் சங்க பிரதிநிதிகளுடன் முதல்வர் மம்தா பானர்ஜி பேச்சுவார்த்தை
  • BREAKING-NEWS சென்னை, காஞ்சிபுரம், விழுப்புரம், திருச்சி, கடலூர், திருவள்ளூர், வேலூர், திருவண்ணாமலையில் அதி தீவிர அனல் காற்று வீசும் என எச்சரிக்கை
  • BREAKING-NEWS தடைசெய்யப்பட்ட பிளாஸ்டிக்கை பயன்படுத்தும் நிறுவனங்கள் மீது கடும் நடவடிக்கை எடுக்க முதல்வர் பழனிசாமி உத்தரவு

மே 29 அன்று 5ஆவது முறையாக முதல்வராக பதவியேற்கிறார் நவீன் பட்நாயக் 

naveen-patnaik-to-be-sworn-in-as-odisha-cm-on-may-29

பிஜூ ஜனதா தள கட்சியின் தலைவர் நவீன் பட்நாயக் ஒடிசா முதலமைச்சராக மே 29 ஆம் தேதி பதவியேற்கிறார். 

ஒடிசாவின் கட்டாக் நகரில் பிஜுபட்நாயக்- கியான்பட்நாயக் தம்பதியின் மகனாக 1946ஆம் ஆண்டு அக்டோபர் 16ஆம் தேதி பிறந்தவர் நவீன் பட்நாயக். தனது தந்தை அரசியல்வாதியாக இருந்தாலும், நவீன் பட்நாயக் அரசியலில் இருந்து விலகியே இருந்து வந்தார். 1997ஆம் ஆண்டில் தந்தை பிஜு பட்நாயக் மறைவைத் தொடர்‌ந்து, தனது அரசியல் பயணத்தைத் தொடங்கினார்.

2014ல் நாடு முழுவதும் மோடி அலை வீசியதாக கூறப்பட்ட சூழலிலும், பேரவைத் தேர்தலில் 117 இடங்களை பிடித்து அபார வெற்றி பெற்றார். அப்போது பாஜக 10 இடங்களையும் காங்கிரஸ் 16 இடங்களையும் பிடித்திருந்தது.

இந்நிலையில் இம்முறை தேர்தலில், மகளிருக்கு 33 சதவிகித இடஒதுக்கீடு அளித்ததுடன் மகளிர் சுயஉதவிக் குழுக்களைச் சேர்ந்த கிராமத்துப் பெண்கள் 8 பேரை நாடாளுமன்ற வேட்பாளர்களாக நிறுத்தினார் நவீன் பட்நாயக். 147 சட்டப்பேரவை தொகுதிகளில் 112 இடங்களை கைப்பற்றி ஆட்சியை மீண்டும் தொடர்கிறார். பாஜக 23 இடங்களையும் காங்கிரஸ் 9 இடங்களையும் பிடித்துள்ளது. 

2000 ஆம் ஆண்டில் பாஜக வேட்பாளர் பிடம்பர் ஆச்சார்யாவை 60, 160 வாக்குகள் வித்தியாசத்தில் வெற்றி பெற்று முதல் முறையாக முதலமைச்சராக பதவியேற்றார் நவீன் பட்நாயக். இதுவரை நான்கு முறை சட்டசபை தேர்தல்களில் தொடர்ந்து வெற்றி பெற்று நவீன்பட்நாயக் முதலமைச்சராக பொறுப்பேற்றுள்ளார். இந்நிலையில் தற்போது 5 வது முறையாக ஒடிசாவில் மே 29 ஆம் தேதி பதவியேற்கிறார். 

Advertisement:
இது தொடர்பான செய்திகள் :
Advertisement:
Advertisement:
[X] Close