[X] Close
JUST IN
  • BREAKING-NEWS ஒவ்வொரு சட்டமன்ற தொகுதிக்குட்பட்ட வாக்குச்சாவடிகளிலும் 5 வி.வி.பேட் இயந்திரங்களில் உள்ள பதிவு சீட்டுகளை மின்னணு வாக்கு பதிவு இயந்திரங்களில் பதிவாகியுள்ள எண்ணிக்கையுடன் சரிபார்ப்பதற்கு கூடுதல் அவகாசம் தேவைப்படுகிறது - தேர்தல் ஆணையம்
  • BREAKING-NEWS மக்களவைத் தேர்தல் முடிவுகளை அறிவிப்பதில் ஐந்து மணி நேரம் தாமதம் ஏற்படும் - தேர்தல் ஆணையம்
  • BREAKING-NEWS ஸ்டெர்லைட் ஆலைக்கு எதிராக கருத்து கொண்டோரை தமிழக அரசு துன்புறுத்துவது ஏன்?- தமிழக அரசுக்கு உயர்நீதிமன்ற மதுரை கிளை கேள்வி
  • BREAKING-NEWS வேலூர், தருமபுரி, சேலம் உள்ளிட்ட உள்தமிழகத்தின் ஒருசில இடங்களில் அனல் காற்று வீசும்- சென்னை வானிலை ஆய்வு மையம்
  • BREAKING-NEWS தூத்துக்குடி துப்பாக்கிச்சூடு சம்பவம் தொடர்பான வழக்கை முடித்து வைத்தது தேசிய மனித உரிமைகள் ஆணையம்
  • BREAKING-NEWS 10 மாநில தேர்தல் அதிகாரிகளுடன் தலைமை தேர்தல் ஆணையர் சுனில் அரோரா நடத்தவிருந்த ஆலோசனை ரத்து
  • BREAKING-NEWS காவிரி ஒழுங்காற்று குழு கூட்டம் டெல்லியில் நாளை கூடுகிறது; காவிரி மேலாண்மை ஆணைய கூட்டம் வரும் 28ம் தேதி டெல்லியில் நடைபெறுகிறது

கொல்கத்தாவில் அமித்ஷா பேரணியில் வன்முறை - வாகனத்திற்கு தீ வைப்பு 

violence-at-amit-shah-s-kolkata-rally-stones-thrown-vehicles-burnt

கொல்கத்தாவில் பாஜக தலைவர் அமித்ஷா தலைமையில் நடந்த பேரணியின் போது வன்முறை ஏற்பட்டுள்ளது. 

நாடாளுமன்ற தேர்தலையொட்டி மேற்குவங்கத்தில் 7 கட்டங்களாக வாக்குப் பதிவு நடைபெறுகிறது. 6 கட்ட தேர்தல் முடிவடைந்துள்ள நிலையில், மே 19ம் தேதி இறுதிகட்ட வாக்குப் பதிவு நடைபெறவுள்ளது. இதற்கு, கொல்கத்தா நகரில் பாஜக தலைவர் அமித்ஷா தலைமையில் பிரம்மாண்ட பேரணி நடைபெற்றது. இந்த பேரணியின் போது திடீரென வன்முறை ஏற்பட்டது. 

திரிணாமுல் காங்கிரஸ் - பாஜகவினர் இடையே ஏற்பட்ட மோதலில் இருசக்கர வாகனத்திற்கு தீ வைப்பு உள்ளிட்ட சம்பவங்கள் நடைபெற்றுள்ளன. இரு கட்சிகளை சேர்ந்த தொண்டர்கள் மோதலில் ஈடுபட்டபோது கூட்டத்தை கலைக்க போலீசார் தடியடி நடத்தினர். 

கொல்கத்தா விவேகனந்தா கல்லூரி வளாகத்திற்கு வெளியே உள்ள சாலையில் இருந்த வாகனங்கள் மீது தீ வைக்கப்பட்டன. கல்லூரி வளாகத்தில் இருந்த, 19ம் நூற்றாண்டைச் சேர்ந்த கல்வியாளர் மற்றும் சமூக சீர்திருத்தவாதி சந்திர வித்யாசகர் சிலை உடைக்கப்பட்டது.

வன்முறை எப்படி தூண்டப்பட்டது என்பது இதுவரை தெரியவில்லை. இந்த வன்முறை சம்பவம் தொடர்பாக, பல வீடியோ காட்சிகள் சமூக வலைதளங்களில் வெளியானது. சில வீடியோக்களில் காவி உடை அணிந்தவர்கள், மற்றொரு பிரிவினர் மீது கற்களை வீசுவதுபோல் உள்ளது. வன்முறைக்கு நீங்கள்தான் காரணம் என்று பாஜகவும், திரிணாமுல் காங்கிரஸும் ஒருவர் மீது ஒருவர் குற்றம்சாட்டியுள்ளனர்.

முன்னதாக, ஜாதவ்பூர் தொகுதியில் நேற்று அமித்ஷா பங்கேற்கவிருந்த பிரச்சார கூட்டத்திற்கு அனுமதி மம்தா பானர்ஜி அரசால் மறுக்கப்பட்டதாக கூறப்படுகிறது. அவரது ஹெலிகாப்டர் தரையிறங்க கூட அனுமதி அளிக்கப்படவில்லை. கூட்டம் நடைபெறவிருந்த இடத்தில் திரிணாமுல் காங்கிரஸ், பாஜக தொண்டர்களிடையே மோதல் ஏற்பட்டது. 

Advertisement:
இது தொடர்பான செய்திகள் :
Advertisement:
Advertisement:
[X] Close