[X] Close
JUST IN
  • BREAKING-NEWS 2ம் கட்டமாக மக்களவை தேர்தல் நடைபெறும் தமிழகம். புதுச்சேரி உள்ளிட்ட 97 மக்களவை தொகுதிகளுக்கு வேட்பு மனுத்தாக்கல் நிறைவு
  • BREAKING-NEWS டிடிவி தரப்பு வழக்கில் உச்சநீதிமன்றம் வழங்கிய உத்தரவை மற்ற வழக்குகளுக்கு முன்மாதிரியாக கருதக்கூடாது என்ற ஆணையத்தின் கோரிக்கை நிராகரிப்பு
  • BREAKING-NEWS டிடிவி தினகரனின் அமமுகவுக்கு குக்கர் சின்னத்தை ஒதுக்க உச்சநீதிமன்றம் மறுப்பு
  • BREAKING-NEWS பொள்ளாச்சி கொடூரம்: புகார் அளித்த பெண்ணின் அண்ணனை தாக்கிய வழக்கில் 28ம் தேதி விசாரணைக்கு ஆஜராக பார் நாகராஜனுக்கு சிபிசிஐடி போலீஸ் சம்மன்
  • BREAKING-NEWS சென்னையில் பெட்ரோல் லிட்டருக்கு ரூ. 75.67 காசுகளாகவும், டீசல் லிட்டருக்கு ரூ. 70.26 காசுகளாகவும் விலை நிர்ணயம்

“தேர்தல் ஆணையத்தை யாரோ தவறாக வழி நடத்தியுள்ளனர்” - உச்சநீதிமன்றம்

some-one-guided-election-commssion-wrongly-supreme-court

இந்திய தேர்தல் ஆணையத்தை யாரோ தவறாக வழி நடத்தியுள்ளதாக உச்சநீதிமன்றம் தெரிவித்துள்ளது.

நாடாளுமன்ற தேர்தலுடன் தமிழகத்தில் காலியாக உள்ள அரவக்குறிச்சி, திருபரங்குன்றம், ஒட்டப்பிடாரம் சட்டமன்ற தொகுதிகளுக்கும் இடைத்தேர்தல் நடத்த உத்தரவிடக்கோரி உச்சநீதிமன்றத்தில் திமுக மனு தாக்கல் செய்தது. இந்த மனு நீதிபதிகள் எஸ்.ஏ பாப்டே, அப்துல் நசீர் ஆகியோர் அடங்கிய அமர்வு முன்பு இன்று விசாரணைக்கு வந்தது. அப்போது வழக்கை 4 வாரக்காலத்திற்கு ஒத்திவைக்க தேர்தல் ஆணையம் சார்பில் கோரப்பட்டது. இதற்கு திமுக சார்பில் ஆஜரான வழக்கறிஞர் அபிஷேக் மனு சிங்வி எதிர்ப்பு தெரிவித்து வழக்கை விரைந்து முடிக்க கோரிக்கை விடுத்தார். 

அப்போது குறுக்கிட்ட நீதிபதி பாப்டே, 3 தொகுதிகளுக்கு இடைத்தேர்தலை நடத்த ‌ஏன் ‌அவசரம்? இடைத்தேர்தலை தனியாக நடத்தினால் என்ன பிரச்னை? என வினவினார். மேலும், வழக்கு தொடர்பாக விசாரணை நடத்த எங்களுக்கும், பதிலளிக்க தேர்தல் ஆணையத்திற்கும் கால அவகாசம் வேண்டும் என்பதால் அவச‌ரப்படுத்தாதீர்கள் எனவும் நீதி‌பதிகள் தெரிவித்தனர். 

எனினும் இந்திய தலைமைத் தேர்தல் ஆணையத்தை‌ யாரோ தவறாக வழி நடத்தியிருப்பதாகவும் நீதிபதிகள் கருத்து தெரிவித்தனர். இதனையடுத்து 3 தொகுதிகளுக்கும் இடைத்தேர்தல் நடத்துவது தொடர்பாக இரண்டு வாரக்காலத்திற்குள் இந்திய தலைமை தேர்தல் ஆணையம்‌ பதிலளிக்க நோட்டீஸ் அனுப்ப நீதிபதிகள் உத்தரவிட்டனர்.

Advertisement:
இது தொடர்பான செய்திகள் :
Advertisement:
Advertisement:
[X] Close