[X] Close
JUST IN
  • BREAKING-NEWS சிலைக்கடத்தல் வழக்கில் பொன் மாணிக்கவேல் பதவி நீட்டிப்புக்கு தடை விதிக்க உச்சநீதிமன்றம் மறுப்பு
  • BREAKING-NEWS இயக்குநர் ஏ.ஆர்.முருகதாஸை கைது செய்ய டிசம்பர் 20 வரை தடை விதித்தது சென்னை உயர்நீதிமன்றம்
  • BREAKING-NEWS புதிய தலைமைச் செயலக வழக்கை லஞ்ச ஒழிப்புத்துறைக்கு மாற்றிய அரசாணை ரத்து - உயர்நீதிமன்றம்
  • BREAKING-NEWS சென்னையில் பெட்ரோல் விலை லிட்டருக்கு 12 காசுகள் உயர்ந்து ரூ.72.94க்கு விற்பனை செய்யப்படுகிறது
  • BREAKING-NEWS மேகதாது அணைக்கு எதிர்ப்பு தெரிவித்து தமிழக அரசு தொடுத்த நீதிமன்ற அவமதிப்பு வழக்கை நாளை விசாரிக்கிறது உச்சநீதிமன்றம்
  • BREAKING-NEWS தெலங்கானா சட்டப்பேரவை தேர்தலில் வெற்றிபெற்ற சந்திரசேகர ராவுக்கு சந்திரபாபு நாயுடு ட்விட்டரில் வாழ்த்து
  • BREAKING-NEWS சென்னையில் பெட்ரோல் லிட்டருக்கு ரூ.72.82 காசுகளாகவும், டீசல் லிட்டருக்கு ரூ.68.26 காசுகளாகவும் விலை நிர்ணயம்

தீ விபத்தில் பலபேரை காப்பாற்றிவிட்டு தன் உயிரை இழந்த இளம் பெண்!

woman-saves-many-from-gurugram-fire-but-dies-as-locked-gate-traps-her

தீ விபத்தில் இருந்து பல பேரின் உயிரைக் காப்பாற்றிய இளம் பெண், தான் உயிரிழந்த சம்பவம் பரிதாபத்தை ஏற்படுத்தியுள் ளது.

டெல்லி அருகில் உள்ள குருகிராமில் 70 வது செக்டாரில் உள்ளது, துலிப் ஆரஞ்ச் என்ற அடுக்குமாடி கட்டிடம். ஒன்பது மாடிகளைக் கொண்ட இந்த கட்டிடத்தில் ஒரு தளத்தில் நான்கு வீட்டுகள் உள்ளன. இங்கு 5 வது தளத்தில் வசித்து வந்தவர் ஸ்வாதி (34). இன்டீரியர் டிசைனரான இவர் தனது 4 வயது மகள் மற்றும் கணவருடன் இங்கு வசித்து வந்தார். ஆஸ்த்துமாவால் பாதிக்கப்பட்டிருந்த அவர், கடந்த ஞாயிற்றுக்கிழமை அதிகாலை 2.30 மணியளவில் வீட்டுக்குள் புகை வருவதை உணர்ந்தார். பின்னர் தீ பிடித்து புகை பரவுவதை அறிந்த அவர், பக்கத்துவீடுகளின் கதவைத் தட்டி எல்லோருக்கும் எச்சரிக்கை செய்தார். 7 வது மற்றும் 8 வது மாடிகளில் உள்ள வீடுகளில் இருந்து அவர்கள் வெளியேற உதவினார். 

தீயணைப்புத் துறைக்கும் தகவல் தெரிவிக்கப்பட்டது. அவர்கள் அரைமணி நேரம் தாமதமாக வந்தனர். அதற்குள் தீயின் புகை வேகமாக பரவியது. அவர்கள் முக்கால் மணி நேரம் போராடி தீயை அணைத்தனர். மின் இணைப்பில் ஏற்பட்ட கோளாறு காரணமாக முதல் தளத்தில் தீ பிடித்து, அந்த புகை வேகமாக பரவியுள்ளது தெரியவந்தது. 

தீயை அணைத்துவிட்டு புகை அடர்ந்து காணப்பட்டதால் சிறிது நேரத்துக்குப் பிறகு தீயணைப்பு வீரர்கள் ஒவ்வொரு தளத்துக்கும் சென்று பார்த்தனர். அப்போது ஒரு பெண் உயிரிழந்திருப்பது தெரிய வந்தது. அவரை மேலிருந்து கீழே தூக்கி வந்தனர். அவர்தான் எல்லோர் வீட்டிலும் எச்சரிக்கை செய்து பலரின் உயிரைக் காப்பாற்றிய ஸ்வாதி என்பது தெரிய வந்தது.

எல்லோரையும் வெளியேற சொல்லிவிட்டு ஸ்வாதி மொட்டை மாடிக்கு செல்ல நினைத்தார். மொட்டை மாடியின் கதவு பூட்டப்பட்டு இருந்ததால் அவரால் தப்பிக்க முடியவில்லை. உடனடியாக கீழே செல்ல முயன்றார். புகை அதிகமாக சூழ்ந்த தால் மூச்சுத்திணறி அவர் அங்கேயே உயிரிழந்ததாக தீயணைப்புத் துறையினர் தெரிவித்தனர். இதையடுத்து அவர் உடலை உடற்கூராய்வுக்கு போலீசார் அனுப்பி வைத்தனர். 

பலரை உயிரை காப்பாற்றிய பெண், தன் உயிரை காப்பாற்ற முடியாமல் போனது அந்தப் பகுதியில் பரிதாபத்தை ஏற்படுத்தியுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close