[X] Close
JUST IN
  • BREAKING-NEWS நாடாளுமன்ற தேர்தலில் மம்தா பானர்ஜியால் பெரிய அளவில் வெற்றி பெற முடியாது; கொல்கத்தாவில் நடந்த மாநாட்டில் மிகக் குறைவாகவே கூட்டம் கூடியது - கே.பாலகிருஷ்ணன்
  • BREAKING-NEWS வாக்குப்பதிவு இயந்திரத்தில் முறைகேடு செய்யலாம் என தவறான தகவலை பரப்பியதாக லண்டனில் நடந்த நிகழ்ச்சி தொடர்பாகவும், நிகழ்ச்சி ஏற்பாட்டாளர் மீதும் டெல்லி போலீசில் தேர்தல் ஆணையம் புகார்
  • BREAKING-NEWS நாடாளுமன்ற தேர்தலில் பாஜக-அதிமுக கூட்டணி உறுதி - மத்திய அமைச்சர் ராம்தாஸ் அத்வாலே
  • BREAKING-NEWS தமிழகத்தில் போலியோ சொட்டு மருந்து வழங்குவது தாமதமாகும்; மத்திய தடுப்பு மருந்து தொழில்நுட்பக்குழு பரிந்துரையால் பிப்.3ல் போலியோ சொட்டு மருந்து முகாம் இல்லை - அமைச்சர் விஜயபாஸ்கர்
  • BREAKING-NEWS பட்டாசு ஆலை தொடர்பான வழக்கில் விசாரணையை 29ம் தேதிக்கு ஒத்திவைத்தது உச்சநீதிமன்றம்
  • BREAKING-NEWS அதிமுக உள்கட்சி விவகாரத்தில் பாஜக மூக்கை நுழைப்பது தவறானது - தம்பிதுரை எம்.பி.
  • BREAKING-NEWS சென்னையில் பெட்ரோல் லிட்டருக்கு ரூ. 73.99 காசுகளாகவும், டீசல் லிட்டருக்கு ரூ. 69.62 காசுகளாகவும் விலை நிர்ணயம்

செவிலியர் லினியை ஞாபகம் இருக்கா..? கணவரின் பாராட்டத்தக்க செயல்..!

nurse-lini-s-husband-donates-first-salary-to-kerala-flood-victims

கேரளாவில் நிபா வைரஸ் தாக்கத்தின்போது அர்ப்பணிப்பு உணர்வோடு செயல்பட்டு உயிரிழந்த லினியின் கணவர்  அரசு வேலையில் தனது முதல் மாத சம்பளத்தை கேரள வெள்ள நிவாரண நிதிக்கு வழங்கியுள்ளார்.

கேரளாவில் கடந்த சில மாதங்களுக்கு முன் தாக்கிய நிபா வைரஸை எவரும் அவ்வளவு எளிதில் மறந்திருக்க முடியாது. நிபா வைரஸ் தாக்குதலுக்கு பலரும் உயிரிழந்தனர். அதில் ஒருவர் தான் செவிலியர் லினி. நிபா வைரஸ் தாக்குதலுக்கு ஆளானவர்களை கவனித்து வந்த அவருக்கும் நிபா வைரஸ் பாதிப்பு ஏற்பட்டது. இதில் அவர் பரிதாபமாக உயிரிழந்தார். உயிரிழந்த அவரின் உடல் உறவினர்களிடம் ஒப்படைக்கப்படாமல் தனிமைப்படுத்தப்பட்டு புதைக்கப்பட்டது. யாருக்கும் அதன்மூலம் நிபா வைரஸ் பாதிப்பு ஏற்பட்டுவிடக் கூடாது என்பதற்காக இந்த நடவடிக்கை மேற்கொள்ளப்பட்டது. முன்னதாக செவிலியர் லினி தனது கணவருக்கு உருக்கமான கடிதம் ஒன்றை எழுதியிருந்தார். அதில், “ நான் கிட்டத்தட்ட இவ்வுலகை விட்டு செல்கிறேன். மறுபடியும் உன்னை சந்திக்க முடியுமா..? என்பது தெரியவில்லை. நம் குழந்தைகளையும் உன்னோடு அழைத்துக் கொண்டு சென்றுவிடு. அவர்களையும் தனிமையில் விட்டுவிட்டு செல்லாதே” என உருக்கமாக எழுதியிருந்தார்.

செவிலியர் லினியின் அர்ப்பணிப்பு உணவு பலரையும் வியக்க வைத்து. தன் உயிரையும் பொருட்படுத்தாமல் தனக்கு கொடுத்த பணியை அவர் சிறப்பாக செய்திருந்தார். கேரள முதலமைச்சர் பினராயி விஜயன் தனது முகநூல் பக்கத்தில், லினியின் மறைவுக்கு மிகுந்த வேதனையோடு இரங்கல் தெரிவித்திருந்தார். அர்ப்பணிப்பு உணர்வோடு செயல்பட்டு உயிரிழந்த லினியின் கணவர் சஜிஷ்க்கு அரசாங்க வேலை வழங்கப்பட்டது. தற்போது கேரள மாநில பொது சுகாதார மையத்தில் பணிபுரிந்து வரும் சஜிஷ் தனது முதல் மாத அரசு சம்பளத்தை கேரள வெள்ளத்தால் பாதிக்கப்பட்டுள்ளவர்களின் குடும்பங்களுக்கு அளித்துள்ளார். மனைவியின் விருப்பப்படி தன் இரு குழந்தைகளுடன் கேரளாவில் வசித்து வரும் சஜிஷ், முதல் மாத சம்பளத்தை முதலமைச்சரின் வெள்ள நிவாரண நிதிக்காக வழங்கியுள்ளார். தொழிலாளர் மற்றும் கலால் அமைச்சரான டிபி ராமகிருஷ்ணனை சந்தித்து அதற்கான காசோலையை வழங்கியுள்ளார் சஜிஷ்.

கேரளாவில் கடந்த சில தினங்களாக பெய்துவரும் கனமழை மற்றும் நிலச்சரிவு காரணமாக இதுவரை 70-க்கும் மேற்பட்டோர் உயிரிழந்துள்ளனர். பலர் வீடுகளை இழந்து தவித்து வருகின்றனர். இருப்பினும் மழை தொடர்ச்சியாக பெய்து வருவது குறிப்பிடத்தக்கது.

Advertisement:
இது தொடர்பான செய்திகள் :
Advertisement:
Advertisement:
[X] Close