[X] Close
JUST IN
  • BREAKING-NEWS டாக்டர் எம்.ஜி.ஆர் நிகர்நிலை பல்கலைக்கழகம் சார்பில் முதல்வர் பழனிசாமிக்கு அக்டோபர் 20ம் தேதி கௌரவ டாக்டர் பட்டம் வழங்கப்படுகிறது
  • BREAKING-NEWS பொதுத்துறை ஊழியர்களுக்கு தீபாவளி போனஸ் 8.33%, கருணைத் தொகை 11.37% வழங்கப்படும் - தமிழக அரசு
  • BREAKING-NEWS ராஜீவ்காந்தி கொலை குறித்து சீமான் பேசியது தொடர்பாக மாவட்ட தேர்தல் அதிகாரியிடம் விரிவான அறிக்கை கேட்டுள்ளார் தமிழக தலைமை தேர்தல் அதிகாரி சத்யபிரதா சாஹூ
  • BREAKING-NEWS நீட் ஆள்மாறாட்ட வழக்கில் மாணவர் இர்பானின் காவலை அக்டோபர் 25 வரை நீட்டித்தது தேனி நீதிமன்றம்

குப்பையை அகற்ற போராட்டத்தில் ஈடுபட்ட நீதிபதி

judge-sat-alongside-the-garbage-on-a-chair-said-will-not-go-until-it-will-be-removed

கேரளா மாநிலம் எர்ணாகுளம் பகுதியில் உள்ள காய்கறி மார்க்கெட் குப்பையை அகற்ற வேண்டும் என துணை நீதிபதி போராட்டத்தில் ஈடுபட்டது கேரளாவில் பரபரப்பை உண்டாக்கியுள்ளது. 

கேரளா மாநிலம் எர்ணாகுளம் பகுதியில் காய்கறி மார்க்கெட் உள்ளது. எப்போதும் பரபரப்பாக காணப்படும் இந்த மார்க்கெட் பகுதியை ஆய்வு செய்ய எர்ணாகுளம் சட்ட உதவி மைய துணை நீதிபதி பசீர் அந்த பகுதிக்கு சென்றுள்ளார். அப்போது அந்த பகுதியில் மலைபோல் குப்பை கொட்டப்பட்டு இருப்பதைக் கண்டு அதிர்ச்சி அடைந்தார். அதுமட்டுமல்லாமல் மார்க்கெட் பகுதி என்பதால் அந்தப் பகுதியில் அழுகிய காய்கறிக் கழிவுகள், குப்பைகள் இறைச்சிக் கழிவுகள் என அந்தப் பகுதி முழுவதும் துர்நாற்றாம் வீசியுள்ளது. இதைக் கண்ட துணை நீதிபதி, திடீர் போராட்டத்தில் ஈடுபட்டதுடன், உடனே குப்பைகளை அகற்ற உத்தரவிட்டார். 

                                       

மேலும் குப்பையை அகற்றும் வரை இங்கு இருந்து செல்லப்போவதுமில்லை என்று அங்கே போராட்டத்தில் ஈடுபட்டார். நீதிபதி ஒருவர் நேரடியாக களத்தில் இறங்கி போராடி வருவது சம்பந்தப்பட்ட மாநகராட்சி அதிகாரிகளுக்கு தெரிய வந்தது. உடனே அங்கு விரைந்த அதிகாரிகள் தேங்கி கிடந்த குப்பையை உடனடியாக அகற்றினர். அதன் பின்னே அங்கிருந்து நகர்ந்த பசீர், இந்தப் பகுதியில் குப்பை கொட்டக் கூடாது என்று ஏற்கெனவே உத்தரவு பிறப்பிக்கப்பட்டுள்ள நிலையில் இங்கு குப்பை தொடர்ந்து கொட்டி வருகின்றனர் என்றார். கேரளாவில் கடந்த சில மாதங்களாக மர்ம காய்ச்சல் பரவி வருகிறது. சுகாதார சீர்கேடே இந்நோய்களுக்கு காரணம். எனவே சுற்றுப்புறத்தை சுகாதாரமாக வைக்க வேண்டும் என்றார்.

Advertisement:
இது தொடர்பான செய்திகள் :
Advertisement:
Advertisement:
[X] Close