[X] Close
JUST IN
  • BREAKING-NEWS பரபரப்பான அரசியல் சூழலில் கர்நாடக காங்கிரஸ் எம்எல்ஏக்கள் கூட்டம் நாளை மறுநாள் நடக்கிறது; காங்கிரஸ் எம்எல்ஏக்களுக்கு பாஜக பேரம் பேசுவதாக கூறப்படும் நிலையில் ஆலோசனை நடைபெறவுள்ளது
  • BREAKING-NEWS காணும் பொங்கலையொட்டி சென்னையில் நாளை சிறப்பு பேருந்துகள் இயக்கப்படும்; சென்னை மற்றும் புறநகர் பகுதிகளில் உள்ள சுற்றுலாத்தளங்களுக்கு 480 சிறப்பு பேருந்துகள் இயக்கம் - மாநகர போக்குவரத்துக்கழகம்
  • BREAKING-NEWS சேலம்-ஓமலூர் பிரதான சாலைக்கு எம்ஜிஆர் பெயர் சூட்டினார் முதல்வர் பழனிசாமி
  • BREAKING-NEWS அதிமுக அரசு நீடிக்க வேண்டும் என்று திமுக எம்எல்ஏக்களே விரும்புகின்றனர் - அமைச்சர் ஜெயக்குமார்
  • BREAKING-NEWS சேலம் அண்ணா பூங்கா வளாகத்தில் எம்ஜிஆர், ஜெயலலிதா மணிமண்டபத்தை திறந்துவைத்தார் முதல்வர் பழனிசாமி
  • BREAKING-NEWS திருவாரூர் நாகை மாவட்டங்களில் ஹைட்ரோ கார்பன் திட்டம் செயல்படுத்த அனுமதி அளித்த மத்திய அரசை கண்டித்து நேற்று மார்க்சிஸ்ட் கம்யூனிஸ்ட் கட்சி சார்பில் கோமல் கிராமத்தில் கறுப்புக் கொடி போராட்டத்தில் ஈடுபட்டதாக 30பேர் மீது திருவாரூர் தாலுகா காவல் துறையினர் வழக்குப்பதிவு
  • BREAKING-NEWS தமிழகத்தில் மேலும் 2 நாட்களுக்கு மூடுபனி அதிகமாக நிலவும்; தமிழகத்தில் மேகக்கூட்டங்கள் குறைவால் பனி அதிகரித்து காணப்படுகிறது - சென்னை வானிலை ஆய்வு மையம்

பல்லாவரத்தில் பழி தீர்க்கும் நோக்கில் ரவுடிகள் கோஷ்டி மோதல்: அச்சத்தில் தவித்த மக்கள்..!

rowdy-clash-in-chennai-pallawaram

சென்னையில் முன் விரோதம் காரணமாக இரு தரப்பு ரவுடிகளுக்கிடையே கோஷ்டி மோதல் ஏற்பட்டதில் இருவருக்கு அரிவாள் வெட்டு விழுந்தது. ஒருவர் கவலைக்கிடமாக மருத்துவமனையில் அனுமதிக்கப்பட்டுள்ளார். தப்பியோடியவர்களை போலீசார் தீவிரமாக தேடி வருகின்றனர்.

சென்னை பல்லாவரம் அடுத்த கண்டோன்மெண்ட் பாரத் நகரில் வசித்து வருபவர் விக்கி (எ) விக்னேஷ்(23). இவருக்கும் அதே பகுதியை சேர்ந்த தன்ராஜ்(27) என்பவருக்கும் கடந்த ஆண்டு ஏற்பட்ட தகராறில் இருவரும் தாக்கிக் கொண்டனர்.  இதில் விக்னேஷ் சிறைக்கு சென்றார். அப்போது தன்ராஜ் நண்பர்கள் ‘சிறியவனிடம் போய் அடி வாங்கி விட்டாயே நீயெல்லாம் ஒரு ரவுடியா’ என கிண்டல் செய்துள்ளனர். இதனால் மிகுந்த மன உளைச்சலும் அவமானமும் அடைந்த தன்ராஜ் வெறியுடன் காத்திருந்தார். அதற்கேற்றார் போல் சிறைக்கு சென்ற விக்னேஷ் ஜாமீனில் வெளியில் வந்தார்.

இதனை தெரிந்து கொண்ட தன்ராஜ் தனது நண்பர்களான திலீப் மற்றும் சிலருடன் கத்தி உள்ளிட்ட ஆயுதங்களோடு விக்னேஷின் வீட்டிற்கே சென்று கொலை செய்ய திட்டமிட்டார். அதன்படி கொலை செய்யும் நோக்கத்தோடு சென்ற ரவுடி தன்ராஜ், விக்னேஷை கொலை செய்ய அரிவாளை வீசும் போது அவரது தந்தை மகேஷ் சிக்கிக் கொண்டார். அவர் மீது முதுகு, தலை, கழுத்து கை உள்ளிட்ட இடங்களில் சரமாரியாக வெட்டிவிட்டு தப்பியோடினர் தன்ராஜ். ரத்த வெள்ளத்தில் சரிந்த மகேஷை மீட்டு குரோம்பேட்டை அரசு மருத்துவமனையில் அனுமதித்தனர். 

தனது தந்தையை வெட்டி விட்டு சென்ற தன்ராஜை போட்டுத் தள்ள வேண்டும் என்ற வெறியுடன் விக்னேஷ் அவரது தம்பி சரவணன், மற்றும் தணிகா ஆகியோர் ஆயுதங்களுடன் சென்று தன்ராஜ் மற்றும் அவரது நண்பர்களுடன் கூட்டாக மோதிக் கொண்டனர். இதில் தன்ராஜ் நண்பரை விக்னேஷ் தரப்பினர் சரமாரியாக அரிவாளால் வெட்டி விட்டு தப்பிச் சென்றனர். உயிருக்கு ஆபத்தான நிலையில் அவர் ராஜீவ் காந்தி அரசு மருத்துவமனையில் சிகிச்சை பெற்று வருகிறார். 

இருவரின் கோஷ்டி மோதலால் இரண்டு இரு சக்கர வாகனம், ஒருவர் வீட்டின் ஜன்னல் கண்ணாடி ஆகியவை சேதமாக்கப்பட்டன. இரு தரப்பு ரவுடிகளுக்கிடையே ஏற்பட்ட மோதலால் நேற்றிரவு அப்பகுதி மக்கள் கதவுகளை அடைத்து கொண்டு ஒருவித அச்சத்தில் இருந்தனர். அதன் பின்னர் அப்பகுதியில் போலீசார் குவிக்கப்பட்டனர். தற்போது வரை அங்கு எவ்வித அசம்பாவிதங்களும் ஏற்படாதவாறு இருக்க போலீசார் போடப்பட்டுள்ளனர். 

கோஷ்டி மோதலில் ஈடுபட்ட ஒரு தரப்பின் முக்கிய குற்றவாளி தன்ராஜை பல்லாவரம் போலீசார் கைது செய்து விசாரித்து வருகின்றனர். மேலும் தப்பியோடிய நபர்களையும் தேடி வருகின்றனர்.

தகவல்கள்: சாந்தகுமார், செய்தியாளர்.

Advertisement:
இது தொடர்பான செய்திகள் :
Advertisement:
Advertisement:
[X] Close